1 - principio.qxd

S
S Símbolo do xofre.
*sabañón s.m. V. frieira.
sabia s.f. Muller que cura enfermidades ou predí o futuro
por medio das cartas, de esconxuros ou de bebedizos.
sabor s.m. Sensación que certos corpos producen a través
dos órganos do gusto.
Sabouraud, cultivo de V. cultivo.
sabuloso-a adx. Areoso.
saburra s.f. Capa mucosa e espesa que se acumula, xunto
con outros productos escamativos, nas paredes do estómago,
e que nos estados de dispepsia se aprecia sobre a
lingua, onde forma unha característica tona abrancazada.
(saburra gástrica), ou costras formadas por restos de
alimentos, microorganismos e células epiteliais que se
acumulan nos dentes e labios durante unha enfermidade
febril.
sacabocados s.m. Instrumento que se emprega para
cortar un anaco de tecido con fins diagnósticos.
sacamoas s. 1. Persoa non cualificada que extrae dentes.
2. Despectivamente, dentista.
sacarase s.f. Invertase.
sacarefidrose s.f. Presencia de azucre na suor.
sacárido s.m. Composto dunha serie de hidratos de
carbono que inclúe os azucres. Divídense en monosacáridos,
disacáridos, trisacáridos e polisacáridos, segundo o
número de sacáridos que interveñan na súa composición.
sacarífero-a adx. Que contén ou que produce azucre.
sacarificación s.f. Conversión dunha substancia en
azucre.
sacarimetría s.f. Determinación da cantidade de azucre
presente nunha solución mediante un polarímetro que
indica a proporción de azucre polo número de graos que
fai xira-lo plano de polarización, ou ben mediante un
hidrómetro que determina esta proporción polo peso
específico da solución, ou tamén por medio dun aparello
onde fermenta a solución e se calcula a cantidade de
azucre polo volume de ácido carbónico que desprende.
sacarímetro s.m. Instrumento que determina a cantidade
de azucre presente nunha solución. Pode ser de dous
tipos: polarímetro ou aerómetro. // S. de fermentación
Sacarímetro con aspecto de tubo graduado, en forma de
cóbado, e pechado nun extremo, que determina a cantidade
de azucre polo volume de gas que se acumula en tal
extremo. Emprégase tamén para determina-la cantidade
de azucre na urina. / S. de Lohnstein Aparello empregado
para realiza-la reacción de fermentación cuantitativa
do azucre urinario.
sacarina s.f. Substancia cristalina, sulfamida benzoica de
gran poder edulcorante, que se emprega no canto do
azucre na diabete, e como correctivo de fármacos de mal
sabor. En cantidades elevadas é tóxica. Tamén se di sacarinol,
sacarinosa glícida.
sacaro- Prefixo do grego, azucre.
sacarobiosa s.f. Disacárido que procede da cana de
azucre.
sacarocoria s.f. Noxo ó azucre e en xeral ós alimentos
doces.
sacarogalactorrea s.f. Secreción abundante de leite que
contén exceso de azucre.
sacaroide adx. 1. Que ten aspecto de azucre. // s.m. 2.
Polisacárido de elevado peso molecular que non fermenta
por hidrólise pero que cede facilmente azucre.
sacarolado s.m. Preparación farmacolóxica da que é
excipiente o azucre.
sacarometabolismo s.m. Metabolismo do azucre.
sacaromices s.m. Fungo ou fermento do xénero Saccharomyces.
sacaromicose s.m. Enfermidade causada polos
fermentos. V. blastomicose.
sacarorrea s.f. V. diabete sacarina.
sacarosa s.f. Disacárido dextroxiro que por ebulición con
ácidos ou pola acción de certos enzimas se desdobra en
glicosa e levulosa.
sacaroscopio s.m. V. sacarímetro.