1 - principio.qxd

signo 706
embarazo, percepción dos latexos fetais mediante auscultación.
/ S. de Mendelsohn Na miocardite, recuperación
lenta do ritmo normal despois de efectuar un esforzo que
causa taquicardia. / S. de Moebius Imposibilidade de
mante-los ollos en converxencia por insuficiencia dos
músculos rectos internos. É signo de bocio exoftálmico. /
S. de Morquio Imposibilidade de pasar da posición
deitada á sentada, a menos que as pernas se flexionen
pasivamente, na poliomielite. / S. de Murphy Ó preme-
-lo médico profundamente cos dedos dentro do arco
costal dereito, o paciente con patoloxía biliar nota dor se
fai unha inspiración profunda. / S. de Nikolsky Separación
fácil do estrato córneo da epiderme, que se dá no
pénfigo e certas enfermidades que forman ampolas. / S.
de Oppenheim Extensión dorsal dos dedos dos pés, que
se provoca ó premer co polgar a cara interna da tibia de
arriba cara a abaixo. Signo de piramidalismo. / S. de
Ortolani Resalte que se percibe na articulación coxofemoral
ó realiza-la abducción das coxas na luxación
conxénita de cadeira. / S. de Osler Pequenas tumefaccións
eritematosas dolorosas da pel das mans e dos pés
nos casos de endocardite maligna. / S. de Pardee Elevación
das ondas R-T ou S-T e negatividade da onda T do
ECG que se observa en individuos que sufriron un infarto
de miocardio. / S. de Parkinson Facies inexpresiva e
inmóbil que se observa en persoas que padecen parálise
axitante. / S. de Parrot Dilatación da pupila ó belisca-la
pel do pescozo, observada na meninxite. / S. de Pastia
Liñas transversais, de dúas a tres xeralmente, que se
observan no dobramento do cóbado en persoas con escarlatina,
dunha cor rosada ó principio e posteriormente de
cor escura. / S. de Paul Debilidade do choque da punta
cardíaca con impulso forte no resto do corazón. Indica a
existencia de adherencias pericárdicas. / S. de Payr Dor
á presión no lado interno do pé, signo inminente de trombose
postoperatoria. / S. de Pedro-Pons Epifisite
destructiva no ángulo anterosuperior dunha ou máis
vértebras, xeralmente lumbares. Obsérvase na radiografía
lateral nos casos de espondilite por brucelose. / S. de
Pende Reflexo pilomotor causado por irritación da pel.
Signo de hipofunción suprarrenal. / S. de Queckenstedt
Invariabilidade da presión do L.C.R. cando se
comprimen as veas xugulares a nivel do colo nos casos
de bloqueo do conducto espiñal. / S. de Quincke Pulso
capilar. / S. de Remack Dobre sensación producida por
unha agulla nos casos de tabe dorsal. / S. de Romberg
Vacilación que ten o paciente cando está de pé, con eles
xuntos e os ollos pechados. Signo de ataxia locomotriz. /
S. de Rovsing Indicador de apendicite aguda, segundo o
cal a presión sobre o cuadrante inferior esquerdo do
abdome causa dor tamén no cuadrante inferior dereito. /
S. de Schelisinger Na tetania, se se sostén un membro
inferior polo xeonllo e se flexiona fortemente a cadeira,
prodúcese ó cabo de pouco tempo, un espasmo extensor
no xeonllo con supinación extrema do pé. Tamén se di
fenómeno de Pool ou da perna. / S. de Strümpell 1.
Flexión dorsal do pé e elevación do bordo interno por
contracción do músculo tibial anterior. Obsérvase en
persoas que padecen parálise axitante cando se lles
ordena que flexionen a perna sobre a pelve. 2. Imposibilidade
de pecha-lo puño sen efectuar unha marcada
flexión dorsal do pulso, que se observa nos casos de parálise
do nervio radial. / S. de Tarnier Desaparición do
ángulo que normalmente existe entre os segmentos inferior
ou superior do útero grávido. Signo de aborto inminente.
/ S. de Tinel Sensación de formigo que se provoca
no extremo distal dun membro cando se percute a nivel
do punto de interrupción dun nervio periférico seccionado.
Indica rexeneración deste. / S. de Traube Dobre
sopro (sistólico e diastólico) percibido por auscultación a
nivel da arteria femoral na insuficiencia valvular aórtica.
/ S. de Trélat Pequenas manchas amarelas xunto ás
úlceras tuberculosas da boca. / S. de Trousseau 1.
Espasmo muscular da man cando se comprime o brazo,
indicativo de tetania latente; en xeral, espasmo muscular
por presión das arterias e nervios que se observa na
tetania. 2. Trombose das extremidades que se observa no
cancro visceral. / S. de Velpeau Deformidade en dorso de
garfo que se observa nos casos de fractura do extremo
inferior do pulso. / S. de Vicent Signo de Argyll-
-Robertson. / S. de Vigoroux Diminución da resistencia
eléctrica da pel no bocio exoftálmico. / S. de Vincent
Perda da sensibilidade da zona innervada polo nervio
dentario inferior, que se observa nos pacientes de osteomielite
mandibular. / S. de Wanner A diminución da
conducción ósea dos sons sen afectación labiríntica
indica alteración orgánica dos ósos. / S. de Wartenberg
1. Limitación dos movementos pendulares do brazo ó
andar, nas enfermidades cerebelosas. 2. Sincinesia piramidal
na que se flexiona involuntariamente o polgar ó
flexionar fortemente os outros catro dedos. / S. de
Warthin Ruídos pulmonares esaxerados que se escoitan
nos casos de pericardite aguda. / S. de Weber Parálise do
nervio motor ocular común dun lado e hemiplexía do
outro lado. / S. de Weil Aparición de pequenas hemorraxias
na parte superior do brazo por unha presión moi
forte dunha venda de goma durante dez minutos. Obsérvase
na escarlatina e na diátese hemorráxica. Tamén se di
fenómeno de Rumpel-Leede. / S. de Weiss Contracción
dos músculos faciais cando se percute lixeiramente o
nervio facial no ángulo orbitario externo, que se observa
en casos de tetania, histerismo, etc. / S. de Wenckebach
Inmobilidade do tercio inferior do esterno durante a
inspiración, que se observa nos casos de pericardite adhesiva,
cando o apéndice xifoide está fixado por bridas
fibrosas. Radioloxicamente o perfil lateral do tórax
durante a inspiración atravesa nalgún punto o perfil do
tórax en repouso. / S. de Wernicke Reacción que se
observa en certos casos de hemianopsia debida a unha
lesión das fibras de Gratiolet, na que o estímulo da luz
proxectada na retina causa a contracción do iris, mentres
que se se proxecta no outro ollo non causa esta reacción.
/ S. de Westermark Ausencia de datos radiolóxicos
sobre a presencia de vasos sanguíneos máis aló da localización
do embolismo pulmonar. / S. de Westphal Perda
do reflexo rotuliano. / S. de Wilder Signo precoz do
bocio exoftálmico, caracterizado por lixeira oscilación do
globo ocular nos movementos laterais do ollo. / S. de