1 - principio.qxd

487 monte
monomiosite s.f. Inflamación muscular aguda ou crónica
que afecta a un só músculo.
mononéfrico -a adx. Que posúe un só ril.
mononeurite s.f. Inflamación dun só nervio. // M.
múltiple Inflamación simultánea de varios nervios
distantes entre si.
monónfalo s.m. Monstro fetal dobre unido por un único
embigo.
mononuclear adx. Que posúe un só núcleo, aplicado ós
organismos celulares e especialmente ós leucocitos que
posúen un núcleo non segmentado.
mononucleose s.f. Presencia dunha cifra anormalmente
aumentada de leucocitos mononucleares no sangue. // M.
infecciosa Enfermidade producida polo virus de Epstein-
-Barr, caracterizada clinicamente por febre, farinxite
membranosa, hipertrofia dos ganglios linfáticos e do
bazo e proliferación e presencia de linfocitos atípicos.
Pódese complicar cunha hepatite e cunha encefalomeninxite.
Afecta esencialmente a individuos novos, transmitíndose
a través de pingas de cuspe e posiblemente por
outras vías. Presenta reaccións serolóxicas típicas, cun
título elevado de aglutininas antihemacias de carneiro
(reacción de Paul-Bunell) e resposta de anticorpos heterófilos
transitoria. / M. por citomegalovirus Enfermidade
producida por citomegalovirus, semellante á mononucleose
infecciosa, pero con anticorpos heterófilos
negativos e sen farinxite nin adenopatía cervical. Pode
aparecer de xeito espontáneo ou como consecuencia de
transfusións múltiples de sangue.
monoparesia s.f. Debilidade que afecta a un só membro
ou parte.
monoparestesia s.f. Alteración da sensibilidade que
afecta a un só membro ou parte.
monopatía s.f. Enfermidade que afecta a un só órgano ou
parte.
monopenia s.f. V. monocitopenia.
monoplexía s.f. Parálise que afecta a un só membro ou a
un só grupo muscular.
monopodia s.f. Ausencia conxénita dun pé.
monopolar adx. Que posúe un só polo.
monopsia s.f. V. monoftalmía.
monopsicose s.f. V. monomanía.
monorquidia s.f. Presencia dun só testículo no escroto.
monorrinia s.f. Doenza que afecta a unha soa fosa nasal.
monosacárido s.m. Hidrato de carbono simple, que non
se pode descompoñer mediante hidrólise noutros máis
sinxelos.
monosexual adx. Que posúe as características propias
dun só sexo.
monosifílide s.f. Lesión cutánea única producida por
unha infección sifilítica.
monosintomático -a adx. Caracterizado pola presencia
dun só síntoma.
monosomía s.f. Calidade de monosómico.
monosómico -a adx. Que presenta a deficiencia dun
cromosoma nun par homólogo, aplicado a un individuo
ou célula.
monospasmo s.m. Contracción involuntaria e persistente
muscular que afecta a unha soa parte, grupo muscular ou
membro.
Monosporium Xénero de fungos imperfectos entre os
que se atopan algúns dos productores dos micetomas.
monosquelia s.f. Ausencia conxénita dunha perna.
Monostoma Xénero de vermes trematodos, entre os que
se atopa a especie M. lentis, productora dalgunhas infestacións
do cristalino.
monostomidose s.f. Infestación con vermes do xénero
Monostoma.
monostratificado -a adx. Que está disposto nunha soa
capa ou estrato celular.
monotermia s.f. Temperatura uniforme durante unha
enfermidade febril.
monotocia s.f. Parto simple, dun só feto.
monotrópico -a adx. Que afecta a ou se localiza unicamente
nunha parte ou elemento.
monovalente adx. 1. Dos elementos químicos que teñen
unha valencia de un. 2. Específico para un antíxeno ou
organismo único, aplicado a antisoros, vacinas ou antitoxinas.
monovárico -a adx. Relativo ou que pertence a un só
ovario ou que posúe un só ovario.
monoxerminal adx. Desenvolvido a partir dun só óvulo,
especialmente os xemelgos que comparten un saco corial
único.
monstro s.m. Individuo que posúe uns caracteres moi
diferentes, completamente anormais e disfuncionais para
o resto dos individuos da súa especie. // M. autosito
Aquel capaz de levar unha vida independente. / M. endocímico
Monstro parasito retido que constitúe a base dun
tumor dermoide. / M. parasito Aquel ligado a un autosito,
incapaz de levar unha vida independente. / M. teratocéfalo
Monstro autosito caracterizado polas anomalías
cefálicas. / M. teratomélico Monstro autosito caracterizado
polas anomalías das extremidades. / M. teratosómico
Monstro autosito caracterizado polas anomalías
tronculares.
monstruosidade s.f. Deformidade conxénita insólita e
grave que lle confire ó individuo que a padece o carácter
de monstro.
monte s.m. Protuberancia ou saínte anatómico. // M. de
Venus Prominencia celuloadiposa localizada na parte
anterior da pube feminina, encima da vulva.