Enpresa bioteknologikoak sortzeko eragile erabakigarriak ... - Euskara

5. Kapitulua: Bioteknologia enpresen eta ekintzaileen karakterizazioa 266
5.3 EAE-KO EKINTZAILE BIOTEKNOLOGIKOA
Bioteknologia enpresak sortu diztuzten pertsonak dira alor berritzaile honen
motore nagusia. Horregatik, ekintzaile bioteknologikoen azterketa egitea funtsezkotzat
jotzen da doktorego tesi honetan.
EAE-ko bioteknologia enpresak sortu dituzten pertsonak identifikatu eta gero,
elkarrizketa pertsonalen bitartez datuak jaso dira, guztira hamabi bio-ekintzaile
izanik 110 . Elkarrizketa hauetatik ondorengo datuak lortu dira: talde ekintzailea,
motibazioa, formakuntza, esperientzia eta profil demogafikoa. Puntu honetan EAE-ko
bio-ekintzailearen profila definitzeko helburuarekin, datu kuantitatiboak erabiliko dira.
Ondorengo kapituluan (6. kapitulua), azalduko da bio-ekintzaileekin egindako
elkarrizketen alderdi kualitatiboa.
5.3.1 Aukeraren identifikazioa
OTEBak sortzerako garaian, ekintzailearen ikuspuntutik aukera identifikatzeko
bi iturri definitu dira literaturan: tekno-ekintzaileak (barne-prozesua) eta merkatu-
behatzaileak (kanpo-prozesua). Kasu askotan konplexua da desberdintzea iturri
bakoitza, baina hezkuntza eta esperientzia ardatz hartuta orientazio orokorrak atzeman
daitezke.
EAE-ko ekintzaileen gehiengoak tekno-ekintzaile izateko joera du, lau
ekintzaileetatik hiru (%63, n=15) hain zuzen ere. Kasu gehienetan zientzian duten
hezkuntza eta esperientzia oinarri hartuta sortu dituzte bioteknologia enpresak. Hala ere,
badira merkatu-behatzaile gisa definitu daitezkeen ekintzaileak ere (%27), merkatuan
duten ezagutza eta esperientzia oinarritzat hartuta, bertako beharrak identifikikatu eta
enpresa proiektua aurrera ateratzen dutenak.
Banaketa hau egiterako orduan zalantzazko kasu batzuk ageri dira, aurretik
esperientzia ekintzailea izan dutenen artean ez da garbi geratzen tekno-ekintzaileak edo
merkatu-behatzaileak diren. Lehen enpresa sortzerako orduan tekno-ekintzaileak bezala
sailkatu daitezke, teknologia berri batetan oinarritzen dutelako kasu gehienetan enpresa
proiektua, baina hurrengo iniziatibetan, merkatuaren gain duten ezaguzaren ondoriozko
enpresa proiektuak izan dira kasu askotan. Gauzak horrela, lehen enpresa proiektua
garatzerako orduan zuten profila hartu da kontuan sailkapen hau egiterako orduan.
110 Adierazle batzuetan hamabi bio-ekintzaile baino gehiagoren informazioa lortu da bigarren mailako
informazio iturrien bitartez, horrela ikerketaren populazioa handituz alor batzuetan.
Bioteknologia enpresak sortzeko eragile erabakigarriak Euskal Autonomia Erkidegoan