1 - principio.qxd

hemómetra 362
hemómetra s.m. V. hematómetra.
hemometrectasia s.f. Dilatación do útero a causa dun
hematómetra.
hemometría s.f. Proceso da medición da hemoglobina ou
das células sanguíneas.
hemopleura s.f. V. hematotórax.
hemopoese s.f. V. hematopoese.
hemoprecipitina s.f. Anticorpo que orixina reaccións de
precipitación ó reaccionar con antíxenos pertencentes ás
células sanguíneas.
hemoprofilaxe s.f. Método de prevención contra unha
enfermidade infecciosa realizado mediante a inxección
de sangue procedente dun suxeito resistente á mesma.
hemoproteína s.f. Proteína conxugada que contén o hem
como grupo prostético.
hemopsonina s.f. Partícula opsonizante que ó contactar
cos eritrocitos volve a estes susceptibles de inducir unha
reacción inmunitaria contra eles mesmos.
hemoptise s.f. Expectoración de sangre ou dun esputo
tinguido de sangue.
hemoptísico -a adx. Doente que ten hemoptise.
hemoptoico-a adx. Relativo ós esputos tinguidos de
sangue, característicos da hemoptise.
hemorraque s.f. Derramo sanguíneo no conducto
raquídeo.
hemorraxia s.f. Saída de sangue cara ó exterior dos vasos
sanguíneos, a través dunha solución de continuidade
producida nos mesmos. // H. arterial Escape de sangue
procedente dunha arteria. / H. capilar Perda de sangue a
través dos vasos capilares / H. discrásica Hemorraxia
debida a algunha anomalía no sistema da coagulación
sanguínea. / H. en saba Hemorraxia capilar continua ó
longo da superficie interna dun órgano. / H. esencial
Aquela que se produce espontaneamente, sen unha causa
obxectiva. / H. externa Aquela na que o sangue sae fóra
do corpo. / H. interna Aquela na que o sangue permanece
no interior do corpo. / H. oculta Perda escasa de
sangue procedente da mucosa dixestiva, que unicamente
se pode detectar mediante probas específicas para detección
de sangue oculto nas feces, ou polo exame microscópico
ou espectroscópico destas. / H. parenquimatosa
Hemorraxia que ocorre no tecido parenquimatoso dun
órgano calquera. / H. petequial Aquela constituída por
pequenas hemorraxias subcutáneas, que se manifestan
pola formación de lesións petequiais na pel. / H. puntiforme
Hemorraxias capilares que se manifestan como
pequenos puntos hemorráxicos no interior dos tecidos. /
H. venosa Escape de sangue procedente dunha vea.
hemorroide s.f. Dilatación varicosa das veas pertencentes
ós plexos hemorroidais superior ou inferior. Popularmente
denomínanse almorrás. // H. externa Dilatacións
varicosas do plexo hemorroidal inferior ou externo,
localizado no tercio inferior da canle anal e no bordo do
ano, estando recubertas de pel. / H. interna Dilatacións
varicosas das veas pertencentes ó plexo hemorroidal
superior, localizadas nos dous tercios superiores da canle
anal.
hemorroidectomía s.f. Extirpación cirúrxica dunha
hemorroide.
hemosiderina s.f. Forma de depósito do ferro orgánico,
procedente do catabolismo lisosómico da ferritina. Está
composta por unha mestura inespecífica de proteínas
parcialmente degradadas, lípidos e o propio ferro. O ferro
localizado na hemosiderina practicamente non participa
no metabolismo celular, xa que a liberación do devandito
metal desta forma de depósito ocorre de xeito lento,
incontrolado e sen relación precisa coas necesidades do
organismo.
hemosiderinuria s.f. Presencia de hemosiderina na
urina.
hemosiderose s.f. Aumento focal ou xeral das reservas
férricas dos tecidos pero sen causar dano tisular. // H.
pulmonar Aumento anormal do depósito de hemosiderina
no pulmón, procedente dunha hemorraxia no tecido
intersticial pulmonar.
hemospermia s.f. V. hematospermia.
hemosporidios s.m.pl. Denominación dos esporozoos
pertencentes á suborde dos hemosporidios. Son
elementos parasitarios das células do sangue dos vertebrados.
Entre eles atópanse os xéneros Plasmodium e
Babesia.
hemosporidiose s.f. Infección producida por hemosporidios.
hemostase s.f. 1. Proceso de detención dunha hemorraxia.
2. Proceso fisiolóxico polo que se produce a
detención dun fluxo hemorráxico.
hemostásico -a adx. Que produce hemostase.
hemostato s.m. Aparello utilizado para deter unha hemorraxia.
hemotacómetro s.m. Aparello utilizado para medi-la
velocidade da corrente sanguínea.
hemoteca s.f. Banco de sangue.
hemoterapia s.f. V. hematoterapia.
hemotímpano s.m. V. hematotímpano.
hemotipo s.m. Cada un dos grupos xenotípicos do
sangue.
hemotórax s.m. Presencia dun derramo de sangue
nalgunha estructura torácica, principalmente da cavidade
pleural. Tamén se di hematotórax, hemopleura.
hemotóxico -a adx. V. hematotóxico.
hemotoxina s.f. V. hematotoxina.
hemotrofia s.f. Proceso da nutrición mediante o sangue,
como sucede co embrión.
hemotrópico -a adx. Que ten afinidade polo sangue.