1 - principio.qxd

721 sistema
siringoplastia s.f. Oclusión cirúrxica de fístulas ou
traxectos fistulosos.
siringoscopia s.f. Endoscopia dos órganos tubulares.
siringosistrofia s.f. Torsión dun tubo ou trompa, especialmente
a da trompa de Falopio.
siringotomía s.f. Incisión dunha fístula, en particular a
dunha fístula anal.
siringótomo s.m. Bisturí empregado antigamente na
operación de fístulas anais.
sirinxectomía s.f. Escisión das paredes dunha fístula.
sirinxite s.f. Inflamación dun tubo ou trompa, especialmente
a de Eustaquio.
siruposo-a adx. Que ten a consistencia dun xarope.
sirupus s.m. (lat.) Xarope.
sisarcose s.f. Unión de ósos por medio de músculos,
como por exemplo a conexión que existe entre o óso
hioide e o maxilar inferior ou entre a escápula e a parede
lateral do tórax.
sismoterapia s.f. Tratamento de enfermidades por medio
de vibracións mecánicas.
sisomía s.f. Monstruosidade fetal que consiste nun feto
con dúas cabezas e cos corpos unidos.
sistáltico-a adx. Que se contrae e se expansiona alternativamente.
sistase s.f. 1. Asociación de varias afeccións. 2. Afección
común de varias facultades sensoriais.
sistema s.m. 1. En medicina, conxunto de estructuras ou
de órganos compostos dun mesmo tecido e dotados de
funcións semellantes, que colaboran na execución
dalgunha acción determinada: sistema óseo, sistema
muscular, etc. 2. Doutrina ou método de práctica. 3.
Organismo no seu conxunto. // S. absorbente Sistema
linfático. / S. adiposo Conxunto dos tecidos adiposos do
organismo. / S. adrenal Conxunto de partes ou órganos
formados por células cromafíns: cápsulas suprarrenais,
corpos carotídeos, etc. / S. amortecedor Sistema dotado
de capacidades de amortece-las variacións de hidroxenións,
causadas pola adición de ácidos ou de bases, e de
manter un PH estable. Entre os sistemas amortecedores
de tipo inorgánico destaca o sistema bicarbonato sódico-
-ácido carbónico (ácido débil) e do fosfato. Tamén se di
buffer, tampón, etc. / S. APUD Siglas do inglés Amine
Precursor Uptake and Decarboxylation (que capta e
descarboxila os precursores de aminas) Está formado por
células neuroendócrinas, que emigran da crista neural
durante o desenvolvemento e colonizan órganos derivados
do tubo dixestivo primitivo. / S. arterial Conxunto
de vasos arteriais do organismo. / S. capilar 1. Conxunto
de vasos sanguíneos capilares. 2. Sistema piloso. / S.
ceguesimal Sistema físico de unidades de medida que
emprega como unidades fundamentais o centímetro, o
gramo e o segundo. / S. celular Conxunto de tecidos
celulares do corpo. / S. cerebrospinal Sistema nervioso
central. / S. cinético Sistema de órganos por medio dos
cales a enerxía latente se converte en calor e movemento,
entre os que se atopan o cerebro, o fígado, o páncreas, a
tiroide e as cápsulas suprarrenais. / S. circulatorio
Sistema vascular. / S. cranio-sacro Sistema nervioso
parasimpático. / S. cromafín Sistema adrenal. / S.
cutáneo Sistema formado pola pel e os anexos (glándulas,
uñas, etc.). / S. de asociación Grupo de fibras
nerviosas a nivel do cerebro, mediante as cales se asocian
os estímulos sensoriais. / S. de proxección Serie de
fibras nerviosas no encéfalo que parten dos pedúnculos
do cerebro. / S. dentario Conxunto dos dentes. / S.
dérmico Sistema cutáneo. / S. dixestivo ou alimentario
Sistema formado polo tubo gastrointestinal coas glándulas
anexas, linfáticas, quilíferas, etc. / S. dosimétrico
Dosimetría. / S. endócrino Conxunto de glándulas que
elaboran secrecións internas. / S. endotelial Sistema reticuloendotelial.
/ S. exócrino Conxunto de glándulas que
elaboran secrecións externas. / S. exteroceptivo Sistema
receptor dos estímulos da superficie do corpo. / S. extrapiramidal
Sistema de estructuras de función fundamentalmente
eferente con interconexións e vías de proxección,
distintas do sistema piramidal. Está formado por un
conxunto de núcleos grises localizados na rexión subcortical
e subtalámica. Na rexión subcortical localízase o
corpo estriado e o pálido. As formacións subtalámicas
inclúen o núcleo vermello, o corpo de Luys, o locus niger
e o núcleo de Deiters. Todas estas formacións grises
reciben proxeccións do córtex cerebral. Funcionalmente
o caudado e a putame do lenticular forman o corpo
estriado, mentres que zonas internas do lenticular forman
o pálido. A función principal do sistema extrapiramidal é
a regulación do ton muscular e dos movementos involuntarios
e automáticos. / S. glandular Conxunto das estructuras
glandulares do organismo considerados globalmente.
/ S. haversiano Sistema de canículas en conexión
cun conducto de Havers. / S. hematopoético Conxunto
de órganos formadores de sangue: medula ósea e tecido
linfático. / S. intermediario Tecido óseo dos espacios
entre o sistema de Havers. / S. leucoblástico Conxunto
de tecidos dos cales se orixinan os glóbulos brancos,
subdividido en: sistema mieloide, xerador dos granulocitos
e sistema linfadenoide, xerador de linfocitos. / S.
linfático Conxunto dos vasos, ganglios e espacios linfáticos
e quilíferos. / S. macrófago Sistema reticuloendotelial.
/ S. muscular Conxunto de tódolos músculos do
corpo. / S. nervioso Conxunto formado por nervios,
centros, tecidos e ganglios nerviosos. / S. nervioso autónomo
ou vexetativo Parte do sistema nervioso independente
do central que inclúe o sistema nervioso parasimpático
ou cranio-sacro e o sistema nervioso simpático. /
S. nervioso central e periférico Sistema que inclúe
encéfalo, medula, nervios craniais e espiñais cos seus
ganglios. / S. nervioso involuntario Sistema nervioso
autónomo. / S. nervioso parasimpático Porción do
sistema autónomo constituída por fibras preganglionares
orixinadas no mesencéfalo, xunto co nervio oculomotor,
facial, glosofarínxeo e vago, e pola porción sacra da
medula espiñal. / S. nervioso simpático Sistema consti-