Enpresa bioteknologikoak sortzeko eragile erabakigarriak ... - Euskara

5. Kapitulua: Bioteknologia enpresen eta ekintzaileen karakterizazioa 267
5.3.2 Motibazioa eta talde-ekintzailea
Jokabide ekintzailea neurtzeak garrantzia du eta horretarako motibazioa
aztertzea lagungarria izan da. EAEko bio-ekintzaileari enpresa berri bat sortzera zerk
bultzaten dion neurtzeko GEM proeiktuan erabiltzen den adierazlea jarraitu da, beraz,
aukerazko edo premiazko ekintzaileak diren aztertu da.
Horrela, EAEko bio-ekintzaile guztiak (n=15) aukeragatiko ekintzaileak dira. Ez
da kasurik aurkitu premiazko ekintzailea bezala identifikatua izan daitekenik.
Bestalde, hasitako bide berria bakarka edo taldeka egin ohi da. Talde-
ekintzaileak dituen jakintza-alor anitzak eta denboran mantendu diren edo ez galdetu da.
Horretarako zenbaten artean hasi zuten iniziatiba, eta enpresa sortu zenean eta ondoren
zenbatek jarraitzen zuten galdetu da. Gainera, talde-ekintzaileetan atzerritarrik dagoen
ere neurtu da.
Elkarrizketatutako bio-ekintzaileen erdiak bakarka hasi zuen enpresa proiektua
eta beste erdiak talde-ekintzailea osatuz egin zuen (5.6 taula). Talde-ekintzaile hauek
egonkor mantendu dira denboran zehar, enpresa bakarrean aldatu baita talde-
ekintzailearen kopurua. Beraz, hasieran zeuden ekintzaileak eta galdeketa egin zenean
zeuden ekintzaileak ia berberak ziren. Bi kasuetan soilik aurkitu da talde-ekintzailean
atzerriko pertsona batek parte hartu izana.
5.7 taula
Talde-ekintzaileak (n=12)
Talde-ekintzaileak Denera hasieran Denera ondoren (2006) Atzerritarrak
Pertsonak 24 23 2
Taldeka Bakarka
Enpresak 6 6
Iturria: autorea
5.3.3 Formakuntza eta esperientzia
Ekintzaile bioteknologikoek izandako formakuntza eta esperientziak
bioteknologia enpresa kudeatzeko eta zuzentzeko eduki beharreko gaitasunak nolakoak
diren argitu ditzazke. Horretarako, jasotako hezkuntza neurtzeko, ondoko adierazleak
erabili dira: unibertsitate ikasketak, graduondokoak kudeaketa arloan, doktoretza,
atzerriko egonaldiak eta argitalpenak.
Bioteknologia enpresak sortzeko eragile erabakigarriak Euskal Autonomia Erkidegoan