1 - principio.qxd

flebógrafo 324
inxección dun contraste radiopaco. 2. Rexistro gráfico do
pulso venoso mediante un flebógrafo.
flebógrafo s.m. Aparello utilizado para rexistra-lo pulso
venoso.
flebograma s.m. Trazado do pulso venoso realizado cun
flebógrafo.
flebolitíase s.f. Estado caracterizado pola presencia de
cálculos no interior das veas.
flebólito s.m. Concreción calcaria no interior dunha vea.
Son case sempre consecuencia dunha flebite.
flebomanómetro s.m. Aparello destinado á medición da
presión sanguínea venosa.
flebomiomatose s.f. Desenvolvemento esaxerado ou
neoformación de fibras musculares nas paredes das veas.
flebopatía s.f. Calquera doenza que afecte ás veas.
fleboplastia s.f. Reparación plástica dunha vea.
fleborrafia s.f. Sutura dunha vea.
fleborraxia s.f. Hemorraxia procedente dunha vea.
fleborrexe s.f. Rotura dunha vea.
flebosclerose s.f. Endurecemento dunha vea.
flebostase s.f. 1. Retardo da circulación sanguínea nas
veas. 2. Supresión temporal dunha porción do sangue da
circulación xeral mediante a compresión das veas dun
membro.
flebotomía s.f. Incisión dunha vea.
flebótomo s.m. Lanceta utilizada para realizar sangrías.
flebotrombose s.f. Trombose venosa.
flebóxeno -a adx. Que se orixina dentro das veas, especialmente
os anxiomas que se orixinan nos vasa vasorum
das veas.
fledonía s.f. Delirio de grandeza presente nalgunhas
enfermidades mentais.
flegma s.f. 1. Un dos catro humores da medicina antiga. 2.
Mucosidade procedente das vías respiratorias, especialmente
do nariz e da gorxa. 3. Apatía, calma, pachorra.
flegmagogo -a adx. 1. Que favorece a evacuación das
flegmas. // s.m. 2. Axente que posúe esta acción.
flegmasía s.f. Inflamación. // F. alba dolens Forma de
flebite obliterante, que afecta xeralmente á vea femoral e
que aparece nalgunhas ocasións despois do parto ou en
enfermos encamados moito tempo. Caracterízase por un
edema branco doloroso no membro afectado. / F. cerulea
dolens Variedade de flegmasía alba dolens que presenta
unha cor azulada debida a unha complicación nas veas
superficiais.
flegmón s.m. Inflamación difusa do tecido conxuntivo. //
F. circunscrito O que se caracteriza por ter unha extensión
ben delimitada e unha evolución xeralmente
benigna. / F. de Dupuytren Supuración flegmonosa localizada
na rexión anterolateral do pescozo. / F. difuso
Inflamación aguda e extensa do tecido celular, con evolución
progresiva, tendencia á necrose e síntomas xerais
graves. / F. enfisematoso Flegmón difuso no que
ademais hai presencia de gases.
flegmorraxia s.f. Secreción de abundantes mucosidades.
flexibilidade s.f. Calidade de flexible. // F. cérea Estado
catatónico e cataléptico no que os membros manteñen a
posición na que se colocan, opoñendo unha resistencia
que semella a da cera ó movelos.
flexible adx. Que se pode dobrar con facilidade sen partir.
flexímetro s.m. Aparello para medi-lo grao de flexibilidade
das articulacións.
flexión s.f. 1. Acción ou efecto de dobrar ou dobrarse. 2.
Acción de dobrar unha extremidade ou parte do corpo
articulada. // F. do útero Desprazamento do corpo do
útero sobre o colo do mesmo cara a adiante, sendo esta
posición normal (anteflexión), cara atrás (retroflexión),
ou lateralmente (lateroflexión).
flexor -a adx. 1. Que produce flexión, aplicado ós
músculos que ó contraer producen a flexión dunha extremidade
ou de parte da mesma. // s.m. 2. Músculo que
produce flexión.
flexura s.f. Porción curva dunha estructura ou órgano;
curva ou pregadura anatómicas. // F. do cóbado Liña
anterior onde se efectúa a flexión do antebrazo. / F.
duodenoxexunal Curvatura intestinal localizada na
unión do duodeno co xexuno. / F. esplénica Curva do
colon localizada na unión das súas porcións transversal e
descendente. / F. hepática Curva do colon localizada na
unión das súas porcións ascendente e transversal. / F.
sigmoide Porción curva do colon anterior ó recto, que
posúe forma de sigma.
flictena s.f. Lesión da pel consistente nunha ampola ou
vincha formada pola elevación da epiderme e chea de
soro, que se produce nas queimaduras.
flicténula s.f. Flictena de pequeno tamaño ou nódulo
ulcerado localizado na córnea ou na conxuntiva.
flictenular adx. Asociado á formación de flicténulas ou
semellante a elas.
floculación s.f. Precipitación dos coloides dunha solución
formando partículas a xeito de folerpas en lugar de precipitar
coma unha masa coagulada.
flora s.f. 1. Conxunto das plantas dunha área ou rexión
determinada. 2. Conxunto das bacterias e microorganismos
habituais ou saprófitos dun órgano ou parte.
flotante adx. Que non permanecen fixado a unha parte,
referido a algunhas estructuras anatómicas. // Costelas f.
Par último de costelas de cada lado do corpo, que non se
unen coma as demais ó óso esterno.
floxuridina s.f. Antineoplásico utilizado por vía intraarterial
no tratamento das metástases hepáticas nas neoplasias
gastrointestinais.