Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 200
da. Aldi honetan lortutako finantzazioa ikerketara bideratzen da, martxan jarri
aurretik egin beharreko kontzeptuaren garapena egin ahal izateko. Ez da salmentarik
egoten beraz, etekinik ere ez. Enpresa ideia egiaztatzeko, merkatu ikerketak egiteko
eta negozio plana garatzeko zuzendua dago. Arrisku teknologikoa existitzen da
inbertsio mota honetan eta beraz, bertan behera uzteko probabilitate handia dago.
Arrisku kapitaleko enpresa profesionalizatuek ez dute askotan parte hartze aldi
hauetan, inongo produktu definiturik ez dagoenez aukeraketa irizpideak aplikatzea
oso zaila delako. Hala ere, aurki daitezke aldi honetan inbertsioak egiten
espezializatuak dauden erakundeak.
2. A aldia: 1-5 milioi euroren arteko inbertsoak gauzatu ohi dira. Enpresa sortu berriak
izaten dira eta salmentak egon arren, normalean ez dute mozkinik sortu oraindik.
Merkatuan sartu ahal izateko teknologia edota produktuaren garapena egin ahal
izateko erabiltzen da finantzazioa.
3. B aldia: 6-10 milio euro bitarteko inbertsioak. Balantzea egonkortu eta enpresa
indartzeko helburua du, batez ere banku kredituak eskatzeko lagungarriak direlako.
Bultzada honek beste finantza iturri batzuk lortzea posibilitatzen du aldi berean.
4. C eta D aldiak: 15-50 milioi euro bitarteko inbertsio hauek zabaltze arora daude
zuzenduak. Arrisku gutxiagoko finantzazioa da eta bolumen handiagokoa. Produktu
zein merkatu berrietara sarrera eduki ahal izateko bideratuak. Iada errentagarriak
diren enpresetan egiten dira eta hazkuntza finantzatzen da.
5. Burtsara irtetzeko aldia: azpifase ezberdinak aurki daitezke hemen. Lehengoa
burtsara irten aurretik beharrezkoa den finantzazio pribatuak, aldi bat baino gehiago
behar da gaur egun eta ondoren burtsan lortzen den finantzazioa.
Espainiar estatuan bioteknologian inbertsioak egiten dituzten arrisku kapitaleko
erakundeak konkretuki hasierako faseetan oinarritzen dituzte jarduerak, batez ere
existitzen diren enpresak urte gutxi dituztelako.
Hasierako faseetan inbertitzeak arrisku maila altuagoa dakar, negozio-produktu-
teknologia eredua probatzeke dago eta zuzendaritza taldearen gaitasunak ere zerikusia
dute. Horregatik karteran denbora gehiago egotea behartuta daude arrisku kapitaleko
enpresak eta horrek sarrera-hesi nabarmenak sortzen ditu. Gainera, kontuan hartzen
badugu arrisku kapitaleko sektoreak oligopolio baten moduan jarduten duela, inbertsore
kopuru txikia existitzen baita bioteknologia sektoreko segmentuetan inbertitzeko
nahiarekin eta horrek errentagarritasun eskaera altuagoak egotea ekartzen du. Arrisku
kapitaleko erakundeak erakartzeko eskaini beharreko sariak oso ona izan behar du.
Bioteknologia enpresak sortzeko eragile erabakigarriak Euskal Autonomia Erkidegoan