Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 282
de Biotecnología enpresaren akzioen %80 erosi nuen, jarduera oso
antzekoak egiten baitituzte nahiz eta bakoitzak autonomia osoa duen.“ (José
Luis Gutiérrez, Guserbiot eta A&B Laboratorios de Biotecnología, 2007-02-
06)
Beste kasu batzuetan, lorpen premia hori enpresaren hazkuntzan isladatzen da
eta hartzen diren erabaki eta arriskuak helburuak betetzera zuzentzen dira:
“Orain dela urte eta erdi, hogei pertsonetako enpresa ginen eta zer
egin nahi genuen erabaki behar genuen. Hazkuntza estrategia aurrera
eramatea erabaki genuen orduan, bai barne hazkuntzaren bitartez Noray
Bioinfiormatics-ekin eta bai kanpo hazkuntzaren bitartez beste enpresa
batzuetan parte hartuz 112 , enpresa talde bat sortuz eta dibertsifikatuz. Gure
azterketaren ondorio nagusia sektore hontarako hazkuntza ezinbestekoa dela
zen, hazi edo hil, argi eta garbi. Bioteknologia sektorean jarduten duen
enpresa batek modu jarrai baten hazi behar du, hazkuntza ezak desagertzea
dakarrelako etorkizunean, modu batera edo bestera. Denborak esango digu
azterketa egokia egin dugun ala ez, guk uste dugu bidea hau dela eta bertan
erronka gauzatu dugu. Honek estres maila handiago batekin bizitzea dakar,
baina aldi berean baliabide eta ahalmen konkretu batzuk sortzeko gai izan
gara, beste erara ezin izango zirenak sortu. Gainera, ez gara bakarrak izan
bide hau hautatzen, Progenika taldea kasurako.” (Julio Font, Noray
Bioinformatics, 2007-03-14)
6.2.3 Esperientzia
Aurreko kapituluan esperientzia neurtu da ikuspuntu ezberdinetatik (ekintzaile
bezala, sektorean, zuzendaritzan, profesional gisa eta atzerrian). Puntu honetan enpresa
sorketan nola eragin duen aztertuko da.
Motibazioa aztertzerako orduan esperientziak duen garrantzia ikusi ahal izan da,
Noray Bioinformatics, Genetadi Biotech, Midatech Biogune eta Guserbiot 113
bioteknologia enpresetako ekintzaileen ekarpenak kontuan hartuz gero. Horrela, kasu
hauetan aurretik izandako ibilbide profesionalak paper erabakigarria jokatu du
112
Histocell bioteknologia enpresari buruz ari da kasu honetan, akzioen %51aren erosketa gauzatu eta
gero enpresa hontan.
113
Julio Font, Silvia Avila, Justin Barry eta Jose Luis Gutierrez hurrenez hurren.
Bioteknologia enpresak sortzeko eragile erabakigarriak Euskal Autonomia Erkidegoan