Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 139
2.10.7 Gizartea
Bioteknologiaren eta bereziki aplikazio batzuen perzeptzio publikoa ezaugarri
kritiko bat da sektorearen garapenerako. Informazio eta hezkuntzaz gain, faktore
kulturalek ere eragin nabarmena dute. Nekazaritzarekin zerikusia duen bioteknologiak
(Bioteknologia berdea), izan ditu arazo gehien nahiz eta gaur egun osasunaren sektorean
ere etikaren inguruko hainbat eztabaida egon. Etorkizunean sektoreak izango duen
garrantziarengatik, Europako Batzordeak Eurobarometroa erabiltzen du (3 urtez egiten
den galdeketa) perzeptzio publikoa baloratzeko eta aldi baterako iniziatiba edo politika
egiteko honen arabera.
Gizartearen ikuspuntutik bioteknologiaren garapen garrantzitsu bat emateko ez
da arazorik existitzen. Arazo nagusia gizarteak duen ezjakintasuna da, bioteknologiak
duen oinarri zientifikoaren gain, eta honek gure bizitzan izango duen eraginaren gain,
eta onuren eta arriskuen gain, batez ere.
2.11 EZTABAIDA TEORIKOA
Ekintzailetasuna eta ekintzailearen inguruko literaturan ikuspuntu anitzetatik
(ekonomikoa, kudeaketa edo zuzendaritzakoa, psikologikoa eta soziologikoa,
ingurunea) egin dira ekarpen garrantzitsuenak, baina bakoitzak bere aldetik eta ez dute
osotasunean azaldu ekintzailetasunak suposatzen duena.
Autore garrantzitsu gehienek beraien ekarpenak ikuspuntu gutxi batzutara
zuzendu dituzte, horrela, ekintzailetasuna definitu duten autore klasikoak zuzendaritza
ikuspegia edo ikuspegi ekonomikoan zentratu dira. Schumpeter eta Knight bezalako
autoreak, aldiz, ekintzaileen ezaugarriak hobeto azaltzen laguntzen zuten psikologia eta
soziologia esparruak kontuan hartuz egin dituzte ekarpenak(Shane 2006).
Ekintzailea pertsona bezala eta ingurunearekin duen erlazioa aztertu dutenak
berriz, profil demografikoa (ikuspuntu soziologikoa) eta profil psikologikoa (ikuspuntu
psikologikoa) izan dituzte ardatz. Ekintzailea aztertu dutenen kasuan hainbat autorek
ikuspuntu ezberdinak aztertzen dituzte (Shapero 1973; Cooper 1973; Collins, Moore eta
Unwalla 1964; Veciana 1989; Angulo 2000) baina ekintzailetasunari dagozkion
ikuspuntuak ukitu gabe (ikuspegi ekonomikoa eta zuzendaritza ikuspegia). Horrela,
autore garrantzitsuenak honako sailkapenean laburbildu genitzake:
1. Ikuspuntu Ekonomikoa: Knight (1921); Schumpeter (1934); Coase
(1937); Herbert eta Link (1939); Khilstrom eta Laffont (1979).
Bioteknologia enpresak sortzeko eragile erabakigarriak Euskal Autonomia Erkidegoan