1 - principio.qxd

víscera 830
víscera s.f. Órgano contido nunha cavidade, especialmente
na abdominal. / V. torácica Órgano situado dentro
do tórax.
visceralismo s.m. Teoría segundo a cal as vísceras constituirían
a principal localización das enfermidades.
visceralxia s.f. Dor nunha víscera.
visceroinhibitorio-a adx. Que inhibe as funcións esenciais
dunha víscera.
visceromotor-a adx. Que conduce impulsos motores a
unha víscera.
visceroptose s.f. Esplacnoptose.
viscerosensorial adx. Relativo ou pertencente á sensación
nas vísceras.
viscerosomático-a adx. Relativo ás vísceras e ó corpo.
viscerosquelético-a adx. Relativo ó esqueleto visceral.
viscerotonía s.f. 1. Ton visceral. 2. Tipo de personalidade
caracterizada pola tendencia á sociabilidade, comodidade
e relaxación postural, segundo a teoría de Sheldon, relacionada
coa endomorfia.
viscerotrófico-a adx. Relativo ás vísceras e á nutrición.
viscerotrópico-a adx. Que ten maior afinidade polas
vísceras.
viscosidade s.f. Resistencia dun líquido ou dunha substancia
ós cambios de forma, debida á atracción entre as
súas moléculas.
viscosimetría s.f. Medición e estudio da viscosidade
dunha substancia, especialmente do sangue.
viscoso-a adx. Que ten viscosidade, pegañento.
viscus s.m. (lat.) Víscera.
visibilidade s.f. Calidade de visible.
visibilizar v. Facer visible un obxecto que non se pode
percibir a simple vista, coa axuda de medios como o
microscopio, raios X, etc.
visible adx. Perceptible polo sentido da vista.
visión s.f. 1. Facultade de ver. 2. Agudeza visual. 3. Alucinación
visual. A visión realízase no córtex cerebral trala
excitación dos fotorreceptores da retina e o paso do
impulso nervioso polas neuronas e o nervio óptico ata o
cerebro. O estímulo desencadeante é a luz. Os raios luminosos
chegan ó ollo, onde se reúnen gracias ós medios de
refracción do globo ocular e forman unha imaxe na
retina, onde os pigmentos dos fotorreceptores (conos e
bastóns) se transforman e orixinan o estímulo nervioso
que se transmite polo nervio óptico ó córtex cerebral. //
V. acromática A que se caracteriza pola perda completa
das sensacións de cor. / V. binocular Visión normal dos
dous ollos conxuntamente. / V. central A limitada ós estímulos
da mácula lútea. / V. cromática Cromatopsia. / V.
de Pick Aquela na que os obxectos perden a súa aliñación
normal e converxen ou diverxen entre eles, que se
observa nas lesións da ponte de Varolio e do fascículo
lonxitudinal posterior. / V. dobre Diplopsia. / V. entópica
A que producen certos fenómenos ocorridos dentro do
propio ollo. / V. escotópica Visión cando o ollo se adapta
á escuridade ou a niveis baixos de luz. / V. escura
Presencia de escotomas no campo visual con coñecemento
do enfermo. / V. estereoscópica Percepción da
profundidade ou do relevo dos obxectos. / V. facial
Facultade de aprecia-la distancia, dirección, etc., dalgúns
obxectos, debida á sensibilidade da pel da cara. / V. fotópica
Visión cando o ollo se adapta á luz. / V. haploscópica
Visión estereoscópica. / V. iridescente Percepción
dunha auréola iridescente arredor dunha fonte de luz. / V.
múltiple Poliopía. / V. nula Presencia de escotomas no
campo visual, sen coñecemento do enfermo. / V. periférica
A efectuada pola porción periférica da retina, fóra da
mácula lútea. / V. pseudoscópica Aquela na que os
obxectos parecen ocos.
vista s.f. Un dos cinco sentidos, polo que percibímo-la luz,
a cor e a forma dos obxectos. // V. oblicua Estrabismo. /
V. cansada Presbiopía. / V. curta Miopía. / V. dobre
Diplopía. / V. longa Hipermetropía. / V. nocturna Nictalopía.
visual adx. 1. Relativo ou pertencente á vista ou á visión.
2. Relativo á persoa na que predomina o sentido da vista
sobre os outros na aprendizaxe e na memoria.
visualización s.f. Acción e efecto de visualizar.
visualizar v. 1. Representar mediante imaxes visibles
fenómenos non visuais. 2. Representar de xeito imaxinario
feitos ou obxectos na mente.
visuauditivo-a adx. Relativo ou pertencente á vista e ó
oído, ou que é visual e auditivo a un mesmo tempo.
visuopsíquico-a adx. Relativo á visión e á mente, sobre
todo a zona do córtex cerebral relacionada coa percepción
visual.
visuosensorial adx. Relativo á percepción de sensacións
visuais.
visus s.m. (lat.) Visión, vista.
vita s.f. (lat.) Vida. // V. minima Debilitamento xeral das
funcións vitais. / V. sexualis Vida sexual.
vital adx. 1. Relativo ou pertencente á vida. 2. De moita
importancia.
vitalidade s.f. Vida, modo de vida. // Índice de v. Relación
entre o perímetro torácico multiplicado por 100 e a
estatura en centímetros.
vitalio s.m. Aliaxe de cobalto, cromo e tungsteno, non
corrosiva nin electrolítica, empregada en odontoloxía e
en cirurxía ósea e vascular, para próteses.
vitalismo s.m. Teoría vixente na época ilustrada, segundo
a cal a evolución veríase favorecida nunha dirección
determinada por unha forza vital presente só nos seres
vivos.
vitalista adx. Partidario do vitalismo.