1 - principio.qxd

xantocromía 838
xantocromía s.f. Coloración amarela da pel ou doutro
órgano ou parte do corpo. No caso do líquido cefalorraquídeo
indica hemorraxia nos centros nerviosos.
xantodermia s.f. Coloración amarela da pel, independente
da ictericia.
xantodermo-a adx. Que ten a pel amarela, ou que
pertence á raza amarela.
xantodonte adx. Que ten os dentes amarelos.
xantófano s.m. Pigmento amarelo dos conos da retina.
xantofilia s.f. Pigmento amarelo vexetal que conteñen as
follas no outono. Tamén se di luteína.
xantóforo s.m. Cromatóforo con gránulos de pigmento
amarelo.
xantofosia s.f. Sensación subxectiva de luz ou de cor
amarela.
xantoglobulina s.f. Pigmento amarelo do fígado e do
páncreas.
xantogranuloma s.m. Reacción inflamatoria crónica do
tecido adiposo, que se caracteriza pola presencia de
granulomas e histiocitos cheos de lípidos.
xantogranulomatose s.f. Presencia de moitos granulomas.
Tamén se di síndrome de Hand-Christian-Schüller.
xantoma s.m. Afección da pel que se caracteriza pola
formación de placas ou de nódulos planos e de cor
amarela localizados sobre todo nos cóbados e nos xeonllos,
que conteñen células histiocíticas ricas en inclusións
lipídicas. Xeralmente débese a trastornos hepáticos ou do
metabolismo dos lípidos. // X. craniohipofisario
Síndrome de Christian-Schüller. / X. das pálpebras
Xantelasma. / X. dos diabéticos Variedade de xantoma
que se observa en persoas diabéticas, na que as placas son
grandes e intermitentes. / X. múltiple Aquel no que as
placas ou os nódulos aparecen por toda a superficie do
corpo. / X. remitente ou intermitente Xantoma dos
diabéticos. / X. tuberoso Lipoidose infiltrante que se
caracteriza por nódulos que sobresaen, sobre todo nas
palmas das mans, plantas dos pés, na cara e nas superficies
de extensión dos membros. Tamén se di xantoma
tuberoso múltiple, gota lipoide.
xantomatose s.f. 1. Estado caracterizado pola aparición
de xantomas. 2. Alteración do metabolismo dos lípidos,
que se manifesta con depósitos lipídicos en forma de
nódulo ou mancha amarelada, por exemplo a enfermidade
de Gaucher, enfermidade de Niemann-Pick, enfermidade
de Tay-Sachs, síndrome de Hand-Christian-Schüller,
etc.
xantopía s.f. Xantopsia.
xantoproteico-a adx. 1. Relativo ou pertencente á xantoproteína.
2. V. reacción xantoproteica.
xantoproteína s.f. Pigmento amarelo das proteínas quentadas
con ácido nítrico.
xantopsia s.f. Cromatopsia na que o paciente ve os
obxectos dunha cor amarelada, que se observa ás veces
na ictericia e na intoxicación por ácido pícrico.
xantopsidracia s.f. Aparición de pequenas vesículas
amarelas na pel.
xantopsina s.f. Forma de rodopsina que perde cor
parcialmente á luz.
xantorrea s.f. Fluxo de cor amarela.
xantosarcoma s.m. Sarcoma de células xigantes que se
forma nas aponeuroses e nas vaíñas tendinosas.
xantose s.f. Dexeneración unida a pigmentación amarela
da pel.
xantóxeno s.m. Substancia colorante dos vexetais, que
cos álcalis se vira amarela.
xanturia s.f. Xantinuria.
xa oído, visto ou vivido loc.Trastorno tamén coñecido
coa denominación francesa déjà entendu, déjà vu, déjà
vecu, que se caracteriza porque o enfermo ten a sensación
de que experimentou anteriormente unha vivencia ou
situación da mesma maneira na que se presenta no
momento actual. Maniféstase en persoas sas pero en
situacións de fatiga ou tensión, ou ben como manifestación
epiléptica, secundariamente a unha descarga
cortical.
xaqueca s.f. Complexo sintomático, frecuentemente
familiar, consistente en ataques periódicos de cefalea de
orixe vascular, acompañada ás veces de irritabilidade,
náuseas, vómitos, diarrea ou estrinximento e fotofobia.
Ten a súa causa nunha constricción das arterias do cranio
e presenta nalgunhas ocasións síntomas prodrómicos,
xeralmente de tipo ocular. Tamén se di hemicrania. // X.
acompañada Xaqueca que cursa con manifestacións
neurolóxicas. / X. basilar Variedade de xaqueca acompañada
que cursa con síntomas neurolóxicos dependentes
do territorio do tronco basilar. / X. clásica A que posúe
síntomas neurolóxicos cunha duración menor de vintecatro
horas. / X. complicada Xaqueca que posúe manifestacións
neurolóxicas de duración superior ás vintecatro
horas. / X. común Aquela que non posúe
manifestacións neurolóxicas. / X. disociada Variedade de
xaqueca acompañada na que aparece un defecto neurolóxico
focal, de xeito illado con respecto á cefalea. / X.
hemipléxica Variedade de xaqueca acompañada na que
despois da cefalea aparece un cadro de hemiplexía. / X.
oftalmopléxica Variedade de xaqueca acompañada na
que aparece unha parálise oculomotora transitoria que
afecta principalmente ó nervio motor ocular común. / X.
sen xaqueca A que se manifesta unicamente mediante
síntomas neurolóxicos focais e sen cefalea.
xarampón s.m. V. sarampelo.
xargonafasia s.f. Trastorno da linguaxe caracterizado
pola deformación e substitución de palabras, con creación
de neoloxismos de son parecido á palabra substi-