Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 129
Farmazia industria da merkatuaren motore nagusia, produktu berrien
garapenerako bioteknologiaren gain duen dependentzia geroz eta handiagoa baita.
Farmazia sektorearen barnean bi segmentu nagusi bereiz ditzazkegu: terapeutikoa eta
diagnostikoa. Lehenak arrisku altuagoa du baina aldi berean sarrera altuagoak
eskaintzen ditu. Bigarrenak aldiz, ez ditu sarrera hesi altuak eta merkaturatze epea ere
laburragoa du.
B. Nekazaritza sektorea
Bioteknologia berdea edo nekazaritza sektoreko bioteknologia, nekazaritzaren
produktibitatea hazteko bide garrantzitsuena bezala hartzen da. Modu ekologiko eta
iraunkorrean aurrera eraman daitekeelako hain zuzen ere. Horrela:
• Nekazaritza arloan bioteknologia aplikatuz janariaren kalitate eta
ziurtasun mailak hobetu daitezke.
• Erabilgarria da uztak babesteko, soluzio berriak ematen dituelako izurrite
eta gaixotasunei aurre egiterako orduan.
• Uzten moldagarritasuna eta gogortasuna hobetzen ditu.
• Jangaien elikadura-balorea hobetzen laguntzen du.
Bigarren merkatu potentzial gisa har daiteke osasunaren sektorea eta gero.
I+Gan ematen den inbertsioa baxuagoa da azpisektore honetan.
Arrisku ekonomikoaren ikuspuntutik oso ezberdina da, produktuek marjina
txikiagoa baitute eta prozesuak ziklikoagoak baitira. Hala eta guztiz ere, kontuan hartuz
gero ohiko tekniken bitartez lortutako ekoizpenak gaina jo duela, eduki dezakeen eragin
ekonomikoa oso handia da.
C. Bioteknologia industriala eta ingurumena
Bioteknologia zuriak edo industrialak etorkizuneko generazioak ez
baldintzaturik egotea lagundu dezake, gaur egun dauden erronka ekologikoengatik
bereziki. Bioteknologia zuriak hartzidura, lizuna, bakteria eta entzimak bezalako
organismoak erabiltzen ditu antibiotikoak, bitaminak, detergenteak eta biofuelak
bezalako produktu eta zerbitzuak ekoizteko. Ondoko helburuak izaten dituzte:
• Fuel fosilentzako alternatiba izatea.
• Poluzioa eta hondakinen gutxitzea.
• Energia, material gordin eta uraren erabilera murriztea.
• Hondakinetatik material eta biofuelak sortzea.
Bioteknologia enpresak sortzeko eragile erabakigarriak Euskal Autonomia Erkidegoan