Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 188
Bioteknologian egiten den I+G+b finantzatzeko iturri publiko nagusiak
Hezkuntza eta Zientzia Ministerioa (MEC 68 ) eta Osasun eta Kontsumo Ministerioak
dira batez ere, nahiz eta azken urteetan autonomia erkidegoen finantzazioa asko hazi
den. Horrela laguntza ekonomikoen bi herenak administrazio zentraleko sail
ezberdinetan dute jatorria, gainontzeko laguntzak autonomia erkidego, EBko programa
marko eta Genoma España fundaziotik etortzen dira.
Autonomia erkidegoek 2005 eta 2006 urteetan I+G+b proiektu eta
azpiegituretarako finantzazio totalaren %30eko ekarpena egin dute, bigarren finantza
iturri nagusiena bilakatuz. Bestalde, EBtik jasotako finantzazioak pisua galdu du, %15
izatetik 2000-2002 aldian (FP5 69 ), %8 izatera pasa da 2003-2006 aldian (FP6).
I+G+b bioteknologikoari emandako diru-laguntza publikoen banaketa egin
ezkero autonomia erkidegoka (3.25 taula), EAE izan da hazkuntza handiena jasan duen
autonomia erkidegoa, 2000-2006 aldian %231 hazi baita, laugarren lekuan posizionatuz
Madril, Katalunia eta Andaluziaren atzetik. Kontuan hartzekoa da 2000. urtean estatu
subentzio publikoen %2 soilik zegoela bideratua EAEra eta 2006. urtean berriz,
portzentaje hori %10 izatera pasa dela.
Bioteknologian ematen diren laguntza publikoen %70 bost autonomia
erkidegotan konzentratzen dira: Madril, Katalunia, Andaluzia, EAE eta Valentzia
hurrenez hurren. Hala ere konzentrazio maila handiena Madril eta Kataluinaren artean
ematen da, bi autonomien artean laguntzen %50 jasotzen baitute, batez ere hainbat
biomedizina eta bioteknologia ikerketa zentroen sorketa dela eta.
Administrazio zentraletik jasotako fondoez gain, autonomia erkidego gehienek
osagarriak diren fondoak zuzentzen dituzte I+G+b bioteknologikorako (3.26 taula).
EAE da fondo gehien aportatzen duen autonomia erkidegoa, 2000-2006 aldian 84 milioi
eurotako ekarpena egin baitu bioteknologia proiektuak finantzatzeko. Jasotako eta
emandako subentzioak kontuan hartuz, %242 gehiago eman du EAE jaso baino. Madril,
Katalunia, Andaluzia eta Valentzia aldiz, diru-laguntza hartzaileak dira batez ere,
inongo kasuan ez da %30 gainditzen jasotako eta emandako diru laguntzak kontuan
hartuz.
68 Gaur egun Zientzia eta Berrikuntza Ministerioa (Ministerio de Ciencia e Innovación).
69 EU´s Framework Programme for Research and Technological Development edo ikerkuntza eta
garapen teknologikorako EBko programa markoa ikerketa espazio europearra sortzeko herraminta bat da.
FP5 1998-2002, FP6 2002-2006 eta FP7 2007-2011 aldetarako dira.
Bioteknologia enpresak sortzeko eragile erabakigarriak Euskal Autonomia Erkidegoan