Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 66
beharra txikiagoa izango da hainbat zerbitzu kontratatu ahal duen heinean (Angulo
2000).
Politika publikoak: inbertsio edo laguntza fiskalen bitartez ez dira zuzenean
enpresak sortzen, baina eragina izan dezakete enpresa batek kokalekua aukeratu behar
duenean. Bestalde, teknologia elkartegi eta inkubatzaileek enpresa sortzearen prozesua
errazten dute (Angulo 2000).
Pull faktoreen adibide garbiak, AEBetako Silicon Valley, Route 128 eta North
Carolinako Triangeluko inguruneak izango lirateke, ez baitira kausualitate hutsetik
sortutako kokaguneak. Silicon Valley Stanfordeko Unibertsitatetik gertu dago; Route
128, berriz, MIT eta Harvarden inguruan, eta North Carolinako Triangeluak, azkenik,
estatu horretako unibertsitate pribatu eta publikoak biltzen ditu. Leku horietan enpresak
sortzeko ekimenak aunitz dira, ez soilik jakintza eta berrikuntza garatzeko leku
aproposak direlako, baizik eta enpresa berrietan inbertitzeko prest dauden business
angels inbertitzaileek eta aholkulari espezializatu askok horietara jotzen dutelako.
A2) Push faktoreak
Atsekabea eta baztertzea: Veciana-k honako hipotesia luzatzen du: “enpresa
baten sorketa, orokorrean, ez da erabaki eta azterketa sakon baten emaitza izaten.
Entrepreneur gehienentzat enpresa sorketaren prozesua aurreko bizitza estiloaren
etetearekin batera hasten da.” (Veciana 1980)
Collins, Moore eta Unwalla-k (1964), bizitza estiloaren eteteari “rolaren
hondatzea” deitzen diote eta Shapero-k, berriz, “gertaera bizkortzailea”.
Ikerketa askok faktore negatiboak positiboak baino eragin handiagoa dutela
baieztatzen dute (Collins, Moore eta Unwalla 1964, Shapero 1971, Susbauer 1972).
Faktore negatiboak honako hauek izaten dira: enpleguaren ziurgabetasuna, langabezia,
kaleratzea, lanpostuaren blokeoa, promozio eza eta ideia berrien proposamenen
baztertzea (Veciana 1980).
Brockhaus-ek eginiko ikerketan, ekintzaile, zuzendari eta biztanleriaren artean
zegoen atsekabe maila desberdina zen ala ez zehazten saiatu zen. Emaitzek baieztatu
zuten ekintzaile batek zuzendari batek baino atsekabe maila handiagoa zuela esparru
guztietan (promozio aukera, lankideak, eginbeharrak, zuzendaritza estiloa) soldatan izan
ezik. Ekintzaile eta zuzendariek, biek, biztanleriak orokorrean zuen atsekabe maila
handiagoa dute (Brockhaus 1980).
Bioteknologia enpresak sortzeko eragile erabakigarriak Euskal Autonomia Erkidegoan