Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 137
bertako bioteknologia enpresen kontzentrazio mailak ezin baita beste inon munduan
aurkitu.
2.10.5 Finantza ingurua eta merkatu dinamika
Finantza zentzua oso ezaugarri garrantzitsua da sektore bioteknologikoan,
hasierako inbertsio oso altua eskatzen baitute bai start-up-etan bai sortuak dauden
enpresetan. Hasierako inbertsio hauek lehen urteetako proiektu estrategikoak garatzeko
bideratzen dira. Lehen urte horietan galerak izan ditzakete produktu berrien edota
lizentzien salmenten sarrerak inbertsio hauek konpentsatzen ez dituzten arte behintzat.
Finantza inguruaren faktore erabakigarriek bioteknologiaren garapena
baldintzatzen dute eta oso erlazionatuta daude osasun sektorearekin.
Faktore aipagarriena banku, burtsa, arrisku kapital eta business angels bezalako
finantza iturrien espezializazioa eta dibertsifikazioa da. Horrela inbertsioaren prozesu
tradizionaletik, hau da, irteera, hasiera eta hazkuntzatik, non hurrenez hurren arrisku
kapital, salmenta eskaintza publikoa eta bigarren mailako merkatuetatik jasotzen den
finantzazioa, finantza mekanismo berrietara eboluzionatu da. Sektorearen
sendotasunaren seinale gisa har daiteke finantza iturrien barietatea.
Arrisku kapital eta biozientzietan espezializaturiko fondoen zenbatekoen
garapenak, ahalbideratzen du hazkuntza tradizio baxuko herrialdeetan nahiz eta
horietako askotan hazi-kapitala 57 eskasa izan. Europak, AEBen aldean, izan dezakeen
aurrerapenaren eragozpena, burtsa merkatuen zatiketa da. Honek likidezia
erabilgarritasuna, kontratazio bolumena eta desinbertsio aukerak mugatzen baititu.
Merkatu dinamikari dagokionez bi edo hiru faktore erabakigarri azpimarra
genitzake, hemen ere oso gerturiko erlazioa dute osasun sektorearekin. Lehenbizi
enpresen konbergentzia eta kontsolidazioa da. Start-up enpresak nahiz helduagoak izan,
beste enpresa batzuekin elkartzeko beharra dute azken aurrerapenetara iristeko edota
arrisku finantzarioa dibertsifikatzeko, produktu bakarreko enpresak izan ohi dira eta
askotan.
Berrikuntzaren beharraren eraginik esanguratsuena farmazia enpresetan I+G
departamentuak unitate independenteetan bihurtzea izan da.
Azkenik, beste faktore bat nazioartekotzea da bazkide eta teknologia berriak
aurkitzeko helburuarekin eta inbertsio batzuk errekuperatu ahal izateko merkatu eskala
bakarra delako.
57 Seed Capital edota Capital Semilla ingeleraz eta erdaraz hurrenez hurren
Bioteknologia enpresak sortzeko eragile erabakigarriak Euskal Autonomia Erkidegoan