Enpresa bioteknologikoak sortzeko eragile erabakigarriak ... - Euskara

7. Kapitulua: Ondorioak 306
EAEn bioteknologia enpresak sortzeko dagoen jarrera ekintzailea dinamikoa da,
%45k jatorri pribatua baitute, ekintzailearen iniziatiba propioz edota jada existitzen den
enpresa batetik sortutakoak dira hauek. Aipagarria da abian zeuden enpresetatik lau
bioteknologia enpresa berri sortu direla: Proteomika, Midatech Biogune, Abyntek eta
Progenika Inc. Beraz, beste enpresa baten jatorria duten bioteknologia enpresak %20
dira.
Hala ere, jatorri akademikoko enpresa ugari dago, %40k jatorria bertan baitu.
Unibertsitate, ikerketa zentro eta ospitaleen laguntzaz sortutako bioteknologia enpresak
dira.
Azkenik, teknologi zentroetatik sortutako enpresak ere azpimarratu behar dira,
%15 bertatik sortu baitira. Zentro hauetatik sortutako hiru bioteknologia enpresetatik bi
(Vacunek eta Biolan) Neikertek 118 erakundetik eratuak izan dira. Neiker-Tecnalia
teknologi zentroak 2006. urtean sortu zuen erakunde hau teknologia transferentzia
bultzatzeko. Beraz, denbora gutxian emaitza aipagarriak izan ditu iniziatiba berri honek.
Enpresa taldeek garrantzi handia izan dute eta bioteknologian duten presentzia
esanguratsua da. Horrela, hamar enpresa bioteknologiko daude hainbat taldeetan
barneratuta, taldeak eta enpresak hauek izanik:
• Progenika Taldea: Progenika Biopharma, Proteomika, Abyntec eta Progenika
Inc.
• Midatech Taldea: Midatech Biogune
• Noray Biosciences Taldea: Noray Bioinformatics eta Histocell
• Genetrix Taldea eta Mondragon Taldea: Biobide
• Global Dominion Acces: Pharmakine
• Adirondack Taldea: Datagene
Enpresa talde hauek jarraitzen dituzten hazkuntza estrategiak bi multzotan
banatu daitezke: dibertsifikazio estrategia erlazionatua, eta dibertsifikazio estrategia ez-
erlazionatua (7.1 irudia). Enpresa talde batzuen kasuan, bioteknologia enpresez soilik
daude osatuak (Progenika, Midatech, Noray BG eta Genetrix), eta dibertsifikazio
estrategia erlazionatua jarraitzen dutela baieztatu daiteke. Beste alde batetik, badira
talde batzuk enpresak sektore ezberdinetan dituztenak (Mondragon, Global Dominion
118 Neikertek S.L. ezagutza teknologikoa transferitzeko eta enpresa sektorearekin kolaboratzeko
asmorekin Neiker-Tecnaliatik bultzatutako iniziatiba da, I+Gko emaitzetatik balio ekonomikoa lortuko
duten oinarri teknologikoko enpresa berritzaileak sortzeko. Neiker-Tecnaliaz gain, bazkideak ondorengo
enpresak dira: Alavesa de Patatas, Artandi IV, Euskalovo, Gurokela, Lumagorri, Semillas Clemente,
Araco, Kaiku, Piensos Miba, Haizegor, Txomin Etxaniz, Sidras Zapiain, Piensos del Norte eta Lankertek.
Bioteknologia enpresak sortzeko eragile erabakigarriak Euskal Autonomia Erkidegoan