1 - principio.qxd

intrasinovial 410
intrasinovial adx. Localizado dentro dunha cavidade
sinovial.
intratimpánico -a adx. Localizado na cavidade timpánica
do oído medio.
intratorácico -a adx. Localizado dentro do tórax.
intratubárico -a adx. Localizado dentro da trompa de
Falopio ou da trompa de Eustaquio.
intratubular adx. Localizado dentro dunha estructura
tubular.
intrauterino -a adx. Localizado dentro da cavidade do
útero.
intrautricular adx. Localizado dentro dos utrículos do
oído interno.
intravascular adx. Localizado dentro das estructuras
vasculares, sanguíneas ou linfáticas.
intravaxinal adx. Localizado dentro da cavidade da
vaxina.
intravenoso -a adx. Localizado dentro dunha ou máis
veas.
intraventricular adx. Localizado no interior dunha ou
máis estructuras ventriculares, especialmente cardíacas
ou cerebrais.
intravertebral adx. Localizado no grosor dunha
vértebra.
intravesical adx. Localizado dentro da vexiga urinaria.
intravesicular adx. Localizado dentro dunha estructura
vesiculosa, principalmente da vesícula biliar.
intravítreo -a adx. Localizado dentro do corpo vítreo do
ollo.
intro- Prefixo do lat. inter (cara a dentro, interior).
introflexión s.f. Flexión cara a dentro dunha parte anatómica.
introito s.m. Porción que conforma a entrada a unha cavidade
ou a un espacio corporal, especialmente a que
comunica a cavidade da vaxina co exterior.
intromisión s.f. Inserción dunha parte anatómica ou dun
órgano dentro doutra parte.
introspección s.f. Exame dos propios pensamentos ou
sentimentos. Tamén se di introvisión.
introversión s.f. 1. Xiro máis ou menos completo que
realiza un órgano dende fóra cara a dentro. 2. Trazo da
personalidade dun individuo que o fai prescindir en
maior ou menor medida do mundo exterior a si mesmo.
introvertido -a adx. Do que ten unha personalidade
tendente á introversión.
introvisión s.f. V. introspección.
introxección s.f. Proceso psíquico inconsciente mediante
o cal o individuo incorpora os obxectos exteriores e as
súas calidades ás diversas instancias do aparello
psíquico.
intrusismo s.m. Incumprimento dos requisitos legais para
a práctica da medicina ou calquera outra profesión. Este
incumprimento pode orixinar un delicto, unha falta ou
unha transgresión administrativa, segundo as cualificacións
do código penal.
intubación s.f. Introducción dun tubo ou dunha sonda
nun conducto ou nun órgano oco do corpo. // I. bucal
Inserción dunha sonda nas vías respiratorias ou gastrointestinais
a través da boca. / I. endotraqueal Introducción
dunha sonda ou dunha cánula na traquea. / I. gástrica
Introducción dunha sonda permanente polo nariz ata o
estómago, coa finalidade de procura-la alimentación dun
doente ou de aspira-lo contido gástrico. / I. intestinal
Introducción dunha sonda no intestino, coa finalidade de
proceder á súa aspiración durante a oclusión do mesmo. /
I. nasal Introducción dunha sonda no aparello respiratorio
ou gastrointestinal a través do nariz.
intubador s.m. Aparello utilizado para realizar unha intubación.
intumescencia s.f. Tumefacción ou inchazón dunha
parte.
intususpección s.f. Prolapso dunha porción do intestino
dentro da luz doutra porción inmediatamente distal á
anterior. Tamén se di invaxinación intestinal.
inulina s.f. Poliósido que se atopa no rizoma dalgunhas
plantas compostas. Elimínase polo ril por unha simple
filtración renal, sen que exista reabsorción nin excreción
tubular da mesma, polo que o seu aclaramento se pode
utilizar como unha medida da filtración glomerular e,
polo tanto, da función deste órgano.
inválido -a adx. e s. Incapacitado por unha enfermidade,
lesión ou mutilación.
invasión s.f. 1. Penetración de xermes no organismo, que
se pode seguir ou non dunha infección. 2. Proliferación e
penetración de elementos dun tecido, normais ou patolóxicos,
noutros tecidos adxacentes.
invasor -a adx. Que invade, especialmente das técnicas
diagnósticas que necesitan a introducción dalgún
elemento no organismo.
invaxinación s.f. 1. Proceso cirúrxico consistente na
introducción e a sutura dun cabo de intestino noutro,
durante a operación dunha hernia estrangulada. 2.
Proceso embrionario, no cal, unha porción da parede
dunha cavidade se dirixe e contacta coa parede oposta, de
xeito que se forma unha nova cavidade independente e
sen comunicación coa primeira. // I. intestinal V. intususpección.
inversión s.f. 1. Cambio total na relación espacial normal
dun órgano ou parte anatómica. 2. Na xenética, aberración
cromosómica producida por un cruzamento entre
dous segmentos cromosómicos rotos de dous cromosomas
homólogos, producíndose a inversión dun dos