Gjuhësi Ballkanike

http://www.dielli.net
përgjithësimi relativisht i hershëm i së njëjtës dukuri tek përemrat vetorë të dy vetave të
para. Sido që të jetë, edhe dyfishimi i përemrave vetorë të vetës së tretë në funksion
kundrinor është një shfaqje e prirjes për një qartësim sa më të madh të kumtimit gojor.
31. Ka mjaft të ngjarë që edhe në gjuhët romane perëndimore, për të cilat u bë fjalë në
& 21, rimarrja, përkatësisht anticipimi i kundrinave nëpërmjet formave të patheksuara të
përemrave vetorë të jetë përftuar në kushte sintaksore-stilistike të njëjta ose të ngjashme
me ato të gjuhëve ballkanike. Natyrisht, kjo hipotezë mbetet për t'u hulumtuar e për t'u
vërtetuar me të dhënat e vetë atyre gjuhëve. Por një gjë mund të thuhet me siguri që
edhe në gjuhët romane perëndimore, ku është përftuar dukuria në shqyrtim, kjo është
patjetër një shfaqje e prirjes së atyre gjuhëve për një qartësim sa më të madh të kumtimit
gojor nëpërmjet përdorimit ridondant të mjeteve leksiko-gramatikore ose thjesht
gramatikore. Se sa e zhvilluar ka qenë kjo prirje në secilën nga gjuhët romane
perëndimore, edhe kjo mbetet për t'u hulumtuar e për t'u saktësuar më tej.
133