1 - principio.qxd

anquil-, anquilo- 40
anquil-, anquilo- Prefixo que significa adherencia,
soldadura, asa, ángulo.
anquilenteria s.f. Adherencia accidental dos intestinos.
anquilobléfaron s.m. Adherencia entre si dos bordos
ciliares das pálpebras. Tamén se di simbléfaron.
anquilocia s.f. Anquilotia.
anquilocolpo s.m. Atresia ou imperforación da vaxina.
anquilocoria s.f. Inmobilidade pupilar por sinequias.
anquilodactilia s.f. Adherencia entre si dos dedos da
man ou do pé. Tamén se di sindactilia.
anquilodere s.m. Cabaleiro. Cabalo.
anquilodoncia s.f. Soldadura dos dentes.
anquilofobia s.f. Temor patolóxico á anquilose nos casos
de fractura ou enfermidade dunha articulación.
anquiloglosia s.f. Curtidade do freo da lingua, que dificulta
os movementos desta.
anquilomela s.f. Sonda curva.
anquilómelo s.m. Monstro fetal que ten as pernas adheridas.
anquilomerismo s.m. Adherencia anormal dunha parte
calquera.
anquílope s.m. Anquílops.
anquilopodia s.f. Anquilose do nocello.
anquilopoético-a adx. Caracterizado por anquilose ou
que a produce.
anquiloproctia s.f. Estreiteza ou estenose cicatricial do
ano.
anquílops s.m. Tumoración preto do ángulo palpebral
interno debida á éctase do dacriocisto. Tamén se di
anquílope.
anquiloquilia s.f. Adherencia dos labios entre si.
anquilorrinia s.f. Adherencia da ala do nariz ó tabique.
anquilose s.f. Limitación dos movementos ou inmobilidade
dunha articulación móbil por enfermidade, lesión
ou procedementos cirúrxicos. // A. artificial. Fixación
cirúrxica dunha articulación. Artrodese. / A. fibrosa.
Mobilidade diminuída dunha articulación por crecemento
de tecido fibroso. Tamén se di anquilose falsa, anquilose
espuria e anquilose extracapsular. / A. intracapsular.
Anquilose debida a adherencias fibrosas na superficie
dunha articulación. / A. muscular. A debida a contracción
muscular. / A. ósea ou verdadeira. Unión anormal
dos ósos dunha articulación. Tamén se di sinostose.
anquilostoma s.m. Parasito nematodo do xénero Ancylostoma.
anquilostomíase s.f. Enfermidade causada pola
presencia no intestino de anquilostomas que cursa con
anemia, debido ás continuas pequenas hemorraxias que
nas paredes do intestino provocan os parasitos e os
velenos hemolíticos que segregan, e con trastornos dixestivos.
Tamén se di anquilostomose.
anquilostomose s.f. Anquilostomíase.
anquilotia s.f. Oclusión do orificio auditivo externo.
Tamén se di anquilocia.
anquilotomía s.f. Sección do freo da lingua para corrixir
unha anquiloglosia.
anquilótomo s.m. 1. Instrumento para anquilotomía,
anquiloglosótomo. 2. Calquera coitelo curvo.
anquilouretria s.f. Estenose cicatricial ou estreiteza da
uretra.
ansia s.f. 1. Aflicción, angustia, congoxa, desgusto que
causa grande inquietude. 2. Náusea, esforzos angustiosos
para vomitar.
ansiar v. 1. Causar ansia ou ansiedade a alguén. 2.
Oprimir, angustiar. 3. Ter ou padecer ansias. 4. Respirar
con dificultade e ruidosamente. 5. Angustiarse,
agoniarse.
ansiedade s.f. 1. Temor dun suxeito ante un perigo real ou
imaxinario acompañado de cambios fisiolóxicos (taquicardia,
suoración, tremor, etc.). 2. Axitación, angustia,
inquietude de ánimo. 3. Estado patolóxico de axitación e
inquietude que acompaña moitas doenzas con opresión
na rexión precordial.
ansiolítico-a adx. 1. Que diminúe ou calma a ansiedade.
// s.m. 2. Fármaco que ten esta propiedade.
ant- Prefixo que significa oposición ou contrariedade.
antafrodisíaco-a adx. Anafrodisíaco.
antagonismo s.m. Oposición ou contrariedade entre
cousas semellantes, por exemplo, entre músculos, medicamentos
ou organismos. Incompatibilidade.
antagonista adx. 1. Relativo ós músculos que nunha
mesma rexión anatómica actúan en sentido contrario,
como os flexores e extensores, ou ós nervios que animan
funcións contrarias nun mesmo órgano, como o sistema
simpático e parasimpático. 2. Relativo ás substancias ou
fármacos de acción contraria que tenden a neutralizarse
nos seus efectos. 3. Relativo ó dente que se articula co
seu oposto do outro maxilar.
antálxico-a adx. Que alivia a dor, anódino. Tamén se di
analxésico.
ante- Forma prefixa que significa prioridade en tempo ou
espacio.
ante mortem (lat.) Antes da morte.
ante partum (lat.) Antes do parto.
anteboca s.f. Parte anterior da boca.
antebrazo s.m. Segmento do membro superior entre o
pulso e o cóbado.
antecedente adx. 1. Anterior. // s.m. 2. Dato, circunstancia,
persoal ou familiar, que interesa rexistrar na