1 - principio.qxd

TPN 772
TPN Siglas de trifosfopiridín-nucleótido. V. nucleótido.
TPP Siglas de tiamina-pirofosfato.
TR Abreviatura de tuberculina residual.
trabécula s.f. Tabique de tecido conectivo que exerce a
función de soporte ou de separación, que se estende
desde a envoltura dun órgano parenquimatoso ó seu interior,
formando cos outros a parte esencial da estructura. //
T. carnosa ou ventricular Estructuras musculares no
interior dos ventrículos cardíacos, entre as que destaca a
trabécula septomarxinal, que une a parede do ventrículo
dereito co músculo papilar anterior. / T. ósea Prolongacións
entrecruzadas de substancia ósea que limitan as
cavidades medulares do tecido óseo esponxoso.
trabeculación s.f. Formación de trabéculas.
trabeculado-a adx. Que presenta trabéculas. Esponxoso.
tracción s.f. Acción de estirar, tirar ou atraer. // T. ambulatoria
Tracción que exerce unha vendaxe que permite a
deambulación con membros fracturados. / T. elástica A
que exerce unha corda ou elemento elástico. / T. esquelética
Aquela que se aplica directamente sobre os ósos
longos mediante cravos ou agullas de Kirschner, para
reducir fracturas. / T. ortopédica Procedemento no que o
paciente se fixa a un dispositivo mediante cordas e poleas
que exercen unha forza de tracción sobre unha extremidade.
Aplícase para reducir e inmobilizar fracturas, e
tamén para resolver espasmos musculares. / T. polo eixe
Tracción realizada ó longo dun eixe da pelve, por
exemplo a que se realiza co fórceps aplicado á cabeza do
feto. / T. rítmica da lingua Método de respiración artificial
introducido por Laborde, consistente en realizar traccións
rítmicas da lingua con pinzas ou cos dedos, que se
basea no estímulo reflexo que exerce a tracción sobre a
respiración.
trácer s.m. Isótopo radioactivo dun elemento que, introducido
no organismo, pode ser apreciado, o que permite
valora-la conducta metabólica e de distribución do
elemento natural. Tamén se di indicador, trazador.
tracoma s.m. Infección granulomatosa da conxuntiva e
da córnea, contaxiosa, producida pola Chlamydia trachomatis.
Caracterízase, na fase aguda, pola formación de
pequenas elevacións acompañadas de proído, fotofobia,
fluxo lacrimal e secreción mucopurulenta e, na fase
crónica, por atrofia, retracción cicatrizal e deformidade
das pálpebras. Tamén se di oftalmía exipcia, oftalmía
catarral epidémica. // T. de Arlt ou t. folicular Variedade
na que as granulacións son semellantes a grans de
millo miúdo cocido. / T. papilar Tracoma no que as
granulacións se deben a hipertrofia das papilas. / T.
vulvar Craurose da vulva.
tracto s.m. Conxunto de estructuras dispostas en
ringleiras, cordóns, fascículos ou vías que exercen unha
función común e organizada. // T. aferente ou ascendente
Calquera das vías nerviosas que levan os impulsos
da medula espiñal ó córtex cerebral. / T. corticonuclear
Fascículos de fibras motoras da cápsula interna, que
parten da circunvolución precentral e se dividen na protuberancia
noutros tres fascículos para os núcleos trixémino,
facial e hipogloso. / T. corticospinal lateral Fascículos
de fibras que proceden da área piramidal e que se
entrecruzan coas do lado contrario á altura do tercio inferior
do bulbo raquídeo, descendendo posteriormente polo
cordón lateral da medula debaixo do tracto espiñocerebeloso.
/ T. corticospinal ventral Fascículo de Türck. / T.
de Allen Tracto solitario formado no bulbo por fibras
sensoriais dos pares VII, IX e X. / T. de Bechterev Tracto
que relaciona o lemnisco coa oliva bulbar. / T. de
Burdach V. fascículo. / T. de Foville Fascículo cerebeloso
directo. / T. de Goll V. fascículo. / T. de Helwey
Tracto espiñoolivar. / T. descendente ou eferente Fibras
nerviosas que conducen os impulsos desde o cerebro á
medula espiñal. / T. dixestivo Tubo dixestivo. / T. espiñocerebeloso
dorsal Fascículo nervioso exterior ó fascículo
piramidal no cordón lateral da medula espiñal. / T.
espiñoolivar Pequeno grupo de fibras descendentes do
cordón anterolateral da medula, que empezan na proximidade
da oliva bulbar e pasan á medula cervical. / T.
iliotibial Parte da fascia lata que forma unha vaíña para o
músculo tensor. Tamén se di ligamento de Maissiae. / T.
olfactivo Banda olfactiva. / T. olivospinal Tracto espiñoolivar.
/ T. óptico Parte do nervio óptico que se sitúa
detrás do quiasma. / T. rubrospinal Fascículos de fibras
descendentes entre o tracto corticospinal lateral e o espiñocerebeloso
ventral. / T. tectospinal Fascículo que
descende desde os tubérculos cuadrixéminos á medula
espiñal, cruzándose a nivel do bulbo. / T. uroxenital Vías
urinarias e xenitais no seu conxunto. / T. uveal Tracto
formado polo iris, o corpo ciliar e a coroide. / T. ventral
Tracto de fibras no cordón lateral da medula espiñal,
diante do tracto espiñocerebeloso dorsal. / T. xeniculocalcarino
Radiación de Gratiolet.
tractor s.m. 1. Separador . 2. Instrumento para exercer
tracción.
trade s.m. Instrumento que se emprega para facer orificios
en substancias duras, como ósos ou dentes.
tragacanto s.m. Arbusto leguminoso do xénero Astragalus,
do que se extrae unha goma moi empregada en
farmacia como emulxente e para a fabricación de pastillas.
tragi s.m.pl. (lat.) Pelos situados na abertura do conducto
auditivo externo.
trago s.m. 1. Eminencia cartilaxinosa diante do orificio do
conducto auditivo externo. 2. Cada un dos pelos do
conducto auditivo externo.
tragofonía s.f. Egofonía.
tragomascalia s.f. Bromhidrose axilar.
tragopodia s.f. 1. Pé de cabra. 2. Genu valgum.
trama s.f. Tecido de sostén. Tamén se di estroma.
trancazo s.m. Gripe.