Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 127
2.14 taula
Bioteknologia enpresen I+G inbertsioa
1. Amgen 2.314 M$ (%19)
2. Genentech 1.262 M$ (%23)
3. Biogen-Idec 747 M$ (%32)
4. Serono 594 M$ (%25)
5. Genzyme Corp. 503 M$ (%28)
6. Chiron Corp. 434 M$ (%38)
7. MedInmune 385 M$ (%32)
8. Gilead Sciences 278 M$ (%15)
Iturria: Contract Pharma july/august 2006
I+Gko inbertsioa salmentekiko datuari erreparatuz gero (2.14 taula), aipagarria
da Biogen-Idec enpresa bioteknologikoak duen %32, liderra den Amgen-ek baino %13
gehiago bideratzen baitu ikerketara.
Taula hauetan enpresa handienak azaltzen dira soilik baina aipagarria da azken
urteetan sortu diren bioteknologia enpresa txikien kopurua, batez ere Europan. Enpresa
hauek sortzeko ezinbestekoa izan da gobernuaren bultzada. Sortu diren enpresa
europearren zati handi bat Erresuma Batua eta Alemaniako unibertsitateen ikerketa
laborategietatik sorturiko spin-off-ak dira. Herrialde hauetako teknologia
transferentziarako bulegoak zubi moduan jardun dute ikertzaile, finantza iturri eta
ekintzaileen artean.
2.10.1.2 Sektoreak eta produktuak
Biozientzien merkatua oso zabala da, sektore ugari aurkitzen direlako bertan,
sektore bakoitzak lantzen dituen produktu eta teknologia, merkatuko balioa eta bere
gain hartzen duten arrisku finantzario eta teknologikoa bezalako ezaugarriak kontuan
hartzen baditugu.
Ez da erraza izaten bioteknologiaren sektoreen sailkapena egitea. Autoreak
EuropaBio 52 elkartearen sailkapena hartuko du oinarri gisa.
52 EuropaBio elkartea bioteknologia industriaren ahots politikoa da Europan, bertan elkartzen dira
bioteknologia enpresa handi eta ETEak, bio-eskualdeak eta bioteknologia elkarte nazionalak.
Bioteknologia enpresak sortzeko eragile erabakigarriak Euskal Autonomia Erkidegoan