1 - principio.qxd

697 seme
patoloxías que son consecuencia doutras. Tamén se di
accesorio.
secundigrávida s.f. Muller que se atopa embarazada por
segunda vez.
secundinas s.f. pl. Conxunto formado pola placenta e as
membranas fetais que se expulsa no parto.
secundípara s.f. Muller que pariu por segunda vez.
Tamén se di bípara.
seda s.f. Substancia filamentosa que se obtén do casulo do
verme da seda, que se emprega en cirurxía como
elemento de sutura.
sedación s.f. 1. Sosegamento, producción dun efecto
calmante. 2. Efecto causado por un calmante.
sedante s.m. Fármaco que calma a dor e a excitabilidade
nerviosa, e que recibe distintos nomes segundo actúe
sobre un órgano ou outro: cerebral, xenital, vascular,
nervioso, etc.
sedativo-a adx. Que causa unha acción sedante ou tranquilizante.
sede s.f. Necesidade ou desexo de beber.
sedela s.f. Mecha de tea, algodón ou fío que se introduce
subcutaneamente e se move tirando por un extremo que
se deixa fóra, co fin de evitar que as secrecións sexan
retidas e poder eliminalas.
sedentario-a adx. 1. De hábitos inactivos ou de pouca
actividade física. 2. En posición sentada.
sedes s.f. (lat.) 1. Deposición. 2. Asento. // S. cruenta
Deposición con sangue.
sedimentación s.f. Xeración dun depósito de sedimento.
// S. eritrocítica Depósito dos glóbulos vermellos sobre
unha columna de sangue tratada con anticoagulantes,
favorecida ás veces por un proceso de centrifugación.
Realízase por distintos métodos: Cutler, Westergren,
Wintrobe, etc.
sedimentador s.m. Centrifugador para separa-lo sedimento
ou os precipitados.
sedimento s.m. Elemento sólido formado pola precipitación
espontánea de substancias disolutas ou en suspensión
nun líquido. // S. urinario Depósito de materia
sólida que se forma nun vaso de urina en repouso.
sedoso-a adx. Semellante á seda.
segmentación s.f. División en partes máis ou menos
semellantes, especialmente a serie de sucesivas divisións
que teñen lugar no ovo despois da fecundación para a
formación do embrión. // S. completa holoblástica
Segmentación na que toma parte todo o óvulo. / S.
incompleta, parcial ou meroblástica Segmentación na
que só se divide o vitelo formativo, quedando sen dividirse
a maior parte do vitelo nutritivo.
segmentario-a adx. 1. Pertencente a un segmento ou que
o forma. 2. Que experimenta segmentación.
segmento s.m. Parte cortada dun órgano ou parte del, sexa
dun xeito efectivo ou por liñas imaxinarias. // S. cranial
Cada unha das porcións occipital, parietal, temporal e
frontal en se que pode dividi-lo cranio. / S. de Ranvier
Porción de fibra nerviosa comprendida entre dous
nódulos de Ranvier. / S. larínxeo Cada unha das zonas en
que se divide a cavidade larínxea: supraglótica ou vestíbulo,
glótica (entre as cordas vocais) e subglótica. / S.
medular Anaco de medula comprendido entre dúas
seccións imaxinarias situadas por enriba e por debaixo
dun par de nervios. / S. mesoderma ou primitivo
Somita. / S. RST Porción do electrocardiograma, xeralmente
isoeléctrica, que corresponde coa fase de despolarización
ventricular completa. Normalmente pode estar
lixeiramente elevada ou deprimida. / S. uterino Cada
unha das porcións en que se diferencia o útero ó iniciarse
o parto: a porción superior, grosa e contráctil, e a inferior,
de paredes delgadas e non contráctil.
segredo s.m. Reserva, sixilo. // S. médico Obrigación que
ten o médico e o seu persoal auxiliar de gardar reserva
sobre feitos que coñeza no exercicio da súa profesión,
agás nos casos que preceptúa a lei.
segregación s.f. 1. Separación, dispersión, disgregación
ou secreción. 2. En xenética, separación dos dous xenes
alélicos de cada par para constituíren as dotacións
haploides dos gametos.
segregador s.m. Instrumento empregado para recoller
urina de cada ril por separado.
segundo-a adx. O que segue inmediatamente ó primeiro.
// S. intención V. curación por segunda intención. / S.
par Nervio óptico.
seisestesia s.f. Sensación táctil na que se perciben vibracións
nun medio aéreo ou líquido.
sela turca s.f. Fosa na cara superior do corpo do óso esfenoide
que contén a hipófise e o seo cavernoso.
selección s.f. Elección, escolla, escolma. // S. natural
Concepto ligado ó da evolución das especies, que se
refire ó proceso de prevalencia dunhas determinadas
especies fronte a outras, nun medio no que se atopan
mellor preparadas para afronta-la súa adaptación.
selenio s.m. Elemento químico metaloide sólido, tóxico,
semellante ó xofre, de símbolo Se e peso atómico 78,96.
En dermatoloxía emprégase o seu sulfuro como antiseborreico.
selenose s.f. 1. Manchas brancas en forma de media lúa
que aparecen sobre as uñas. 2. Intoxicación por selenio.
selo s.m. Forma farmacéutica empregada na administración
de medicamentos, de olor e sabor desagradable.
Componse dunha cápsula de amidón ou outra substancia
semellante, que perde consistencia e se disgrega en
contacto coa humidade, especialmente co zume gástrico.
seme s.m. Líquido abrancazado e espeso, secretado polos
testículos e a próstata, que contén espermatozoides.
Tamén se di esperma.