1 - principio.qxd

593 periencefalografía
pericardite seca con lesións en forma de placas leitosas e
sen adherencia. / P. mediastínica Inflamación da superficie
exterior do pericardio e do tecido do mediastino. / P.
obliterante Pericardite adhesiva que causa a obstrucción
da cavidade pericardíaca. / P. seca Pericardite sen formación
de derramo. / P. tuberculosa Variedade producida
polo bacilo de Koch. / P. vilosa Pericardite externa con
exsudados fibrinosos na superficie do pericardio.
pericarion s.m. Masa citoplasmática que rodea o núcleo.
pericecal adx. Que ocorre ou está situado arredor do
cego.
pericecite s.f. V. peritiflite.
pericefálico-a adx. Situado ou que ocorre arredor da
cabeza.
pericelular adx. Arredor dunha célula. Tamén se di pericitario.
pericementite s.f. Inflamación arredor da raíz dentaria.
Tamén se di periodontite, peridentite.
pericemento s.m. Membrana ou tecido entre a raíz dun
dente e o alvéolo maxilar. Tamén se di membrana alveolodentaria,
periodontio.
pericementoclasia s.f. Destrucción do pericemento e do
alvéolo óseo sen desintegración do tecido enxival correspondente.
V. piorrea alveolar. Tamén se di peridentoclasia.
pericentese s.f. Método hemostático que consiste na ligadura
en masa dos tecidos arredor do vaso que sangra.
pericerebral adx. Que rodea o cerebro.
pericístico-a adx. Arredor dunha vexiga ou quiste.
pericistio s.m. Envoltura vascular de certos quistes.
pericistite s.f. Inflamación dos tecidos que rodean a
vexiga urinaria.
pericitario-a adx. V. pericelular.
pericito s.m. Célula con longas prolongacións citoplasmáticas
e rodeadas de membrana basal. Ó microscopio
electrónico percíbese a carencia de miofibriñas, polo que
non ten función contráctil. Localízanse ó longo das
metarteriolas, capilares e vénulas. Tamén se di célula
peritelial.
pericolanxite s.f. Inflamación dos tecidos que rodean un
conducto biliar. Tamén se di perianxiocolite.
pericolecistite s.f. Inflamación dos tecidos que rodean a
vesícula biliar.
pericolite s.f. Inflamación da membrana serosa peritoneal
do colon. Tamén se di pericolonite. / P. dereita Pericolite
que lle afecta ó colon ascendente. / P. esquerda Inflamación
do tecido conxuntivo e do peritoneo do colon
descendente na súa parte inferior. / P. membranosa
Estado patolóxico que resulta da presencia de membrana
de Jackson. / P. postapendicular Formación de bostelas
que estreitan a luz do colon despois dun ataque de apendicite.
pericolonite s.f. Pericolite.
pericolpite s.f. Inflamación dos tecidos que rodean a
vaxina. Tamén se di perivaxinite.
pericondrio s.m. Membrana de tecido conxuntivo
fibroso que cobre a superficie da cartilaxe.
pericondrite s.f. Inflamación do pericondrio.
pericondroma s.m. Tumor orixinado no pericondrio.
pericorneal adx. Situado ou que ocorre arredor da
córnea. Tamén se di periquerático.
pericoronite s.f. Inflamación da enxiva arredor dun
dente.
pericowperite s.f. Inflamación do tecido conxuntivo
arredor das glándulas de Cowper.
pericoxite s.f. Inflamación dos tecidos que rodean a articulación
da cadeira.
pericranite s.f. Periostite do cranio.
pericroma s.m. Célula nerviosa na que os corpos de Nissl
están dispostos en serie, formando un arco debaixo da
membrana celular.
peridectomía s.f. V. peritomía, sindectomía.
peridentario-a adx. Que rodea un dente ou dentes.
Tamén se di periodontal.
peridentite s.f. V. pericementite.
peridentoclasia s.f. V. pericementoclasia.
periderma s.f. 1. Cutícula ou epiderme. 2. Rede de
Malpighi da pel.
peridesmio s.m. Membrana que cobre os ligamentos.
peridesmite s.f. Inflamación do peridesmio.
peridiástole s.f. Intervalo anterior á diástole. Tamén se di
prediástole.
perididimite s.f. Inflamación do peridídimo. Tamén se di
vaxinalite.
peridídimo s.m. Túnica vaxinal do testículo.
peridiverticulite s.f. Inflamación da serosa peritoneal
que rodea un divertículo intestinal.
periduodenite s.f. Inflamación crónica do peritoneo
localizada arredor do duodeno, que o deforma e fixa con
adherencias.
periecofobia s.f. Fobia referida a fenómenos físicos
ambientais.
periencefalite s.f. Inflamación das estructuras superficiais
do cerebro, caracterizada por meninxite asociada a
encefalite cortical. // P. crónica difusa Parálise xeral
progresiva.
periencefalografía s.f. Radiografía das meninxes cerebrais.