1 - principio.qxd

síndrome 712
frite e morte por síndrome urémica. / S. de Gougerot-
-Howers- Sjögren Síndrome caracterizada por sequidade
da pel e trastornos de calcificación osteoarticular. Tamén
se di xerodermosteose. / S. de Gradenigo Síndrome
caracterizada por parálise unilateral do IV par e dores
intensas de tipo neurálxico na zona marcada pola rama
oftálmica do trixémino (zona temporoparietoorbitaria),
debido a unha petrosite ou a unha tromboflebite dun
pequeno seo venoso. / S. de Gubler-Millard Hemiplexía
alterna por afectación unilateral da parte inferior da ponte
de Varolio. / S. de Guillain-Barre Síndrome caracterizada
por unha polirradiculoneurite con dor, debilidade
muscular, aumento das proteínas no LCR, etc. Esta
síndrome preséntase despois dun cadro gripal ou catarral.
É benigna a maioría das veces, pouco febril, e xeralmente
non orixina trastornos sensitivos nin esfinterianos. / S. de
Hamman-Rich Fibrose intersticial pulmonar./ S. de
Hand-Christian-Schüller V. s. de Christian-Schüller. /
S. de Heerfordt Febre uveoparotidiana. / S. de hipertensión
endocranial Síndrome de etioloxía diversa:
tumores, edema cerebral, alteración da circulación do
LCR, etc., que produce cefalea, vertixe, edema de papila
e vómitos. / S. de Hippel-Lindau Síndrome caracterizada
por hemanxiomas cutáneos asociados a hemanxiomas
na retina, cerebelo e medula espiñal, asociada a
outras anomalías como enfermidade poliquística renal e
hipernefromas. / S. de Hoffmann Síndrome distrófica
mixedema-miotónico. / S. de Horner Síndrome que se
caracteriza por miose, ptose palpebral e afundimento do
globo ocular debido a unha afectación do nervio simpático-cervical.
/ S. de Hunter Síndrome debida a un trastorno
hereditario no metabolismo dos mucopolisacáridos,
que se herda de forma recesiva ligada ó cromosoma X.
Tamén se di mucopolisacaridose II. / S. de Hurler
Síndrome debida a un trastorno metabólico dos mucopolisacáridos
que provoca diversas deformacións. As
persoas que o sofren teñen unha facies característica con
fronte prominente, dorso nasal deprimido, hipertelorismo,
macroglosia, ananismo, cifose, atraso mental,
malformacións cardíacas, etc. Hérdase en forma autosómica
recesiva e é debida á deficiencia do enzima alfa-Liduronidase.
Tamén se di mucopolisacaridose I, lipocondrodistrofia.
/ S. de Hutchinson V. tríade de H. / S.
de Hutchinson-Gilfor Proxeria. / S. de inmunodeficiencia
adquirida Síndrome causada polo virus VIH,
que ocasiona inmunodeficiencia celular caracterizada
polo desenvolvemento de infeccións oportunistas e
neoplasias coma o sarcoma de Kaposi. Esta síndrome
ocasiona unha diminución dos linfocitos T colaboradores
e un aumento das gammaglobulinas. / S. de insuficiencia
respiratoria ideopática Enfermidade da membrana
hialina. / S. de Jackson Síndrome caracterizada por parálise
do padal brando, larinxe e hemilingua, con parálise
dos músculos trapecios e esternocleidomastoideos
debido a lesións dos nervios craniais: pneumogástrico,
accesorio e hipogloso. / S. de Jacod Síndrome caracterizada
por neuralxia do trixémino, oftalmoplexía ou amaurose,
debida ó desenvolvemento de tumores nasofarínxeos
que se estenden á encrucillada petroesfenoidal. / S.
de Jiménez Díaz Síndrome caracterizada por cianose,
protrusión ocular, acúfenos, mareos, vertixes e sensación
de morte, provocado por trastornos da circulación
venosa. / S. de Kartagener Síndrome que se caracteriza
pola asociación de bronquiectasias, sinusite e dextrocardia.
/ S. de Klinefelter Síndrome caracterizada por
hipogonadismo masculino por hialinización dos tubos
seminíferos, que non lles afecta ás células de Leydig, con
atrofia testicular e azoospermia, xinecomastia e incremento
do nivel de gonadotrofinas. Está asociada con
anomalías de cromosomas sexuais (cariotipo XXY),
sempre con exceso de cromosomas X. / S. de Klippel-
-Trémaunay Síndrome de Parker-Weber. / S. de
Korsakov Psicose de Korsakov. / S. de Krauss V. hipersuprarrenalismo.
/ S. de Kussmaul V. coma diabético.
/ S. de Landry Parálise ascendente aguda. / S. de
Lartigue Morte súbita que se produce nos mergullados
por síncope orixinada por un reflexo vasomotor. / S. de
Lasègue Síndrome que se dá no histerismo, e que
produce a imposibilidade de efectuar ningún movemento
do membro anestesiado sen axuda da vista. / S. de
Launois Xigantismo primario por aumento da secreción
hipofisaria. / S. de Leriche Síndrome orixinada pola
obstrucción da bifurcación aórtica por trombose, o cal
orixina criostesia, claudicación, amiotrofia, impotencia e
gangrena dos membros inferiores. / S. de Libman-Sacks
Síndrome caracterizada por febre persistente de tipo
séptico, anemia progresiva, erupcións cutáneas eritematosas
e purpúricas, que se dá en persoas novas. / S. de
Loeffer Síndrome que se caracteriza por unha infiltración
pulmonar transitoria, asociada con eosinofilia e
manifestacións sistémicas. / S. de Loewe ou Löwe
Síndrome caracterizada por atraso mental acusado, glaucoma
e cataratas, que se transmite de forma recesiva,
ligada ó cromosoma X. Tamén se di síndrome oculocerebrorrenal.
/ S. de Lorain-Levi Síndrome caracterizada
por ananismo hipofisario con infantilismo. / S. de
Lutenbacher Síndrome caracterizada por unha estenose
mitral con defecto do tabique interauricular. / S. de Lyell
Síndrome que se caracteriza por unha dermatite ampolar
aguda con despegamento masivo da epiderme e trastornos
xerais moi graves, orixinada frecuentemente por
estafilococos ou estreptococos. Tamén se di necrólise
epidérmica tóxica. / S. de MacKenzie Síndrome caracterizada
por parálise unilateral que lles afecta á metade da
lingua, do padal brando e das cordas vocais. / S. de mala
absorción Síndrome caracterizada por unha deficiente
absorción intestinal dos nutrientes, sobre todo das graxas
e substancias liposolubles. Distínguense unha forma
primaria (enfermidade celíaca, esprú, etc.) e outra secundaria
(obstrucción biliar, insuficiencia pancreática, etc.).
Maniféstase por esteatorrea, desnutrición, anemia ferropénica,
polineurite, etc. Os síntomas dependen sobre todo
da deficiencia en vitaminas, electrólitos, oligoelementos,
etc. / S. de Mallory-Weiss Síndrome caracterizada por
unha esgazadura esofáxica tras un vómito violento. / S.
de Marchiafara-Micheli Síndrome caracterizada por
unha anemia hemolítica crónica con hemoglobinuria
paroxística nocturna, hemosiderinuria e tendencia á