1 - principio.qxd

745 técnica
dental semellante a un tecido normal do organismo. / T.
areolar Tecido conxuntivo. / T. cartilaxinoso Variedade
de tecido conxuntivo que forma a substancia das cartilaxes.
Está composto por un substrato hialino ou fibroso
que contén espacios nos que se aloxan os condrocitos ou
células cartilaxinosas. / T. cavernoso Tecido eréctil. / T.
celular Variedade de tecido conxuntivo laso. / T. cicatrizal
Tecido fibroso denso derivado dun tecido de granulación
e forma unha escama ou cicatriz. / T. citóxeno
Tecido adenoide. / T. coláxeno Tecido conxuntivo da
derme, que contén unha substancia que se converte, por
ebulición prolongada, en xelatina. / T. compacto Tecido
que forma a parte exterior, dura, dos ósos. / T. conxuntivo
ou conectivo Tecido de sostén que se deriva do
mesoblasto e está formado por fibras conxuntivas e elásticas
e fibroblastos. Inclúe o tecido conxuntivo propiamente
dito (laso ou denso) e os tecidos adenoide,
adiposo, elástico, óseo e cartilaxinoso. / T. cordal Tecido
do notocordio embrionario. / T. cribiforme Tecido
conxuntivo laso. / T. cromafín Tecido composto por
células cromafíns, que se atopa na cápsula suprarrenal e
que está relacionado coa producción de adrenalina e
noradrenalina. / T. dartoide Tecido muscular contráctil
semellante ó darto. / T. de granulación Tecido conxuntivo
novo moi vascularizado que se forma durante o
proceso de cicatrización dunha ferida. / T. elástico
Tecido conxuntivo formado fundamentalmente por fibras
elásticas, que se atopa sobre todo na cara media dos
vasos, nos ligamentos e nos tendóns. / T. embrionario
Tecido conxuntivo do embrión que forma o mesénquima
e que se orixina a partir do mesoderma. Tamén está
presente nalgunhas neoplasias. / T. endotelial Tecido que
forma o endotelio. / T. epitelial Tecido que forma o
epitelio. Deriva do mesoblasto e contén células en
contacto directo con moi pouca substancia intercelular. /
T. eréctil Tecido que contén espacios venosos en comunicación
directa coas arterias, que se enchen de sangue e
poñen en erección o órgano que forma este tecido: pene,
clítoris, etc. / T. esplénico O que forma o bazo. / T.
esponxoso Tecido óseo que forma a parte central dos
ósos planos e dos curtos, e a diáfise e a epífise dos
longos. Está constituído por unha rede de espículas que
lle dan ese aspecto de esponxa que o caracteriza. / T.
esquelético Tecido fibroso, cartilaxinoso, óseo, etc.
Tamén se di tecido escleroso. / T. fibroso Variedade de
tecido conxuntivo que contén fibras xuntas en fascículos
compactos, que forman os tendóns, aponeuroses, etc. / T.
glandular Variedade de tecido epitelial que forma o
parénquima das glándulas. / T. heterólogo ou homólogo
Aquel tecido que é semellante ou que non o é, respectivamente,
a calquera outro tecido. / T. indiferente Tecido
embrionario primitivo. / T. intersticial Tecido conxuntivo
que se atopa entre os elementos celulares propios
dun órgano, que forma o estroma. / T. linfático Tecido
adenoide. / T. linfoide 1. Tecido linfático. 2. Tecido linfático
que aparece en lugares anormais. / T. mesenquimatoso
Rede difusa de tecido que deriva do mesoderma
embrionario, formado por células estreladas contidas nun
material cartilaxinoso con fibras reticulares. / T. mieloide
Tecido que forma a medula vermella dos ósos, e que no
adulto forma os globos vermellos, granulocitos e trombocitos.
/ T. mucoide Tecido xelatinoso. / T. mucoso
Tecido que forma as mucosas. / T. muscular Tecido que
forma os músculos, así como a capa muscular dos vasos
e dos diferentes órganos, como o intestino, vexiga, útero,
etc. Ten orixe mesodérmica e está formado por células
alongadas que conteñen filamentos delgados, rodeadas
de tecido conxuntivo e orientadas no sentido da contracción,
que xeralmente se agrupan en feixes ou capas. / T.
nervioso O formado polas células nerviosas e as súas
prolongacións, e por células de neuroglía. / T. nodular O
formado por fibras musculares e nerviosas, como o que
forma o nódulo sinoauricular do corazón. / T. óseo
Tecido conxuntivo duro formado por unha substancia
mol, a oseína, e sales en distintas proporcións, e fibras
que cos sales forman as láminas óseas separadas por
espacios chamados osteoplastos, dentro dos cales se
atopan os osteoblastos ou células óseas. / T. osteoide
Tecido óseo novo no cal a substancia intercelular aínda
está sen calcificar. / T. osteóxeno Parte do periósteo que
contribúe á formación de tecido óseo. / T. parenquimatoso
Tecido que constitúe o parénquima dun órgano. / T.
primario Tecido embrionario. / T. reticular Tecido
conectivo formado por células e fibras reticulares. / T.
subcutáneo Tecido conxuntivo laso situado debaixo da
pel. Tamén se di hipoderma. / T. sustentacular Tecido
non nervioso da retina, formado polas fibras de Müller. /
T. xelatinoso Tecido conxuntivo con aspecto de xelatina,
que constitúe o mesénquima do embrión e enche os espacios
existentes entre os esbozos dos órganos. Tamén se di
tecido mucoide.
tecite s.f. Inflamación da vaíña dun tendón.
tecnecio s.m. Elemento metálico radioactivo de símbolo
Tc, número atómico 43 e peso atómico 99, obtido artificialmente
polo bombardeo de molibdeno con neutróns ou
deuteróns, e que se atopa tamén nos productos de fisión
do átomo de uranio. O seu isótopo 99m é o que máis se
emprega en gammagrafía.
técnica s.f. Conxunto de procedementos e recursos dunha
ciencia. // T. de Barraquer V. zonulólise. / T. de Berberich-Hirsch
Técnica de estudio do estado intravenoso
mediante a obtención de imaxes radiográficas trala introducción
nas veas dunha substancia de contraste. Tamén
se di flebografía. / T. de Chaoul-Adan Método de radioterapia
de contacto endorrectal. / T. de Chevassu Método
de palpación do epidídimo, fixando o testículo cara a
abaixo cunha man e explorando coa outra. / T. de Cournand
Método de cateterismo cardíaco dereito por medio
dunha sonda para a exploración funcional endocardíaca.
/ T. de dobre anticorpo Método de radioinmunoanálise
pola separación de complexos antíxeno-anticorpo
mediante o emprego de anticorpos fronte ó primeiro anticorpo.
/ T. de Duval Técnica consistente en enxertos
epiploicos libres nas intervencións cirúrxicas abdominais,
especialmente nas reseccións intestinais. / T. de
Egas-Moniz Constituíu un dos primeiros intentos de
corrección cirúrxica de trastornos psiquiátricos, e