Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 119
• Lehen maila: Bioteknologia-prozesu aurreratuetan oinarrituta dauden
ikerketak, produkzioa edo beste jarduerak aurrera eramaten dituzten
enpresak, edota tamaina, lan mota edo merkatuarentzat duten
garrantziaren arabera sektorearen elementu esanguratsu gisa kontsideratu
daitezkeen enpresak, ikerketa jardueratan oso inplikatuak egon behar
dute.
• Bigarren maila: Lehen mailako enpresei eta ikerketa edota teknologia
zentroen produktu tekniko eta zerbitzu kopuru esanguratsuen
hornitzaileak.
Gainera, biozientzien sektorean sar daitezke ere finantza-enpresak nahiz
aholkularitza zerbitzu espezializatuak eskaintzen dituzten konpainiak.
Bere aldetik, Ernst & Young konpainiak ELISCO (Entrepreneurial Life Science
Company) terminoa osatu du, bizitza-zientzietan oinarritutako enpresa, hain zuzen ere.
Ikerketa, garapena eta bioteknologian oinarritutako edo zerikusia duten produktu,
zerbitzu eta teknologiak saltzean oinarritzen diren merkataritza konpainiak definitzeko
erabiltzen du termino hau.
BioBasque 2010 estrategiak, duen ikuspuntua argitzeko asmoz, honela
definitzen ditu bioteknologia eta biozientziak:
“Bioteknologia: Organismoak edota organismoen zatiren bat
erabiltzen duten teknika eta teknologien multzoa.”
“Biozientziak: Diziplina anitzeko ezagutza esparrua non bizitzaren
fenomenoak ikertzen diren bioteknologia eta beste hainbat teknologia
konbergenteen bitartez, hala nola, informatika, nanozientziak, elektronika,
robotika eta materialen teknologiak. Giza esparruan edota sektore
ekonomiko ezberdinetan produktu, prozesu edo aplikazio berrien garapena
edo hobekuntza aurrera eramateko asmoarekin.” (Eusko Jaurlaritza 2003)
Gaur egun, ELGEk honako definizio bakarra erabiltzen du, definizio estatistiko
bezala ere ezagutua sarrerako kapituluan zehaztu den moduan:
“Bioteknologia ezagutza, produktu eta zerbitzuen sorrerarako
organismo bizietan, bai berauen zatiak nahiz ereduak eta produktuak
erabiliz, egiten den teknologia eta zientziaren aplikazioa da.”
(OECD 2005-1)
Bioteknologia enpresak sortzeko eragile erabakigarriak Euskal Autonomia Erkidegoan