1 - principio.qxd

vitaminoide 832
capilar e alteración da permeabilidade vascular. Atópase
nas follas de ruda, tabaco, violeta e talos de tomate.
Tamén se di citrina. / V. T Grupo de substancias bioestimulantes
do crecemento obtidas dos térmites. / V. V
Actúa como doador de grupos metilos, e pode protexer
fronte á úlcera gástrica provocada experimentalmente.
Atópase nos lípidos da col, apio, leituga e perexil. Tamén
se di vitamina antiulcerosa.
vitaminoide adx. Semellante ás vitaminas.
vitaminoloxía s.f. Estudio das vitaminas e a súa acción.
vitaminose s.f. Trastorno producido pola carencia ou
polo exceso de vitaminas.
vitaminoterapia s.f. Tratamento mediante a administración
de vitaminas.
vitaminóxeno-a adx. Orixinado pola acción das vitaminas.
vitasterina s.f. ou vitasterol s.m. Vitamina que pertence
ó grupo dos esterois.
vitazima s.f Vitamina.
vitelina s.f. Fosfoproteína simple semellante á globulina
en tódolos aspectos agás en que non pode ser precipitada
da solución con cloruro de sodio. Inclúense a vitelina
cristalina e a ordinaria ou ovovitelina, que na xema de
ovo está unida á lecitina.
vitelino-a adx. 1. Parecido á xema de ovo. 2. Relativo ó
vitelo.
vitellus s.m. (lat) 1. Xema de ovo. 2. Vitelo.
vitelo s.m. 1. Xema de ovo. 2. Protoplasma ovular destinado
á segmentación, que no óvulo humano constitúe
case a totalidade do protoplasma, e chámase vitelo
formativo. // V. nutritivo Parte do protoplasma do óvulo
destinada a nutri-lo embrión nos primeiros períodos de
desenvolvemento, formado por lípidos, proteínas e
hidratos de carbono.
viteloluteína ou vitelorrubina s.f. Pigmento amarelo
ou vermello que se obtén da xema de ovo.
vitiligoide adx. 1. Semellante á vitilixe. // s.m. 2. Sifiloderma.
3. Xantoma.
vitilixe s.f. Afección cutánea que se caracteriza pola aparición
de placas acrómicas rodeadas dunha auréola escura
a consecuencia da distribución irregular do pigmento
cutáneo. Obsérvase sobre todo no dorso das mans, no
pescozo e na cara. Tamén se di leucodermia. // V. perinevoide
Vitilixe que se inicia arredor dun nevo.
vitilixinoso-a adx. Relativo á vitilixe ou afectado por ela.
vitium s.m. (lat.) Vicio, defecto.
vitodinámica s.f. Biodinámica.
vítreo-a adx. 1. Semellante ó vidro. // s.m. 2. V. corpo,
humor.
vitreocapsulite s.f. Inflamación da cápsula do vítreo ou
membrana hialoide. Tamén se di hialite.
vitreum s.m. (lat.) Corpo vítreo.
vitrina s.f. 1. Humor vítreo do ollo. 2. Endolinfa. 3.
Armario onde se garda o instrumental cirúrxico.
vitriolaxe s.f. Proxección de vitriolo ou, por extensión, de
calquera substancia cáustica, á cara ou partes descubertas
do corpo de alguén.
vitriólico, ácido s.m. Ácido sulfúrico.
vitriolo s.m. Antigamente, sulfato.
vitropresión s.f. Presión que se realiza aplicando un
vidro sobre a pel, empregada en dermatoloxía para descubrir
coloracións anormais na pel.
vitrum s.m. (lat.) Vidro ou vaso deste material.
vitular adx. Relativo ou pertencente ás vacas.
vivencia s.f. En psicanálise, aquilo que foi vivido ou
experimentado pola conciencia, en contraposición ó
representado.
vivente adx. Que ten vida.
vividifusión s.f. Hemodiálise.
vivificación s.f. 1. Conversión da materia inanimada en
vivente, mediante a asimilación. 2. Acción de infundir
vida ou vitalidade.
vivíparo-a adx. e s. Relativo ós animais nos que as
femias paren fillos vivos.
vivisección s.f. Intervención cirúrxica realizada en
animais vivos con fins de investigación.
vivisector-a adx. Que practica a vivisección.
vivo-a adx. Que ten vida.
vixilambulismo s.m. Estado patolóxico que se caracteriza
por unha conducta automática semellante á do
somnambulismo, pero na que o suxeito está esperto.
vixilia s.f. Estado de esperto, insomnio.
vocal adx. 1. Relativo ou pertencente á voz ou ós órganos
que a producen. // s.f. 2. Son producido mediante a vibración
da larinxe, que non atopa ningún obstáculo ó seu
paso polos órganos de articulación.
Voigt, liña de V. liña.
vola s.f. (lat.) Planta do pé ou palma da man.
volante adx. Itinerante, móbil, que vai dunha parte a outra
ou que se aplica en varias partes diferentes.
volar adx. Relativo ou pertencente á palma da man ou á
planta do pé.
volátil adx. Que tende a se evaporar axiña.
volatilidade s.f. Calidade de volátil.
volatilización s.f. Paso de sólido a líquido ou a estado de
vapor sen que ocorra ningún cambio químico.
volemia s.f. Volume de sangue existente no organismo.
volframio s.m. Tungsteno.