1 - principio.qxd

653 purulento-a
punxente adx. Punzante, referido especialmente á dor
producida pola pleuresía.
punzada s.f. 1. Dor breve e agudo. 2. Ferida de punta.
punzante adx. Agudo ou penetrante.
pupa s.f. Carapola, especialmente a que aparece na superficie
dos labios.
pupila s.f. Abertura dilatable e contráctil situada no centro
do iris, pola que entran os raios luminosos. Tamén se di
meniña do ollo. // P. de Adie V. síndrome. / P. de
Argyll-Robertson V. signo. / P. artificial Abertura artificial
no iris. Tamén se di iridectomía. / P. de Bumke
Dilatación da pupila por un estímulo psíquico. / P. de
Hutchinson Pupila dilatada só nun ollo. / P. puntiforme
Pupila extremadamente contraída que se observa na intoxicación
por opio. / P. tónica V. síndrome de Adie.
pupilatonía s.f. Atonía pupilar.
pupilómetro s.m. Instrumento utilizado para medi-lo
diámetro da pupila.
pupiloplexía s.f. Parálise da pupila. Tamén se di pupilatonía.
pupilostatómetro s.m. Instrumento que se emprega para
medi-la distancia entre os centros de ámbalas dúas
pupilas.
pupilotonía s.f. Diminución da velocidade do reflexo
pupilar. V. síndrome de Adie.
purga s.f. Substancia con acción purgante.
purgación s.f. 1. Efecto dunha substancia purgante.
Tamén se di catarse. 2. Blenorraxia.
purgante s.m. Fármaco que facilita a evacuación intestinal,
e que recibe diversos nomes segundo o mecanismo
da súa acción: formadores de masa, irritantes do colon,
amolecentes de feces, laxantes osmóticos, etc.
purgativo-a adx. Que purga.
purificación s.f. Acción de elimina-lo que é estraño a
unha cousa ou a unha substancia.
puriforme adx. Semellante ó pus.
purina s.f. Composto químico derivado da pirimidina,
que non existe en forma libre na natureza, pero que se
atopa presente en moitos derivados da pirimidina. As
máis importantes son as bases purínicas, a adenina e a
guanina, que participan fundamentalmente na composición
dos ácidos nucleicos.
purinemia s.f. Presencia de bases de purina no sangue.
purinómetro s.m. Aparello usado para determina-la
cantidade de purina presente no sangue.
puromucoso-a adx. Mucopurulento.
púrpura adx. 1. De cor vermella violácea intensa. // s.f.
2. Afección caracterizada pola formación de manchas
vermellas na pel, constituídas por pequenas extravasacións
de sangue subcutáneas, síntoma de diversas enfermidades.
// P. abdominal ou anafiláctica V. p. de
Schönlein-Henoch. / P. anular telanxiectásica Erupción
en forma anular, e logo pigmentada por depósito de
hemosiderina, en ámbalas dúas pernas, que coexiste con
equimose e telanxiectasias. Tamén se di p. de Majocchi.
/ P. capilarotóxica secundaria Púrpura observada en
infeccións, neoplasias, amiloidose, etc. / P. crioglobulinémica
Púrpura que se presenta de forma idiopática en
mielomas, leucemias, etc., causada pola presencia de
crioglobulinas. / P. de Bateman Púrpura senil por fraxilidade
capilar localizada no dorso das mans e no antebrazo.
/ P. de Majocchi V. p. telanxiectásica. / P. de
Rendu-Osler Síndrome caracterizada pola presencia de
telanxiectasias, fístulas arterio-venosas múltiples e
púrpuras de tipo anxiopático. / P. de Schönlein-Henoch
Púrpura de orixe anxiopática por alteración do endotelio
vascular debida a unha reacción de hipersensibilidade
fronte a diversos antíxenos. Presenta síntomas cutáneos
hemorráxicos (petequias, equimoses), inflamatorios
(eritemas, pápulas), alteracións articulares (artralxias),
dor abdominal e alteracións da función renal. Afecta a
nenos e mozos, e é de curso benigno. / P. fulminante de
Henoch Púrpura observada en nenos, de causa múltiple,
que adoita ser mortal. / P. hemorráxica trombopénica
sintomática Púrpura secundaria a varios procesos (infeccións,
intoxicacións, hepatopatías, etc.), dos cales constitúe
un síntoma máis ou unha complicación. / P. hiperglobulinémica
de Waldenström Púrpura petequial
crónica localizada en ámbolos dous membros inferiores,
que lles afecta a mulleres de certa idade, e que se acompaña
de hiperglobulinemia. Existen formas idiopáticas e
formas secundarias a certas enfermidades. / P. maligna
V. síndrome de Waterhouse-Friderichesen. / P. ortostática
Púrpura observada en individuos con debilidade
capilar latente, que aparece nas pernas debida a ortostatismo
prolongado. / P. reumática V. síndrome de
Waterhouse-Friderichsen. / P. senil Erupción purpúrica
nas pernas en persoas debilitadas ou en anciáns. / P.
simple Forma de enfermidade leve por fraxilidade
capilar, caracterizada por manchas hemorráxicas e trastornos
xerais leves. / P. trombopénica Púrpura moi grave
debida a unha importante diminución de plaquetas no
sangue. / P. trombopénica idiopática Púrpura orixinada
por mecanismos autoinmunes, que se caracteriza pola
aparición de hemorraxias cutáneas e mucosas, provocadas
por unha diminución de plaquetas. Existen dúas
formas, unha aguda que adoita afectarlles ós nenos, e
outra crónica que afecta sobre todo a mulleres adultas.
Tamén se di enfermidade de Werlhof.
purpurífero-a adx. Que produce un pigmento púrpura.
purpurina s.f. 1. Uroeritrina. 2. Principio cristalizable
vermello da rabia.
purpurinuria s.f. Porfirinuria, ou presencia de uroeritrina
na urina.
purpuróxeno-a adx. Productor de púrpura visual ou
dodopsina.
purulento-a adx. Que contén ou está formado por pus.