1 - principio.qxd

453 mamiloplastia
maleotomía s.f. 1. Operación cirúrxica consistente na
división do martelo do oido medio, utilizada no tratamento
da anquilose da cadea de osiños do oído. 2. Operación
cirúrxica consistente na separación dos maléolos,
mediante a sección dos ligamentos que os unen na articulación
do nocello.
malestar s.m. Sensación vaga e imprecisa de enfermidade
que forma parte do espectro sindrómico de moitas
doenzas.
malformación s.f. Deformidade dunha parte do corpo de
orixe conxénita ou adquirida. // M. de Arnold-Chiari
Anomalía conxénita caracterizada polo descenso anormal
das formacións cerebelosas (ectopía cerebelosa) e
bulbares no conducto raquídeo, por debaixo do burato
occipital.
málico (ácido) s.m. Ácido hidroxi-2 butanodioico, que
na súa forma levoxira constitúe un dos metabolitos intermedios
do ciclo dos ácidos tricarboxílicos.
malignidade s.f. Calidade de maligno.
maligno -a adx. Que evoluciona de xeito grave, con
perigo para a vida, especialmente os tumores invasivos e
metastatizantes.
malnutrición s.f. Estado morboso causado por unha
nutrición alterada, por exceso, por defecto ou por unha
mala asimilación dos nutrientes. // M. calórico-proteica
Aquela que deriva dunha contribución calórica e proteica
insuficiente, a causa dunha dieta escasa ou por diversas
circunstancias que impiden unha adecuada asimilación
dos nutrientes polo organismo, como sucede nos trastornos
da deglutición, nas síndromes de malabsorción,
etc. Clinicamente ocasiona unha gran diversidade de
manifestacións que dependen esencialmente de que se
trate dunha carencia total ou parcial de alimentos. Nos
nenos existe unha diminución da medra, en tódolos casos
adelgazamento, cansazo, apatía, irritabilidade, sensación
de frío, edema, diversas alteracións cutáneas, do aparello
circulatorio, dos riles, das glándulas endócrinas, do
aparello locomotor e do aparello circulatorio. Existe
anemia moderada, hipoalbuminemia e tendencia a
acidose. / M. primaria Aquela que deriva dunha mala
conducta alimentaria. / M. proteica infantil V. Kwashiorkor.
/ M. secundaria Aquela na que aínda sendo
normal a dieta, esta é insuficiente, porque o seu contido
non se absorbe ou dixire adecuadamente, ou porque
existe un aumento das necesidades do organismo.
maloclusión s.f. Oclusión defectuosa dos dentes do
maxilar superior sobre os mandibulares.
malocorion s.m. Corion primitivo dos mamíferos.
malónico (ácido) s.m. Diácido formado na oxidación do
ácido málico.
maloplastia s.f. Cirurxía plástica-reparadora realizada
sobre as meixelas.
malparto s.m. 1. Parto dificultoso. 2. Aborto.
malsán -á adx. V. insán.
Malta, febre de V. febre.
maltase s.f. Enzima que cataliza a hidrólise da maltosa en
dúas moléculas de glicosa.
malte s.m. 1. Cebada xerminada artificialmente e posteriormente
torrada, utilizada na elaboración da cervexa. É
rica en substancias de reserva, principalmente glicídica e
enzimas como a diastase. Utilízase como dixestivo e
nutritivo. 2. A mesma cebada utilizada en infusión. // M.
verde Malte sen torrar.
maltosa s.f. Disacárido de fórmula C 12
H 22
O 11
, que se
obtén mediante a acción da amilase sobre o amidón.
Mediante a hidrólise orixinada pola acción da maltase
presente no epitelio intestinal transfórmase en dúas moléculas
de glicosa.
maltósido s.m. Composto análogo ós glicósidos, pero no
que o azucre presente é a maltosa en lugar da glicosa.
maltosuria s.f. Presencia de maltosa na urina.
malva s.f. Planta herbácea, do xénero Malva, o cal
comprende unhas 20 especies, entre as que a M. sylvestris,
cultivada como planta ornamental, posúe follas e
flores utilizadas en infusións como pectorais. A especie
M. rotundifolia utilízase como emoliente.
malvarisco s.m. Planta da familia das malváceas, xénero
Althaea, que posúe un rizoma groso, follas dentadas e
flores de cor bracarrosada. A raíz e as follas da especie A.
officinalis teñen propiedades emolientes e empréganse
tamén na preparación dun xarope usado como vehículo
para diversos medicamentos antitusíxenos.
mama s.f. Órgano glandular modificado que posúen as
femias dos mamíferos, no que se produce o leite necesario
para a alimentación dos neonatos. Tamén se di teta,
seo, peito. // M. accesoria Unha ou máis mamas existentes
nalgún punto anómalo do corpo. Tamén se di m.
supernumeraria. / M. péndula Caída ou descenso excesivo
das mamas. Tamén se di mastoptose. / M. supernumeraria
V. m. accesoria.
mamalxia s.f. Dor localizada nas mamas. Tamén se di
mastalxia, mastodinia.
mamectomía s.f. Extirpación dunha parte ou da totalidade
dunha mama. Tamén se di mastectomía.
mamíferos s.m.pl. Clase dos vertebrados tetrápodos
caracterizados especialmente pola presencia de pelo e de
mamas, a temperatura constante, a respiración pulmonar,
a presencia de articulación mandibular e de tres osiños no
oído medio. A alimentación das crías faise co leite producido
polas glándulas mamarias das femias da especie.
mamila s.f. Prominencia cónica ou cilíndrica, carnosa e
eréctil, de cor parda ou avermellada, localizada no centro
da mama e na que desembocan os conductos galactóforos
desta glándula. Tamén se di bico do peito.
mamiloplastia s.f. Técnica de cirurxía plástica realizada
sobre as mamilas.