1 - principio.qxd

sonografía 726
-lo esgotamento do sistema nervioso en particular e do
organismo en xeral, de xeito que durante este estado o
organismo recupérase da fatiga. Por electroencefalografía
poden detectarse unhas fases de sono lento caracterizado
por un retardo e sincronización de ondas, e
unhas fases de sono rápido ou paradoxal (REM) na que
existe unha desincronización do trazado con ondas
rápidas, hipotonía muscular, movemento rápido dos
ollos, etc. 2. Gana ou desexo de durmir. // Cura de s.
Inducción ó sono por medio da administración de hipnóticos
con fins terapéuticos. / S. eléctrico Perda do movemento
voluntario e estado de anestesia xeral causada pola
aplicación dunha corrente eléctrica rapidamente interrompida.
/ Enfermidade do s. V. enfermidade. / S.
paroxístico Narcolepsia.
sonografía s.f. V. ecografía.
soño s.m. Representación de imaxes ou sucesos durante o
sono. En canto ó seu contido, na psicanálise diferénciase
o contido manifesto e o contido latente do sono. O
primeiro é consecuencia do traballo do sono e refírese a
imaxes, ideas e sucesos do sono na forma en que son
evocados polo soñante ó contalo. O contido latente está
formado polos desexos reprimidos e inclúe o conxunto de
significados que se revelan a través da análise do contido
manifesto do sono. // S. en vixilia dirixido Método
psicoterapéutico de R. Desoille que consiste na interpretación
das fantasías que xorden a partir de imaxes ou
temas sacados polo terapeuta.
sopor s.m. Sono profundo, letarxia.
soporífero-a adx. Que induce ó sono ou sopor.
soporte s.m. Sostén, aparello ou instrumento que suxeita.
sopro s.m. Ruído suave que se percibe por auscultación,
semellante ó ruído emitido cando se expulsa aire ou
cando pasa unha columna de líquido por un conducto
estreito. // S. accidental O causado por unha circunstancia
transitoria. / S. anémico Sopro cardíaco ou
vascular debido á falta de glóbulos vermellos. / S. anfórico
Ruído que resulta da transmisión do sopro tubárico
a través dun pneumotórax ou caverna pulmonar, semellante
ó que se produce soprando enriba do colo aberto
dunha botella. / S. aórtico Sopro que indica unha lesión
das válvulas aórticas. / S. bronquial O que se ausculta
sobre os bronquios, tanto na inspiración como na expiración.
/ S. cardíaco Sopro agregado que se escoita sobre a
rexión cardíaca. / S. cardiopulmonar Sopro causado
polo choque do corazón contra o tecido pulmonar. / S.
cavernoso Ruído de tonalidade grave e timbre característico
de algo oco producido durante a respiración polo
paso de aire a través dunha cavidade pulmonar patolóxica
que actúa como resoador. / S. crecente Sopro que se
observa na estenose mitral, caracterizado polo aumento
progresivo do seu timbre. / S. de Austin Flint Sopro
diastólico que se presenta na insuficiencia aórtica. Tamén
se di sopro de Flint. / S. de Drummond Sopro que se
percibe na traquea nos casos de aneurisma aórtico,
debido ós movementos deste. / S. de Duroziez Sopro
vascular dobre percibido na arteria femoral nos casos de
insuficiencia da válvula aórtica. / S. de Graham-Steell
Sopro causado pola insuficiencia pulmonar relativa
percibido durante a diástole no III espacio intercostal
esquerdo, e que se propaga ó longo do esterno. / S. de
Parrot Sopro suave que se escoita na asistolia en vez do
ton cardíaco. / S. diastólico Sopro correspondente á diástole
cardíaca, que despois do II ruído indica insuficiencia
sigmoide ou unha estenose mitral ou tricúspide. / S. fetal
Sopro que depende da circulación do feto, e é isocrónico
cos seus latexos cardíacos. / S. funcional Sopro cardíaco
producido por anemia ou por unha frecuencia cardíaca
rápida. / S. mitral ou tricúspide Sopro causado por
lesión das válvulas mitral ou tricúspide, respectivamente.
/ S. orgánico Sopro debido a unha alteración orgánica do
corazón ou dos vasos. / S. placentario ou materno O
causado polo paso de sangue pola placenta, que é
isocrono co pulso da nai. / S. pulmonar O debido a unha
afección das válvulas pulmonares. / S. sistólico Sopro
correspondente á sístole cardíaca, que indica unha insuficiencia
mitral ou tricúspide. / S. tubárico ou bronquial
Sopro que se produce en toda a árbore bronquial, pero
que só se percibe nas alteracións do pulmón ou pleura:
pneumonía, derramo pleural, etc. / S. uterino Ruído que
produce o sangue nas arterias do útero gravídico. / S.
vascular Ruído anormal producido nun vaso sanguíneo
por alteración do vaso ou do sangue. / S. venoso Sopro
suave, continuo, non sistólico coma o arterial, que se
percibe auscultando unha vea grosa. / S. vesicular
Murmurio vesicular.
sorbefaciente adx. Que promove a absorción.
sorbitol s.m. Substancia de sabor doce, empregada como
laxante e como diurético.
sordes s.f. (lat.) Substancia escura e sucia que se acumula
sobre os beizos e os dentes nalgunhas enfermidades
febrís graves, coma o tifo, e que consiste nunha mestura
de alimentos, restos epiteliais e microorganismos.
soro s.m. Parte clara dun líquido orgánico: sangue, leite,
linfa, etc., despois da coagulación do mesmo. O soro
sanguíneo é unha solución acuosa moi rica en albumina,
compostos nitroxenados (urea, aminoácidos, ácido úrico,
creatinina) e diversos ións minerais. Ademais contén
outras substancias, en especial enzimas e hormonas. A
análise cuantitativa dalgúns compoñentes do soro constitúe
un elemento de diagnóstico e é o obxecto de estudio
da seroloxía. En terapéutica non adoita usarse o soro
sanguíneo, pero si os chamados soros salinos. // Enfermidade
do s. Reacción patolóxica orixinada por usar
soros terapéuticos ricos en albumina. / Enfermidade do
s. activo Soro que posúe complemento. / S. anti-RH
Soro que contén anticorpos do factor RH, que se emprega
en clínica para identifica-los individuos que posúen
factor RH positivo. / S. antitetánico Soro específico
obtido de animais sans inmunizados coa toxina do Clostridium
tetani. / S. artificial Solución salina que se
inxecta, sobre todo por vía venosa. A máis común é a
solución acuosa de cloruro de sodio. V. solución salina.