Enpresa bioteknologikoak sortzeko eragile erabakigarriak ... - Euskara

7. Kapitulua: Ondorioak 311
baitute urte horretan sortutako lau enpresetan (Noray Bioinformatics, Proteomika, OWL
Genomics eta Pharmakine).
Bestalde, esan beharra dago enplegu ekarpen handiena egiten duen
bioteknologia enpresa Progenika dela, 2000. urtean sortua, 49 pertsonekin. Gainera,
Progenika Group-eko emaitza bateratuak hartuz gero, enpresa taldeak orotara 102
langile ditu bere barnean. Beraz, enplegu totala 265 pertsonetakoa izanik, %38,5
enpresa talde bakarrean kontzentratzen da. Datu honi EAEn jatorria duten beste
enpresa-taldeen 120 enplegu ekarpena gehituz gero, enplegu totalaren %57 enpresa talde
euskaldun hauetatik datorrela ikus daiteke.
EAEn enpresa taldeetan barneratuak dauden bioteknologia enpresen enplegua
aztertuz gero, hamar bioteknologia enpresa hauek (%50) enplegu sorketa totalaren %72
barneratzen dute. Beraz, enpresa taldeen partaide diren bioteknologia enpresak enplegu
gehiago sortzeko joera dute EAEn. Kontuan hartu behar da hemen enpresa taldeetan
dauden hamar bioteknologia enpresetatik bederatzi osasun sektorekoak direla eta
sektore honetako bioteknologia enpresak sortzen dutela enplegu gehien (enpresen %65
eta enpleguaren %74), beraz, enplegu sortzearen aldetik bi arrazoi aurkitu daitezke,
enpresa taldeko partaide izatea eta osasun sektoreko enpresa izatea.
Enplegua enpresa kontsolidatu eta enpresa sortu berrien arabera banatuz gero,
enpresa kontsolidatuek egiten dute ekarpen handiena enpleguari dagokionez, %72,5,
enpresa eratu berriek sortutako enplegua totalaren %27,5 den bitartean.
Sortutako enplegu kopurua alde batera utziz, eta kontuan hartuz gero enplegu
horren kalitatea, bioteknologia enpresetan lan egiten duten lizentziatuen portzentajea
%67koa da, eta doktoreena %26a. Beraz, maila altuko eta kualifikatuak diren enpleguak
sortzen dituzte.
Finantza-iturrien emaitzak aztertu eta gero, adierazgarria da EAEko
bioteknologia enpresek erabiltzen dituzten iturriak espezializazio maila baxua dutela,
arrisku-kapital pribatua eta business angels-ak gutxien erabiltzen diren tresna
finantzarioak baitira ekintzaile bioteknologikoek baieztatu duten moduan. Datu hau
nazioarteko bioteknologia sektore garrantzitsuenekin alderatuz gero, oso hurrun dago
(AEBetan kanpo finantzazioaren %31 arrisku kapitalak egiten du). Kontuan hartu behar
da EAEko bioteknologia enpresak gazteak direla, eta arrisku kapital pribatua normalean
garapen faseetan erabiltzen dela.
120 Progenika, Noray Biosciences, Adirondack (Datagene), eta MCC (Biobide) enpresa taldeak.
Bioteknologia enpresak sortzeko eragile erabakigarriak Euskal Autonomia Erkidegoan