Enpresa bioteknologikoak sortzeko eragile erabakigarriak ... - Euskara

1. Kapitulua: Ikerketaren sarrera 15
Ikerketa deskribatzailea
Ikerketa esploratzaileak ez bezala, ikerketa deskribatzaileak hipotesi eta galdera
garbietan egituratuta daude. Helburu anitz aurkitu daiteke ikerketa forma hauetan:
Populazio konkretu batekin erlazionatutako ezaugarri eta fenomenoen deskripzioa (zein,
zer, noiz, non eta zenbat galderak), ezaugarri berberak dituzten populazioen
proportzioak estimatu, eta adierazle ezberdinen bitartez asozioazioen aurkikuntza
(Blumberg et al. 2005).
Ikerketaren objektu den egoera edo fenomenoaren ezaugarriak edo bereizgarriak
azaltzen dira ikerketa deskribatzailean (Salkind 1998). Horrela, pertsona, egoera edo
gauzen alderdi bereizgarrienak azaldu behar dira, hau da, besteen ikuspegiarentzako
atzemangarriak diren propietateak azaleratu behar dira (Cerda 1997).
Ikertzen den objektu, pertsona edo egoeraren funtsezko ezaugarriak hautatzeko
ahalmenean oinarritzen da ikerketa mota hau, dituen zati, kategoria edo klaseen
deskribapen zehatzak eginez.
Ondorengo adibidea proposatzen da, besteak beste: Herrialde bateko sektore
ekonomiko baten ezaugarriak zehaztera bideratuak dauden ikerketak, sektoreko
enpresen lagin esanguratsu baten bitartez (Bernal 2000).
Azken finean ikerketa deskribatzaile baten gai kopuru jakin bat aukeratzen da,
eta bakoitzaren inguruko informazioa jaso edo neurtu, bukaeran ikertu denaren inguruko
deskribapena egiteko.
Ikerketa esploratzailearen helburua aurkitu eta aurre-nabarmentzea bada,
ikerketa deskriptiboa fenomeno, gertaera, testuinguru, edota egoera bat erakusten duten
datu bilketan oinarritzen da, hau izanaz duen balio maximoa.
1.3.4 Bioteknologia estatistiken markoa
Bioteknologiaren garapen eta aplikazioak eragin handia du ekonomian, gizartean
eta ingurumenean. Horregatik garrantzitsua da bioteknologia jarduerak neurtzeko
markoa edukitzea. Horretarako ELGEk adituak bildu zituen 2004ko abenduan
(NESTI 7 ), ondorengo osagaiak onartuz:
• Kontzeptu, unitate eta definizioen inguruko informazioa.
• Datu bilketarako ildoak.
7 Zientzia eta teknologia adierazleen aditu nazionalen taldea bezala definitu genezake Working Party of
National Experts on Science and Technology Indicators, NESTI. Frascati eskuliburua talde honen lan
kolektiboaren fruitua da, besteak beste. Talde honek, ELGEko idazkaritzaren laguntzarekin hainbat
eskuliburu metodologiko publikatu ditu azken 40 urteetan, “Frascatiren Familia” bezala ezagutuak.
Bioteknologia enpresak sortzeko eragile erabakigarriak Euskal Autonomia Erkidegoan