1 - principio.qxd

647 psicocromestesia
pseudorexia s.f. Apetito pervertido.
pseudorrabia s.f. 1. Enfermidade de Aujesky. 2. Lisofobia.
pseudorraquitismo s.m. Infantilismo renal con osteodistrofia.
pseudorreacción s.f. Reacción cutánea non debida a
proteínas específicas.
pseudorreducción s.f. 1. Reducción en masa dunha
hernia. 2. Reducción aparente do número de cromosomas
na sinapse.
pseudorreumatismo s.m. Localización de procesos
sépticos, xeralmente nas articulacións, que simulan un
cadro de reumatismo poliarticular.
pseudoscarlatina s.f. Estado febril con erupción similar
á da escarlatina, pero causada por intoxicación séptica.
pseudosclerema s.m. Adiponecrose.
pseudosclerose s.f. Enfermidade que presenta algúns
síntomas da esclerose múltiple, pero non as súas lesións.
// P. de Westphal-Strümpell Variante tardeira da dexeneración
hepatolenticular de Wilson.
pseudosmia s.f. Ilusión ou alucinación olfactiva.
pseudosolución s.f. Solución coloidal.
pseudotabe s.f. Síndrome atáxica semellante á tabe
dorsal sifilítica, pero sen presenta-lo signo de Argyll-
-Robertson, producida pola afectación das fibras sensitivas
dos nervios periféricos. Pódese dar por exemplo na
polineurite alcohólica e diabética.
pseudotétano s.m. Contraccións musculares persistentes
que se parecen ó tétano, pero que non son causadas pola
presencia do Clostridium tetani. Tamén se di tetania.
pseudotifoide s.f. Estado caracterizado polos síntomas
da febre tifoide, pero sen as lesións que a caracterizan, e
independente do bacilo tífico.
pseudotise s.f. Enfermidade consuntiva de natureza non
tuberculosa.
pseudotracoma s.m. Enfermidade ocular e palpebral
semellante ó tracoma.
pseudotriquinose s.f. Dermatomiosite de síntomas
semellantes ós da triquinose.
pseudotuberculose s.f. Conxunto de afeccións con
semellanza anatomopatolóxica e clínica coa tuberculose,
pero causados por bacilos non ácido-resistentes, como a
Pasteurella pseudotuberculose.
pseudotumor s.m. Falso tumor. // P. cerebral Proceso
non tumoral que reproduce os síntomas dun proceso
expansivo, como a hipertensión endocranial por edema
cerebral.
pseudourticaria s.f. Dermogravismo.
pseudovaríola s.f. Varicela.
pseudovómito s.m. Regurxitación.
pseudoxantoma s.m. Enfermidade cutánea semellante ó
xantoma. // P. elástico V. elastoma ou nervio elástico.
pseudoxeusestesia s.f. Falsa sensación de gusto.
pseudoxeusia s.f. Sensación de gusto que carece de estímulo
externo que a produza.
pseudozunido s.m. Falso zunido. // P. de oído Zunido
obxectivo audible polo observador e causado por enfermidade
orgánica (aneurisma arteriovenoso cerebral) ou
por contraccións dos músculos timpánicos.
psicagoxía s.f. Método psicoterápico educacional e
reeducacional das relacións do individuo co ambiente
social.
psicalgalia s.f. Algopsicalia.
psicalxia s.f. Neuralxia ou dor de tipo psicolóxico.
psicanálise s.f. 1. Método psicoterapéutico creado por
Sigmund Freud, baseado na investigación e interpretación
de recordos, desexos ou imaxes dos cales a
presencia no subconsciente causa trastornos psíquicos. A
técnica psicanalítica desenvolveuse a través do método
da asociación libre, análise dos soños, etc., e transcorre
no marco do estudio da relación transferencial psicanalítica.
2. Conxunto de teorías psicolóxicas e psicopatolóxicas
sistematizadas a partir dos datos achegados polo
método de exploración e tratamento psicanalítico.
psicanalista adx. e s. Experto en psicanálise.
psicanopsia s.f. Anopsia ou cegueira psíquica.
psicastenia s.f. Para Janet, trastorno mental caracterizado
por estados de temor, ansiedade, obsesión, sentimentos
de irracionalidade, despersonalización, etc.
psicataxia s.f. Ataxia de tipo mental; trastorno que se
caracteriza pola incapacidade do paciente para concentrarse.
psicauditivo-a ou psicacústico-a adx. Relativo á
percepción consciente dos sons.
psico- Prefixo do grego, psique, mente.
psicobacilose s.f. Bacterioterapia das enfermidades
mentais, especialmente da demencia precoz.
psicobioloxía s.f. Sistema psicobiolóxico de A. Meyer
que estudia a bioloxía da mente sobre a base de que a
personalidade do individuo depende do marco ambiental.
psicocinesia s.f. 1. Acción súbita e explosiva debida a un
defecto de inhibición cerebral. 2. En parapsicoloxía,
facultade de controla-la materia coa mente.
psicocirurxía s.f. Tratamento de certas enfermidades
mentais mediante cirurxía cerebral.
psicocoma s.m. Estupor mental.
psicocroma s.m. Asociación mental subxectiva entre
unha sensación orgánica e unha determinada cor.
psicocromestesia s.f. Asociación de estímulos auditivos
con sensacións de cor. Tamén se di audición coloreada.