1 - principio.qxd

43 antiescrofuloso-a
anticolibacilar adx. Útil contra o colibacilo e as infeccións
que produce.
anticolinérxico-a adx. Axente que bloquea o paso dos
impulsos a través dos nervios parasimpáticos, parasimpaticolítico,
antiadrenéxico.
anticolinesterase s.f. Fármaco que impide a hidrólise da
acetilcolina pola acetilcolinesterase e desta maneira
permite que se acumulen concentracións altas de acetilcolina
nos sitios reactivos. Inhibidor da acetilcolinesterase.
anticomplemento s.m. Substancia que resiste ou contrarresta
un complemento.
anticoncepcional adx. 1. Oposto á concepción. // s.m. 2.
Medio, práctica ou axente que impide a fecundación,
contraceptivo.
anticonceptivo-a adx. e s.m. Que impide a fecundación.
anticontaxioso-a adx. Que evita o contaxio.
anticonvulsivo-a adx. e s.m. Que combate as convulsións.
anticorpo s.m. Molécula de inmunoglobulina que ten
unha cadea específica de aminoácidos, pola que reacciona
só co antíxeno que orixinou a súa síntese nas
células da serie linfoide ou cun antíxeno relacionado.
Segundo o mecanismo de acción os anticorpos clasifícanse
como aglutininas, bacteriolisinas, hemolisinas,
opsoninas, precipitinas, etc. Algúns, ó unirse co antíxeno,
desencadean a reacción do complemento (fixación do
complemento). In vivo, a reacción antíxeno-anticorpo
confire protección fronte a enfermidades infecciosas,
pero ás veces produce perigosas reaccións de hipersensibilidade.
// A. antinuclear. Dirixido contra estructuras
do núcleo. / A. circulante. Anticorpo presente no plasma
sanguíneo. / A. citófilo. Anticorpo capaz de fixarse na
membrana celular dotando desa maneira a célula de actividade
contra o antíxeno. / A. frío. O que é máis activo a
20 ou 4 ºC. / A. hístico. Dirixido contra estructuras das
propias células do organismo (antimitocondriais, antimúsculo
liso) en certas enfermidades de natureza autoinmune.
/ A. incompleto. Anticorpo que se fixa á superficie
das bacterias ou das hemacias sen produci-la súa aglutinación.
/ A. quente. O que é máis activo a 37 ºC.
anti-D s.m. Anticorpo que reacciona contra o antíxeno D
principal dos grupos sanguíneos Rh.
antidepresivo-a adx. 1. Que actúa contra a depresión. //
s.m. 2. Axente que estimula o estado de ánimo dun
paciente deprimido. // A. tricíclicos. Fármacos empregados
no tratamento da depresión endóxena ou psicótica
que teñen na súa estructura un anel tricíclico, entre os que
se inclúen imipramina, anitriptilina, nortriptilina, protriptilina,
desipramina e doxepina.
antidiarreico-a adx. Que combate a diarrea.
antidiastase s.f. Substancia formada no soro sanguíneo
pola inxección dunha diastase e que se opón á acción
desta.
antidiftérico-a adx. Que prevén ou cura a difteria.
antidifusor s.m. Dispositivo empregado en radioloxía
para elimina-las radiacións secundarias.
antidinámico-a adx. Que reduce a forza.
antidínico-a adx. Que prevén a vertixe.
antidipsia s.f. Intolerancia á inxestión de líquidos.
antidisentérico-a adx. e s.m. Que cura ou prevén a
disentería.
antidiurese s.f. Supresión da segregación urinaria.
antidiurético-a adx. e s.m. Que inhibe a producción de
urina.
antidiuretina s.f. Vasopresina.
antidotal adx. Que se emprega como antídoto.
antidotario s.m. 1. Formulario de receitas. 2. Lugar
destinado para os contravelenos e antídotos.
antídoto s.m. Axente que produce no organismo efectos
sistémicos contrarios ós dunha toxina ou dun veleno.
Tamén se di antifármaco e contraveleno. // A. fisiolóxico.
O que contrarresta os efectos dun veleno ó producir
efectos contrarios. / A. mecánico. O que impide a absorción
do veleno. / A. químico. O que reacciona co veleno
modificando a súa natureza química.
antidrómico-a adx. Relacionado coa propagación dos
impulsos nunha dirección oposta á normal ó longo dun
eixe.
antieccemático-a adx. e s.m. Que se emprega contra o
eccema.
antiemético-a adx. e s.m. Que detén ou prevén as
náuseas e o vómito.
antiendotoxina s.f. Anticorpo que inhibe a actividade
das endotoxinas das bacterias.
antienzima s.m. Axente que retarda, inbibe ou destrúe a
actividade dun enzima, que se forma no soro sanguíneo
dun animal inducido pola administración repetida dun
enzima.
antiepiléptico-a adx. e s.m. Remedio contra a epilepsia.
antiepitelial adx. Que destrúe as células epiteliais.
antierótico-a adx. Anafrodisíaco.
antiérxico-a adx. Antagonista, antérxico.
antiescabiético-a adx. Eficaz contra a sarna.
antiescabioso-a adx. Eficaz contra a sarna.
antiesclerótico-a adx. Que prevén ou remedia a esclerose.
antiescorbútico-a adx. Eficaz para aliviar ou impedi-lo
escorbuto.
antiescrofuloso-a adx. e s.m. Que combate o escrofulismo.