Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 202
• Erakunde ez finantzarioak (Corporate Venturing): Enpresa handiek kasu askotan,
dituzten produktu lerroak hobetezeko asmoarekin edo dibertsifikazio estrategia
egoki bat aurrera eraman ahal izateko enpresa sortu berrietan inbertitzen dute
(Novartis, Aventis, General Electric eta Microsoft adibiderako).
• Business Angels: Banakako inbertsoreak dira, normalean aurretik ekintzaileak
izandakoak edota enpresa handietako zuzendaritza kontseiluko kideak. Kapital
ekarpenak egiten dituzte modu pribatuan eta dituzten ezagutza tekniko eta kontaktu-
sarea errazten diete ekintzaile berriei. Epe erdira gainbalioa lortzeko asmoarekin,
arrakasta handia izango duten enpresa proiektuak aukeratzen dituzte eta inbertsioak
25.000 eta 250.000 euro bitartekoak izaten dira. Kapital ekarpenarekin enpresako
bazkide bihurtzen dira baina orokorrean gutxieneko parte-hartzea izatean
ekintzaileek erabakitze-boterea mantentzen dute. Business angels-ak sareen bitartez
taldekatzen dira, enpresa proiektu berritzaileetan baliabideen ekarpen finantzarioak
egin nahi dituzten inbertsore informaletan. Erresuma Batua eta AEB bezalako
herrialde anglosaxoietan oso ohikoak dira inbertsore mota hauek, gainera, azken
urteetan protagonismo altua ari dira hartzen Frantzia, Alemania edo Italian.
Espainiar estatuan business angels-ak kontzeptu berri moduan ikusten dira.
• Aliantza estrategikoak: sektore berbereko edo antzekoetako enpresen artean
egindakoak dira, lizentzien gaineko baimenak, horniketa akordioak, erosketa
bateratuak eta beste hainbat kooperazio mota aurki ditzazkegu hemen. Helburua
lehiakideen arteko etsaitasun maila gutxitzea edo ezabatzea da.
3.7 NAZIOARTEKO KONPARAKETA
Lehenik eta behin azpimarratu behar da ez dela kointzidentzia AEBak munduko
lehen hogei bioteknologia botikak ekoiztu izana eta merkatuaren dominatzatilea nagusia
izatea. Enpresa izpirituak definitzen du AEBtako industria eta Amgen, Genentech eta
Biogen bezalako start-up txikiek eman zioten hasiera bioteknologia sektoreari (Binder
eta Bashe 2008).
Espainiako bioteknologia sektoreko adierazle nagusienak aztertu eta gero,
garrantzitsua da nazioarteko lehiakideekin konparaketa egitea, duen bilakaera eta pisu
zehatza ikusi ahal izateko.
Adierazleak bi multzotan banatu dira 2000-2006 aldirako: erabilitako
baliabiadeak (input-ak) eta lortutako emaitzak (output-ak). Konparaketa egiteko
Bioteknologia enpresak sortzeko eragile erabakigarriak Euskal Autonomia Erkidegoan