Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 55
A2) Adina
Enpresa bat sortzeko adinik ohikoena 25 eta 40 bitartekoa dela esaten digute
(Shapero 1971, Mayer eta Goldstein 1961, Cooper 1973 eta Howell-en 1972). Ronstadt
(1984) autoreak honetaz gain gehitzen du: “enpresa adina, adin kronologikoaren
ezberdina da, beraz, enpresa esperientzia handiagoa izan heinean (ez du zertan
profesionala izan behar) arrakastarako probabilitatea handiagoa izango da.” Beste alde
batetik, Vecianak (1989) azpimarratzen du ekintzaile motaren araberakoa dela adina,
gazteen zifra igotzen ari da eta.
A3) Familia
Familiaren eragina nabarmena izan daiteke, horrela, ekintzaile askoren gurasoek
ere bere kabuz egiten dute lan. Ikerketa guztietan errepikatzen da gertaera hau.
Portzentaje hau %40tik %60ra bitartekoa da (Veciana 1989).
A4) Heziketa-maila
Hainbat ikerketa egin da ekintzailearen heziketa-mailaren inguruan baina ez da
ondorio zehatzik atera. Brockhaus eta Nord-ek (1979) eginiko ikerketa baten
ekintzailearen heziketa urteak 13’57 zirela frogatu zuten, zuzendariena 15’74 zen
bitartean. Beraz, ekintzailearen bataz besteko heziketa, zuzendariena baino baxuagoa
da. Hala ere, heziketa-maila geroz eta altuagoa da enpresaren konplexutasuna
handiagoa denean. Horrela, enpresa berri asko kudeatu litezke ikasketa berezirik gabe,
baina handitzen doan heinean, kudeaketarako tekniken ezagutza eta lanaren
planifikazioa beharrezkoa da (Gasse 1982). Autore gehienek bat datoz azpimarratzean
heziketak garrantzia duela, beharrezkoa delarik, baina ez du inolako bermea ematen
arrakasta lortzerako orduan.
Heziketa-maila handiagoa edukitzeak enpresa berriaren arrakastarako aukera
handitzea dakar. Argudio honen arabera, master edo doktoretza-mailako ikasketak
dituen pertsona batek gai jakin baten inguruan ezagutza eta bestelako gaitasun
zabalagoak edukiko lituzke eta, azken baten, enpresa aurrera ateratzeko aukera
handiagoak izango lituzke. Heziketa ahalik eta zabalena edukitzea komeni da enpresa-
kudeaketako gaiei buruz, teknologia berrien erabileraz, hizkuntzak, etabar. Heziketa-
oinarri sendoa edukiz gero, gai berriei aurre egiteko arazo gutxiago izango ditu enpresa-
sortzaileak, eta era berean, baliabide gehiago aukera berriei etekin handiagoa atera ahal
izateko (Honig 2001). Aipatzekoa da azken urteetan enpresa sorketa eta berrikuntzaren
Bioteknologia enpresak sortzeko eragile erabakigarriak Euskal Autonomia Erkidegoan