Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 281
off akademiko daude eta enpresa bioteknologiko hauen ekintzaileek ikerketa hauen
emaitzen ondorioz identifikatu zuten negozio aukera merkatuan. Ekintzaile hauen
motibazio nagusiena zientziaren aplikazio praktikoak aurkitzean datza.
Beste kasu batzuetan, aldiz, independentzia nahia izan da faktore
garrantzitsuena:
“Beste enpresa batentzako lanean ari zarenean lanerako gaitasun
handia duzula konturatzen zara. Gaiker teknologia zentroan negozio lerro
berri bat garatu nuen, eta Ibermatica-n jardun nuenean aldiz, enpresa berri
bat sortu genuen taldearen barnean, Agromare izenekoa. Beraz, zergatik ez
nire aldetik egin? Enpresa berria sortzeko motibazio nagusia Ibermatica
enpresan ari nintzela sortu zitzaidan, biozientzien sektorera itzuli nahi
nuelako, BioBasque planaren definizioan modu informal baten lagundu
baitnuen. Banekien momentu hura zela egokiena, Gaiker-en egon nintzen
azken urtean Espainiako biozientzien merkatu ikerketa egin nuelako. Beraz,
biozientzien sektorera bueltatu nahi nuen. Horrela, nuen kudeatzaile
esperientzia gailendu egin zen nuen zientzia esperientzira. Bagenekien
boinformatikan nitxoa zegoela, ziurtatu egin genuen ikerkerta batzuen
bitartez eta jende askorekin hitzegin. BBVA-ko IBV korporazioarekin
jardun genuen, eta haiek ere identifikatua zuten nitxo hori eta horren
ondorioz proiektua bideragarria zela ikusi genuen. Motibazio nagusiak
beraz, sektore honetan lan egitea eta jardueraren gaineko kontrola izatea”
(Julio Font, Noray Bioinformatics, 2007-03-14)
Aipatzekoa da lorpen premiak duen eragina motibazioan. Kasu batzuetan
ekintzaileak ezinbestekoa du lorpenerako premiaren bat izateak, eta ezinezkoa zaie
ekintza gabe egotea:
“INTEMA S.A. enpresan beste bazkideekin arazoak izan eta gero,
bertatik irten eta enpresa mundua uzteko erabakia hartu nuen. 53 urte nituen
eta erretiroan pentsatu nuen. Hortik bi hilabetetara enpresa jarduera gabe
ezin nuela bizi konturatu nintzen eta pentsatzen hasi nintzen: Zer egin
dezaket? Zertan hasi naiteke? Zer sortu dezaket? Kimika sektorean jardun
nuen aurretik, eta etorkizunerako aplikazio bioteknologiko ezberdinen
balorazioak egin genituen bertan. Kontaminagarriak ez ziren produktu
biologikoen ekoizpenean aukera identifikatu nuen horrela, sektorean nuen
esperientziaz baliatuta. Guserbiot enpresa sortu eta gero, A&B Laboratorios
Bioteknologia enpresak sortzeko eragile erabakigarriak Euskal Autonomia Erkidegoan