1 - principio.qxd

83 barotite
combinado con masaxe. / B. interno. Tamén se di balneación
interna. / B. iodado. Baño tónico xeral resolutivo
composto de iodo. / B. permanente. Baño terapéutico,
no que o paciente permanece moito tempo, usado no
tratamento dos estados de axitación. / B. quente. Baño
cunha temperatura entre 30 e 38 ºC. / B. químico.
Aparello para regula-la temperatura nalgunhas operacións
químicas, no que a substancia que se debe quentar
é rodeada con auga, area ou outra materia. / B. romano.
Método de termoterapia consistente no paso a través de
tres departamentos: o primeiro a 60 ºC, o segundo a 80 ºC
e o terceiro á temperatura do ambiente. / B. ruso. Baño
de vapor quente seguido de fricción e inmersión en auga
fría. / B. temperado. Baño cunha temperatura entre 25 e
30 ºC, esencialmente hixiénico. / B. turco. Baño no que
o individuo é pasado sucesivamente por cámaras de
temperatura cada vez máis elevada, logo é friccionado e
por fin adminístraselle unha ducha quente seguida doutra
fría.
bar s.m. Unidade de medida da presión atmosférica.
baragnose s.f. Incapacidade para calcula-los pesos dos
obxectos.
baranestesia s.f. Perda da sensibilidade á presión.
barba s.f. 1. Conxunto de pelos que se desenvolven no
queixo e na face do home ou no fociño doutros animais.
2. Parte inferior da cara debaixo da boca. Tamén se di
queixo.
barbada s.f. Papada.
barbadela s.f. Barbela, papada.
barbela s.f. 1. Barba do home. 2. Queixo das persoas.
barbital s.m. Ácido dietilbarbitúrico, con efectos hipnóticos
sedantes, que se administra por vía oral.
barbitúrico s.m. Fármaco derivado do ácido barbitúrico
ou malonilurea, con propiedades sedantes, hipnóticas,
anestésicas e anticonvulsivantes. Os barbitúricos clasifícanse,
de acordo coa duración da súa acción e indicacións,
en: a) Barbitúricos de acción prolongada, como o
fenobarbital, empregados como sedantes e anticonvulsivantes.
b) Barbitúricos de acción curta ou intermedia,
como o amobarbital, o secobarbital, o pentoparbital,
empregados preferentemente como hipnóticos. c) Barbitúricos
de acción ultracurta, como o tiopental ou o hexobarbital,
que se usan como anestésicos xerais por vía
intravenosa.
barbiturismo s.m. Estado de intoxicación por barbitúricos.
barestesia s.f. 1. Sensibilidade para a presión ou o peso.
2. Facultade de percibi-la diferencia de peso dos
obxectos.
barestesiómetro s.m. Instrumento para determina-la
sensibilidade ó peso ou á presión.
baria s.f. Unidade de medida de presión.
bariacusia s.f. Dureza de oído.
barialxia s.f. Dor producida pola presión. Tamén se di
bariodinia.
bárico –a adx. 1. Pertencente ou relativo ó bario. 2. Capacidade
para diferencia-lo peso ou a presión.
barifonía s.f. Calidade de voz de tonalidade baixa, grave
e potente.
bariglosia s.f. Defecto na articulación das palabras que
fai a fala inintelixible. Tamén se di barilalia.
barilalia s.f. Linguaxe difícil ou pesada. Tamén se di
bariglosia.
barimastia s.f. Mamas excesivamente voluminosas ou
pesadas.
bario s.m. Elemento químico metálico, do que os sales
solubles son tóxicos. Símbolo Ba. Número atómico 56.
Peso atómico 137. // Sulfato de B. Sal insoluble, BaSO 4
,
opaco ós raios X, utilizado en inxestión e enemas para o
exame radiolóxico do conducto gastrointestinal. Tamén
se di barita sintética.
bariodinia s.f. Barialxia.
bariopostesia s.f. Diminución da sensibilidade á presión.
barita s.f. Óxido de bario, BaO.
baritose s.f. Pneumoconiose por inhalación de po de
bario.
baro- Prefixo grego coa significación de peso.
baroagnose s.f. Baragnose.
baroelectrostesiómetro s.m. Aparello que mide a
presión necesaria para conseguir unha sensación dolorosa.
barognose s.f. Facultade que permite estima-lo peso das
cousas. Percepción consciente da sensación de peso ou
presión.
barógrafo s.m. Barómetro que posúe un rexistro das
presións que mide.
barómetro s.m. Aparello para medi-la presión atmosférica.
baronarcose s.f. Anestesia con presión gasosa superior á
atmosférica.
barorreceptor s.m. Terminación nerviosa que é estimulada
por variacións de presión. Os máis coñecidos están
situados na parede do caxato aórtico e a nivel do seo
carotídeo, e son sensibles á presión arterial. Tamén se di
presorreceptor.
barotaxe s.f. Estimulación que sobre a materia viva e o
desenvolvemento dos organismos exercen a gravidade ou
os cambios de presión. Tamén se di barotropismo.
baroterapia s.f. Tratamento dalgunhas enfermidades
polo aire comprimido. Tamén se di aeroterapia.
barotite s.f. Estado patolóxico do oído producido por
exposición a diferentes presións atmosféricas. // B.
media. Inflamación traumática do oído medio causada