1 - principio.qxd

triángulo 780
triángulo s.m. Figura, área ou espacio formado por tres
lados ou segmentos que poden ser reais ou imaxinarios.
// T. carotídeo inferior Triángulo formado pola liña
media anterior do colo, o músculo esternocleidomastoideo
e o ventre anterior do músculo homohioide. / T.
carotídeo superior Triángulo formado polo ventre anterior
do músculo homohioide, ventre posterior do músculo
digástrico e esternocleidomastoideo. / T. cirúrxico
Espacio no que existen vasos, nervios ou órganos que
serven como puntos de referencia nas intervencións
cirúrxicas. / T. de Alsber Espacio triangular co vértice
cara a arriba, formado por tres liñas imaxinarias que
pasan: unha polo eixe lonxitudinal do fémur, outra
seguindo o eixe do colo do fémur e a terceira nun plano
a través da base da cabeza do mesmo óso. / T. de auscultación
Espacio limitado polo bordo inferior do trapecio,
o dorsal ancho e a beira vertebral da escápula. / T. de
Bryant Triángulo ileofemoral, limitado pola liña de
Nèlaton, unha liña horizontal que pasa pola espiña ilíaca
anterior e superior e outra vertical desde ela ata o
trocánter maior. / T. de Calot Triángulo limitado pola
arteria cística, o conducto quístico e o hepático. / T. de
Einthoven Triángulo que se emprega para demostrar que
a suma alxebraica das diferencias de potencial das derivacións
electrocardiográficas I e III é igual á da derivación
II. / T. de Farabeuf Espacio situado na parte superior
do pescozo, e limitado pola vea xugular interna, a
facial e o nervio hipogloso. / T. de Garland Espacio
situado xunto á columna vertebral, no que diminúe a
matidez en casos de exsudado pleurítico. / T. de Henke
Espacio triangular situado entre o bordo externo do
músculo recto abdominal e a pregadura inguinal. / T. de
Hesselbach Espacio comprendido entre a beira exterior
do músculo recto abdominal, o ligamento inguinal e a
arteria e as veas epigástricas inferiores. / T. de Lieutaud
Trígono vesical. / T. de Livingstone Área que resulta
hipersensible á palpación na apendicite limitada por liñas
que unirían o embigo á crista do ilio e á espiña da pube.
/ T. de Middeldorpf Férula triangular acolchada que se
emprega nas fracturas de úmero para mante-lo brazo en
extensión parcial. / T. de Pawlik Triángulo formado
polas pregaduras da vaxina, que corresponden ó trígono
vesical. / T. de Petit Triángulo lumbar. / T. de Pinaud ou
de Pirogov Triángulo situado na rexión infrahioide, limitado
polo nervio hipogloso, o bordo posterior do músculo
milohioide e o tendón do músculo digástrico. / T. de
Scarpa ou t. femoral Espacio situado na coxa, entre o
ligamento inguinal e os músculos sartorio e aductor
longo. / T. de Trautman Triángulo limitado pola
eminencia onde se aloxa o labirinto, o seo lateral e a liña
temporal. No seu ángulo posterosuperior atópase o seo
petroso. / T. de Wernicke Porción posterior da cápsula
interna formada polas radiacións de Gratiolet e as fibras
do corpo pulvinar e do corpo xeniculado externo. / T.
ileofemoral Triángulo de Bryant. / T. inguinal Triángulo
de Scarpa. / T. lumbar Espacio limitado pola crista
ilíaca, o bordo posterior do oblicuo externo e o anterior
do dorsal ancho, por onde ás veces se forma unha hernia.
/ T. uroxenital Aponeurose perineal media que ten o
vértice situado na sínfise pubiana e a base na liña bisisquiática.
Triatoma Xénero de chinchas americanas hemipteroides,
ó cal pertence a especie Triatoma sanguisuga, de picadura
dolorosa que produce irritación e tumefacción local,
e que transmite o Trypanosoma cruzi.
triatómico-a adx. Composto de tres átomos ou que ten
tres átomos substituíbles. Tamén se di trivalente.
tríbada s.f. Muller que practica o tribadismo.
tribadismo s.m. Homosexualidade feminina. Tamén se di
lesbianismo.
tribásico-a adx. Composto con tres átomos de hidróxeno
substituíbles.
tribo s.f. Subdivisión dunha familia, que comprende
varios xéneros.
triboluminiscencia s.f. Luminosidade causada por fricción.
tribraquio s.m. Monstro fetal que ten tres brazos.
tribromoetanol s.m. Anestésico xeral aplicado por vía
rectal.
tribromometano s.m. Bromoformo.
tribromuro s.m. Bromuro con tres átomos de bromo.
tributirina s.f. Graxa incolora que contén a manteiga de
vaca.
tricálcico s.f. Composto que contén tres átomos de calcio.
tricalxia s.f. Dor causada polo rozamento ou fretamento
dos pelos.
tricalxiectasia s.f. Dilatación dos vasos capilares.
tricatrofia s.f. Atrofia dos bulbos pilosos.
tricéfalo s.m. Monstro fetal que ten tres cabezas.
tricelular adx. Composto de tres células.
tríceps adx. 1. Que ten tres cabezas ou tres fascículos. //
s.m. 2. Cada un dos dous músculos que teñen tres cabezas
de inserción nun dos seus extremos. // T. braquial
Músculo situado na cara posterior do brazo, que se
encarga da extensión do antebrazo. / T. sural ou femoral
Músculo formado polos xemelgos e o sóleo, situado no
papo da perna, e que ten como función a extensión do pé,
elevando o calcaño.
triceptor s.m. Corpo intermediario que contén tres grupos
combinados.
Trichinella Xénero de vermes nematodos triquinélidos,
parasitos. A especie Trichinella spiralis, coñecida como
triquina, é a responsable da triquinose. Atópase nun
quiste dentro dos músculos dalgúns animais, especialmente
a rata e o porco. Ó comer carne de porco contaminada,
este quiste disólvese, e o parasito deposita as súas
larvas na mucosa intestinal, desde onde ingresan nos
vasos linfáticos e son transportadas a outros lugares,
sobre todo ós músculos, onde enquistan.