Enpresa bioteknologikoak sortzeko eragile erabakigarriak ... - Euskara

7. Kapitulua: Ondorioak 303
7. ONDORIOAK ETA ETORKIZUNEKO IKERKETA ILDOAK
7.1 SARRERA
Ondorioak azaltzerako orduan aurreko kapituluen (4., 5. eta 6. kapituluak)
egitura mantendu da: biozientzia enpresen sorrera XXI. mendean, bioteknologia eta bio-
ekintzaileen karakterizazioa, eta prozesu ekintzailea. Ondoren formulatutako hipotesien
gaineko ondorioak jasotzen dira eta azkenik, aldiz, etorkizunerako ikerketa ildoak
definitu dira.
7.2 EAEKO BIOZIENTZIA ENPRESEN SORRERA XXI. MENDEAN
Biozientzia enpresen sorreraren inguruko ondorioak aztertzerakoan, kontuan
hartu dira ondorengo puntuak: biozientzia sektorearen emaitzen bilakaera, jarrera
ekintzailea, ezagutza zientifikoa, finantza-iturriak eta agente eragile nabarmenenak.
7.2.1 Biozientzia sektorearen bilakaera
Biozientzien sektoreak ezagutzan oinarritutako ekonomian adierazgarritasun-
maila altua lortu du azken urteetan. EAEk sektore lehiakor propioa garatzea hartu du
erronkatzat, zientzia, teknologi eta berrikuntza planetan ikus daitekeen moduan.
Europako bio-eskualdeen barnean aurkitzen da EAEko bio-klusterra, eta etorkizunean
bertako erreferentzia izateko bidean aurrerapausoak ematen ari da zentzu horretan.
Gauzak horrela, 66 bioenpresako bioeskualdea osatu da eta ondorengo urteak
erabakigarriak izango dira bioenpresa hauen kontsolidaziorako. Azpimarratu behar da
bioenpresen hiltze tasa baxua, soilik bi iniziatiba ezagutzen baitira aurrera egin ez
dutenak, Biolex Consultores eta Kina Biotech.
EAEko biozientzia sektorea gaztea dela agerian geratzen da, enpresen %43
2000. urtea geroztik sortutakoak baitira. Bestalde, I+G jardueratan dauden langile
kopurua kontuan hartuz, datu positiboak aurkitzen dira, I+Gan lan egiten dutenak %26,4
baitira. Garapen bidean dagoen sektore berri bat izanik, inpaktu ekonomikoa ez da altua
oraindik. Horrela, bio-kluster esanguratsu baten bilakatzeko urte batzuk itxaron behar
dira, produktu garapeneko prozesuak sektore tradizionaletan baino luzeagoak baitira eta
operazioetan hasi berri diren enpresak ere asko direlako.
EAEko biozientzia enpresa gehienak osasun sektorean jarduten dute (%61).
Ondoren zerbitzuak (%22), industria eta ingurumena (%11) eta nekazaritza (%6)
aurkitzen dira.
Bioteknologia enpresak sortzeko eragile erabakigarriak Euskal Autonomia Erkidegoan