1 - principio.qxd

699 seo
sensibilidade s.f. 1. Capacidade de percibir sensacións de
orixe cutánea, profunda e interoceptiva. 2. Idiosincrasia
reactiva fronte a un fármaco ou un antíxeno. // S. artrocinética
Sensibilidade referida ós desprazamentos de
partes ou segmentos do corpo, que está ligada á capacidade
propioceptiva. / S. barestésica Aquela que fai referencia
á sensación de presión. / S. bárica Sensibilidade
relativa ó peso dos obxectos. Tamén se di barognosia. /
S. dolorosa A que fai referencia á dor. / S. epicrítica
Sensibilidade cutánea que proporciona discriminacións
finas de tacto e temperatura. / S. estereognósica Recoñecemento
da forma dos obxectos. / S. interoceptiva
Sensibilidade que depende da estimulación de receptores
viscerais. / S. palestésica Sensibilidade das sensacións
vibratorias. / S. profunda Sensibilidade que inclúe o
coñecemento da posición dos diversos órganos, a sensibilidade
palestésica, a barestésica, a estereognósica, etc. /
S. propioceptiva A que nos permite coñece-la posición e
o estado dos músculos e das articulacións mediante
receptores localizados nos músculos e nos tendóns,
permitindo a regulación postural. Neste tipo de sensibilidade
intervén o cerebelo. / S. protopática A que ten un
carácter tosco, non discriminativo, relacionado principalmente
con algunha forma de dor e coa temperatura. / S.
somestésica Percepción somática, agás as procedentes de
órganos sensoriais especializados. / S. superficial Sensibilidade
que inclúe a sensibilidade táctil, térmica e dolorosa.
/ S. táctil Sensibilidade relativa ó tacto. / S. térmica
Sensibilidade relativa á temperatura.
sensibilización s.f. 1. Acción de facer algo máis sensible.
2. En inmunoloxía, presencia no organismo de anticorpos
que poden causar anafilaxe ó entraren en contacto co
antíxeno sensibilizante. A sensibilización é, xa que logo,
unha resposta modificada a unha substancia específica,
como resultado dun contacto previo con esta substancia.
3. Preparación dun tecido ou dun órgano por unha
hormona para que responda funcionalmente á acción
doutra hormona. // S. activa Sensibilización que resulta
da inxección directa dun antíxeno. / S. pasiva Sensibilización
por inxección de soro inmune. / S. RH Sensibilización
ó factor RH como resultado dunha transfusión ou
paso de sangue RH positivo ou dun embarazo con feto
RH positivo nunha muller RH negativa.
sensibilizador-a adx. 1. Que sensibiliza. // s.m. 2. Amboceptor.
3. Reactivo que fai que un corpo se modifique
facilmente por outro.
sensible adx. 1. Perceptible polos sentidos. 2. Que está
dotado de sensibilidade.
sensífero-a adx. Transmisor de sensacións.
sensímetro s.m. Aparello que mide o grao de sensibilidade
en áreas anestésicas e hiperestésicas do corpo.
sensitinóxeno s.m. Antíxeno que ten efectos sensibilizantes.
sensitivo-a adx. 1. Que fai referencia ós sentidos ou
sensacións. 2. Capaz de percibir ou de transmitir unha
sensación.
sensitivomotor-a adx. Sensitivo e motor ó mesmo
tempo, sobre todo os nervios mixtos.
sensíxeno-a adx. Que xera impulsos sensoriais.
sensomobilidade s.f. Capacidade que teñen o home e os
animais de se moveren en resposta a un estímulo sensorial.
sensoparálise s.f. Parálise dun nervio sensorial.
sensorimuscular adx. Que orixina unha acción muscular
reflexa como resultado dunha estimulación sensorial.
sensorio s.m. Conxunto das actividades psíquicas conscientes.
sensorivascular adx. Que orixina alteracións vasculares
como resposta ós estímulos de nervios sensoriais.
sensual adx. 1. Sensitivo, relativo ós sentidos ou ás súas
sensacións. 2. Que fai referencia ó apetito sexual.
sensualismo s.m. 1. Inclinación ós praceres dos sentidos,
sobre todo ós sexuais. 2. Corrente filosófica que atribúe a
xeración de ideas e de coñecemento á acción dos sentidos
externos.
sentido s.m. 1. Órganos receptores das sensacións exteriores.
2. Facultade pola que se perciben as modificacións
dos órganos ou das vísceras. 3. Órgano que capta os estímulos
físicos e químicos de natureza orgánica e inorgánica.
Os órganos dos sentidos poden percibir información
do medio interno gracias ós receptores internos, ou do
medio externo, mediante os receptores externos. // S.
ácido Facultade que ten o estómago de regula-la secreción
ácida de clorhídrico segundo as necesidades da
dixestión. / S. do equilibrio ou estático Sentido que lle
permite ó home manterse en posición erecta. / S. especial
Cada un dos cinco sentidos: vista, oído, olfacto, gusto e
tacto. / S. estereognóstico Percepción das formas e
solidez dos obxectos. / S. térmico Facultade de percibi-
-las diferencias de temperatura.
sentimento s.m. Sensación de tipo afectivo relacionada
cun mesmo ou con outras persoas, cousas, situacións, etc.
// S. de culpabilidade Sentimento consciente ou inconsciente
asociado, segundo a psicanálise, á autocrítica e á
busca do castigo. / S. de inferioridade Sentimento que,
segundo Adler, se xera na infancia por deficiencias
físicas ou funcionais que fan que o individuo cree mecanismos
psicolóxicos de compensación.
seo s.m. 1. Dilatación vascular ou linfática. 2. Conducto
venoso dentro do cranio. 3. Mama. // S. aéreo Cada unha
das cavidades cheas de aire, especialmente as que se
comunican coas fosas nasais. / S. aórtico Cada unha das
pequenas dilatacións delimitadas superiormente polas
tres valvas da válvula semilunar aórtica. / S. auricular
Parte principal das aurículas do corazón. / S. basilar Seo
localizado arredor do burato occipital, que une os seos
petrosos inferiores. / S. carotídeo 1. Dilatación proximal
da arteria carótide interna, por riba da división da carótide
común. Nel localízanse os barorreceptores, receptores
que controlan as variacións de presión arterial