Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 82
EAEn ekintzaileen gehiengoak aukeraz da ekintzailea, ia %87ak negozio berriari
ekin dio aukera berri bat identifikatu duelako. Horrelako erronkek aurreko lanpostua
utzi behar izatea dakar ordainetan eta horrekin batera soldata eta karrera profesionalari
uko egitea.
Premiazko ekintzaileak ohikoagoak dira garapen bidean dauden herrialdeetan,
non ekonomian existitzen diren zailtasunek lan merkatura sartzeko hesiak ipintzen
dituzten eta autoenpleguan jardutera behartu.
Arrazoi honegatik garrantzitsua da jakitea EAEko enpresak ekiteko motibazioa
zein den zehazki.
2.5 taula
EAEko TEA indizea aukeraz eta premiaz
EAE 2004 2005 2006
TEA (%) 5’3 5’4 5’4
Aukeraz 4’4 (%84) 4’7 (%87) 4’7 (%87)
Premiaz 0’9 (%16) 0’7 (%13) 0’7 (%13)
Iturria: GEM EAE 2006
Aukerazko eta premiazko ekintzaileen banaketa nahiko egonkor mantendu da
azken hiru urteetan. 2004ko datuekin alderatuz, egoera hobetu egin da aukerazko
ekintzaileen portzentajea %3 igo delako.
Ekintzaileen motibazioaren bilakaeraz gain, garrantzitsua da ere ikustea
gainontzeko herrialdeek izan dituzten emaitzak eta konparaketa egitea (2.6 taula).
EB barnean, aukeraz ekintzaileak direnen portzentajea %80’3koa den bitartean,
EAEn %86’6koa da. Europako sailkapena kontuan hartuz gero, Danimarka, Irlanda,
Holanda, Belgika eta Suediaren atzetik dago EAE, baina taulan ikus daitekeen moduan
Erresuma Batua, Alemania, Frantzia, Finlandia eta Espainia bezalako herrialdeek baino
portzentaje hobeagoak ditu. Ongizate ekonomiko antzekoa duten herrialdeekin
konparaketa zuzena egin ezkero, Frantzia eta Alemaniak kasurako, “premiazko”
ekintzaileen tasa hiru aldiz handiagoa dute.
Bioteknologia enpresak sortzeko eragile erabakigarriak Euskal Autonomia Erkidegoan