Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 279
“Erabaki erradikala izan zen aurreko enpresan nuen promozio aukera
alde batera utzi, eta enpresa proiektuarekin hastea. Aurreko lana utzi eta
iniziatiba berriari dedikazio osoa eskaini nion, ez nuen konpatibilizazioan
pentsatu. Ez nuen arriskua hautematen niretzako agerikoa zelako iniziatiba
berriaren arrakasta. Horregatik inbertitu nuen bertan sei urtetan aurreztutako
diru guztia.” (Marcos Simón, DRO Biosystems, 2007-02-15)
6.2.1.2 Esfortzu pertsonala
Enpresa iniziatiba proiektu pertsonal gisa ulertu ohi dute ekintzaileek, eta
horretarako dedikazio osoa eskaintzen diote arlo honi beste batzuen ordainetan. Hala
ere, esfortzu pertsonal hori modu kontzientean aplikatzen dute eta jokabide pertsonala
da. Ekintzaileek enpresaren gaineko konpromezua bereganatzen dute, izaera eta
erantzukizun kontua da, hau da, abentura baten murgiltzen dira, bertan sinesten dute eta
esfortzu maximoa zuzentzen dute ekintza honetara gauzak ondo irten daitezen:
“Bioteknologia enpresek hasierako inbertsio altuak eskatzen dituzte.
Inbertsio garrantzitsuak gauzatu behar direlako ekipamendu bereziak eta
pertsonal kualifikatua lortzeko. Inbertsio guzti horiek lortzen ez dituzunean,
norberaren denbora inbertitzen da gabezi horiei aurre egiteko, esfortzu
pertsonalaren bitartez, batez ere hasierako urteetan. Esperientziak esaten dit
lortu dudan guztia esfortzu pertsonalarengatik izan dela.” (Azucena Castro,
Datagene, Kina Biotech eta OWL Genomics, 2007-02-08)
6.2.1.3 Autokontrola edo patua
EAEko ekintzaile bioteknologikoek ez dute uste sortutako iniziatiba patuaren
gauza izan denik, baizik eta enpresa aukeraren identifikazio eta egindako lanaren
fruitua:
“Gutxi sinesten dut zortean, eta ezer ez patuan. Kupoi bakarrera
jokatzen baduzu irabazteko probabilitatea oso baxua da, baina geroz eta
kupoi gehiengoren jabe izan orduan eta aukera gehiago irabazteko. Zortea
bilatzea eta aurkitzea, enpresa proiektu irekia garatzea da, non merkatu,
sarrera-iturri eta esparru ezberdinetara irekia dagoen negozio eredua
beharrezkoa den. Horrela bada, zortea duzu arriskua dibertsifikatu duzulako
eta hainbat esparrutan jardun duzulako. Hori bai, negozio eredu irekiak lan
eskerga eskatzen du. Estatu Batuetako enpresen eredua jarraitzea errazagoa
Bioteknologia enpresak sortzeko eragile erabakigarriak Euskal Autonomia Erkidegoan