Enpresa bioteknologikoak sortzeko eragile erabakigarriak ... - Euskara

1. Kapitulua: Ikerketaren sarrera 6
enpresa inkubatzaileak, eta abarrek, adibiderako ondorio suspergarriak izan ditu baina
beste iniziatiba batzuen bitartez osatu behar dira (COM 2000-2).
Europako eskualde askok lantzen dituzte gaur egun berrikuntza, garapen
teknologiko eta ikerketa politika propioak, eta ekintza hauek eragin handia izaten dute
Europako ikerketa gaitasunaren egituraketan.
Garapen ekonomikoaren ikuspegitik, Europako eskualdeen artean dagoen
aniztasuna ikusita, garapenerako eredu bakar baten aplikazioa hutsegite bat izango zen
(COM 2001).
1.2 TESTUINGURUA ETA PROBLEMATIKA
1.2.1 Bioteknologia eta bio-klusterrak
Bigarren Mundu Gerra ostetik hiru teknologia generiko bereiz daitezke:
informazio eta komunikaziorako teknologiak (hemendik aurrera IKT), material
aurreratuak eta bioteknologia. Bioteknologiak bereizgarri asko ditu beste bi teknologia
generikoekin alderatuz gero, baina, ezaugarri garrantzitsuena enpresen zati handi batek
unibertsitate-ikerketan duten jatorria da.
Bizitzaren zientziak eta bioteknologia ezagutzan oinarritutako ekonomiaren
hurrengo iraultzatzat hartzen dute askok. IKTen ondoren, aukera berriak sortuaz gure
gizarte eta ekonomian.
Bizitzaren zientziak eta bioteknologiak sortutako ezagutzek, mundu mailan,
aplikazio eta aurkikuntza zientifiko berriak sortzen dituzte medikuntza, nekazaritza,
elikagai ekoizpenean, industrian eta ingurumenaren esparruetan.
Gaur egun etorkizun oparoko teknologiatzat har liteke bioteknologia, eta
Lisboan Europar Batasunak ezarritako helburuak betetzen lagundu dezake. Ondorioz,
Stockholm-en egin zen 2001eko Europako Kontseiluan bioteknologiaren potentzial
guztiari etekina ateratzeko hartu beharreko neurriak aztertuko zirela baieztatu zen.
Iniziatiba honen bitartez, Europako Batzordeak estrategia bat proposatzen du
politika bideragarriak garatu ahal izateko (COM 2002-1):
1) Bizitzaren zientziak eta bioteknologiak osasunarekin, gizartearen
zahartzearekin, elikagaiekin, ingurumenarekin eta garapen iraunkorarrekin
zerikusia duten behar askori erantzun dezakete.
Bioteknologia enpresak sortzeko eragile erabakigarriak Euskal Autonomia Erkidegoan