Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 40
hauen interes berri honek mendebaldeko ekonomien burujabeak diren negozioen
indizeen igoerarekin bat egiten du (Thurik eta Carree 2002).
2.3 EKINTZAILEA
2.3.1 Ekintzaile kontzeptuaren bilakaera historikoa
“Ekintzaile edo entrepreneur kontzeptua jatorri frantseseko hitz bat da,
entreprende aditzetik eratorria, hain zuzen ere. Berezko hitza, entrepreneur, alegia,
XVI. mendean azaldu zen hizkuntza frantsesean. Hasiera baten, espedizio militarretan
parte hartzen zuten gizabanakoak izendatzeko eta definitzeko erabili izan zen terminoa.
Lehen etapa honetan, entrepreneur hitza eraikuntza proiektuak, eta batez ere aplikazio
militar edota erlijiodunak zituztenak, abian jartzen zituzten gizabanakoak izendatzeko
ere erabili zen.
XVII. mende hasieran, hitza zabaltzen joan zen eta beste motatako
abenturazaleak definitzeko hasi zen erabiltzen, hala nola, zubi eraikitzaileak, ibilbide eta
errepideen kontratistak eta arkitektoak.
Ekintzaile terminoari zentzu ekonomikoa ematen lehena Richard Cantillon
(1680-1734) jatorri irlandarreko idazle frantsesa izan zen. Ziurgabetasunari aurre
egiteko prozesu bezala definitu zuen kontzeptua:
“Ziurgabetasunaren aurrean negozio eritziak egiten dituena.
Produkziorako baliabideak erosten dituen agentea da, eta konbinatu egiten
ditu merkatuarentzat produktu batzuk lortzeko. Bere arreta, eskari eta
eskaintza mailetan, erabakiak hartzean eta merkatuko iritziak emititzean
biltzen ditu, lur-jabe eta errentatzaileek ez bezala, ziurgabetasun egoera
baten arriskua bereganatuz erabakiak hartzerako orduan.” (Verin 1982)
1803. urtean Jean Baptiste Say (1762-1832) ekonomilari frantsesa izan zen
kapitalista eta ekintzailearen artean bereizketa egin zuen lehena:
1. Ekintzaile batek etorkizuneko eskarien eta produkzio-baliabideen
kantitatea zehazki estimatu behar ditu. Momentu zehatz baten
eskulan kantitate handi bat erabili beharko baitu, edo lehengaiak
eskatu, langile berriak kontratatu, kontsumitzaile berriak aurkitu eta
uneoro ekonomia eta ordenari arreta ipini.
Bioteknologia enpresak sortzeko eragile erabakigarriak Euskal Autonomia Erkidegoan