1 - principio.qxd

587 pelve
dricas, e a capa epitelial ou epidermícula está formada
por células pavimentosas // P. auditivo Formado por
células epiteliais especializadas. Forman filamentos na
crista e mácula acústica. / P. bambú V. tricorrexe
nodosa. / P. de Frey Pelos ríxidos montados nun mango
para o exame da sensibilidade da pel á presión. / P. moniliforme
ou nodoso V. moniletrix. / P. peládico Pelo
típico da alopecia areata, fino e descolorido na raíz. / P.
táctil Pelos longos e grosos do beizo superior do fociño
de moitos mamíferos, de gran sensibilidade.
pelohemia s.f. Viscosidade anormal do sangue.
peloide adx. 1. Semellante ó barro. // s.m. 2. Barro terapéutico
que está constituído por materias orgánicas e
inorgánicas, que se forman a partir de procesos xeolóxicos
moi complexos. Segundo a constitución química
poden recomendarse para a súa aplicación externa con
fins terapéuticos.
pelopsia s.f. Trastorno visual caracterizado pola ilusión
de achegamento anormal dos obxectos.
pelota s.f. Parte do bragueiro que efectúa a contención.
peloteo s.m. Sensación de vaivén que se obtén mediante a
manobra palpatoria destinada a investiga-la existencia
dun embarazo ou outra masa abdominal. // P. renal
Movementos do ril provocados pola palpación bimanual.
peloterapia s.f. Uso dos barros ou lamas (peloides) mineromedicinais
con fins terapéuticos.
pelotón s.m. Masa ou novelo. // P. cromático Espirema. /
P. de Imlach Acumulación de graxa no orificio externo
do conducto inguinal da muller.
peltación s.f. Inmunización, protección.
peltado-a adx. En forma de escudo.
pelúcido-a adx. Transparente, translúcido.
peluxe s.f. 1. Pelo suave, curto e fino que cobre case todo
o corpo. 2. Pelo do feto.
pelve s.f. Porción do esqueleto óseo en forma de bacía que
se articula por unha parte coa columna vertebral e, pola
outra, cos membros inferiores. Está formada polos ósos
coxais ou ilíacos ós lados e o sacro e cóccix detrás,
unidos entre si por superficies articulares ou sínfises (a
pubiana por diante, a sacrococcíxea e as dúas sacroilíacas
por detrás) e sostida por un gran número de ligamentos.
Está dividida pola liña ileopectínea en pelve maior ou
falsa e pelve menor, verdadeira ou cavidade pélvica, onde
se aloxan importantes vísceras, entre elas as do aparato
xenital. Esta última está limitada polo estreito superior ou
abdominal e inferior ou perineal. Tanto no estreito superior
coma no inferior, márcanse diámetros de grande
importancia anatómica e obstétrica e tamén relacionados
co acto do parto, xa que ten que te-la amplitude suficiente
para que a cabeza do feto poida saír ó exterior no devandito
acto. A pelve ten diámetros distintos segundo o sexo.
Debido ás distintas funcións, predominan os verticais no
sexo masculino e os horizontais no feminino. // P. anana
V. p. justo minor. / P. ancha V. p. maior. / P. androide
Pelve feminina con caracteres de masculina. / P. angosta
V. pelve estreita. / P. antropoide Pelve semellante á dos
monos antropoides: o diámetro anteroposterior é maior
có transverso, co cal a pelve resulta transversalmente
estreita. / P. atrófica Pelve mal conformada por detención
do desenvolvemento, na que tódolos diámetros son
máis pequenos. / P. branda Conxunto de partes brandas
que forman e cerran a pelve en oposición á pelviósea. / P.
braquipélica Pelve que ten o diámetro transverso de 1 a
3 cm maior có anteroposterior / P. cifoscoliótica Pelve
irregular, estreitada debido á cifoscoliose raquítica. / P.
cifótica Pelve en funil debido ó aumento do estreito
superior e diminución do estreito inferior. / P. coxálxica
ou de Chorbak Pelve asimétrica co estreito superior moi
reducido nun dos seus diámetros oblicuos, debido a unha
enfermidade da articulación coxofemoral. / P. de
Deventer Pelve curta en sentido anteroposterior. / P. de
Guéniot Deformidade da p. consecutiva a unha luxación
conxénita ou traumática de cadeira. / P. de Hauder V. p.
espiñenta. / P. de Kilian V. p. osteomalácica. / P. de
Litzmann P. raquítica con separación conxénita da
sínfise da pube, o cal permite que o sacro se afunda libremente
na escavación pélvica pola falta de tensión
pubiana que contrarreste as traccións dos ligamentos
sacroilíacos posteriores. Tamén se di pelve afundida. / P.
de Nägele Pelve na que o diámetro conxugado ten unha
dirección oblicua debida a unha falta de desenvolvemento
dunha das metades da pelve. Tamén se di pelve
oblicua ou pelve oblicuo-oval. / P. de Otto Protuberancia
do acetábulo dentro da pelve. / P. de Robert
Deformidade pélvica a consecuencia dunha osteoartrite
que lles afecta ás dúas articulacións sacroilíacas, que
conduce a unha anquilose. Caracterízase pola gran diminución
dos diámetros transversos e oblicuos, e un sacro
rudimentario. / P. de Rokitansky V. p. espondilolistésica.
/ P. dolicopélica V. p. antropoide. / P. elástica V. p.
osteomalácica. / P. en funil V. p. cifótica. / P. en oito
Pelve raquítica na que o sacro está moi achegado á pube.
/ P. escoliótica Pelve mal conformada a consecuencia da
escoliose lumbar. É unha pelve oblicua na que o lado
correspondente á convexidade da columna é menor có
oposto. / P. espiñenta Pelve raquítica coa crista da pube
moi afiada. / P. espondilolistésica Pelve obstruída pola
dislocación da última vértebra lumbar sobre a primeira
sacra. / P. estreita Pelve cos diámetros máis pequenos do
normal. / P. falsa V. p. maior / P. fetal V. p. androide /
P. fisurada Pelve raquítica na que os bordos do estreito
superior son paralelos. / P. halisterética V. P. osteomalácica.
/ P. infantil Forma especial de p. en funil / P. justo
major-justo minor Pelve cos diámetros maiores ou
menores, respectivamente, en proporcións iguais. / P.
lordótica Pelve mal conformada pola lordose da
columna lumbar. / P. maior-menor Parte da pelve
situada enriba e debaixo, respectivamente, da liña iliopectínea.
/ P. malacósteon V. p. osteomalácica. / P.
masculina V. p. androide / P. obtecta Variedade de
espondilolistese na que a columna vertebral cobre horizontalmente
o estreito superior da pelve. / P. osteomalácica
Pelve moi deforme e estreita como consecuencia do