1 - principio.qxd

síndrome 716
ñada de insuficiencia suprarrenal aguda, case sempre
bilateral. Adoita comezar bruscamente con febre,
colapso, manchas purpúricas na pel e mucosas, equimose
subcutánea e coma. / S. de Weber Síndrome causada por
lesión do pedúnculo cerebral, caracterizada por parálise
do nervio motor ocular común do lado da lesión e hemiplexía
contralateral. / S. de Wegener Inflamación
vásculo-nerviosa da mucosa respiratoria e do pulmón con
periarterite nodosa diseminada que lle afecta ó ril,
causando insuficiencia renal. Asociada a cadros de
artrite, neurite, cardite, etc. Xeralmente é unha enfermidade
progresiva e de curso evolutivo fatal. Tamén se di
granulomatose de Wegener. / S. de Weill Hemihiperestesia
neuromuscular no lado homólogo das lesións, que
se observa ás veces na tuberculose pulmonar. / S. de
Weill-Marchesani Síndrome de Marchesani. / S. de
Weisenburg Neuralxia do glosofarínxeo e do trixémino
secundaria a tumores do ángulo pontocerebeloso. / S. de
Werdnig-Hoffmann V. enfermidade de Werdnig-Hoffmann.
/ S. de Werner Síndrome pluriglandular de Rothmund
no adulto, frecuentemente con proxeria, esclerodermia
e catarata. / S. de Wernicke Síndrome
caracterizada por producir unha dexeneración das estructuras
grises situadas xunto ó acueducto de Silvio no
mesencéfalo, estendéndose cara ó diencéfalo. Clinicamente
produce nistagmo, oftalmoplexías e trastornos da
conciencia. Pode asociarse a unha síndrome de Korsakov.
A súa orixe habitualmente é o alcoholismo e a desnutrición,
por unha deficiencia de Tiamina. Tamén se di presbiofrenia.
/ S. de West Encefalopatía mioclónica infantil
con hipsarritmia, de causa descoñecida que se inicia entre
os 3-6 meses de idade de modo espontáneo ou como
complicación dunha enfermidade cerebral. Caracterízase
por crises epilépticas de tipo tónico, atraso psicomotor e
hipsarritmia. / S. de Westphal-Piltz Reacción pupilar
neurótica, ou sexa, contracción pupilar polo cerre palpebral.
/ S. de Wheler Quiste diverticular na parte inferior
do colédoco. / S. de White Síndrome caracterizada por
trastornos circulatorios con edema que aparece no pé que
estivo moito tempo somerxido na auga (náufragos).
Tamén se di pé de inmersión. / S. de White-Warren-
-Lecomte Síndrome da membrana hialina do neonato. /
S. de Widal Icteroanemia. / S.de Wilkins Síndrome
suprarrenoxenital caracterizada por pseudohermafroditismo
en mulleres e macroxenitosomía nos nenos. / S. de
William-Joly-Richtie Arritmia auricular. / S. de
Williams Hipercalcemia idiopática infantil asociada con
estenose aórtica supravalvular. / S. de Wolff-Parkinson-
-White Síndrome caracterizada por crises de taquicardia
paroxística acompañada de modificación do ECG
(aparece un intervalo P-R curto e un complexo e prolongado
QRS), que se observa en persoas novas. Débese a
que, ademais do fascículo de His, existen unha ou varias
pontes musculares accesorias para a transmisión dos
impulsos das aurículas ós ventrículos. / S. de Wright
S.índrome caracterizada por trastornos neurovasculares
que producen parestesias, cargación, dores e tumefacción
das mans, e ás veces gangrena das extremidades dos
dedos. Débense á hiperabducción prolongada dun ou dos
dous brazos. / S. de Wunderlich Hematoma perirrenal
espontáneo que se manifesta por dor violenta e brusca na
rexión renal. É signo de hemorraxia interna e tumoración
retroperitoneal. / S. de Young Síndrome causada por
unha hiperfunción da hormona somatotrópica que se
caracteriza por aumento de peso durante o embarazo,
neonato con máis de 4 kg. e hiperlactación. Pode
aparecer ademais na menopausa e nas persoas con
diabete mellitus. / S. de Ziemssen Parálise periférica dos
nervios recorrentes larínxeos que se manifesta pola inmobilización
das cordas vocais, que permanecen abertas,
pero o paciente pode falar. / S. de Zieve Asociación de
hepatopatía, hiperlipemia e anemia hemolítica en persoas
alcohólicas. / S. de Zollinger-Ellison Síndrome caracterizada
por úlceras pépticas atípicas, acidez de instauración
brusca, ausencia de células pancreáticas beta e
tumores dos illotes pancreáticos, que segregan gastrina. /
S. do aceite tóxico V. s. tóxica. / S. do cono terminal
Afectación sensitivomotora das raíces nerviosas de S II a
S V caracterizada por parálise de perna e coxa, con posibilidade
de marcha, contraccións fasciculares, anestesia
disociada, dores de tipo urente, trastornos esfinterianos e
sexuais, menos graves cós producidos pola síndrome da
cola de cabalo. / S. do corpo caloso Síntomas que se
observan en casos de tumores ou lesións vasculares do
corpo caloso, e que fundamentalmente consisten en trastornos
psíquicos como apraxia, ataxia, ás veces paresia e
contracturas musculares das extremidades. / S. do corpo
de Luys Síndrome que produce contraccións de tipo
coreiforme, defecto na linguaxe e hipotonía. / S. do
corpo estriado Síndrome caracterizada por rixidez
conxénita, con atetose, ataques espasmódicos de risa e
choro, sen parálise nin trastornos sensitivos. / S. do escaleno
Síndrome que se caracteriza por crises vasomotrices
e dolorosas, localizadas na man e no antebrazo. / S. do
globo pálido Síndrome de Hunt. / S. do lactante brando
(floppy infantil) Miopatía conxénita que se manifesta
por hipotonía e debilidade muscular producida por alteracións
na fibra muscular estriada (inclusións eosinófilas,
fragmentación miofibrilar e ancheamento da banda Z). /
S. do miaño Síndrome caracterizada por microcefalia,
hipertelurismo, epicanto, base nasal ampla, micrognatismos,
dermatoglifos anormais e deficiencia mental.
Aféctalle sobre todo ó sexo feminino, e os neonatos que
o padecen emiten un berro débil parecido a un miaño.
Débese á deleción parcial do brazo curto dun dos cromosomas
do quinto par. / S. do neno golpeado Síndrome
caracterizada por lesións óseas e de tecidos brandos en
nenos que foron sometidos a malos tratos. / S. do seo
carotídeo Síncope vasovagal causada pola compresión
ou pola hipersensibilidade do seo, que se caracteriza por
síncope con ou sen convulsións. / S. do seo cavernoso
Síndrome caracterizada por edema da conxuntiva, da
pálpebra superior e do nariz, con parálise dos pares
craniais III, IV e VI, producida na trombose do seo cavernoso.
/ S. do tronco basilar Síndrome caracterizada por
perda do coñecemento, parálise pseudobulbar, tetraplexía
e reacción miótica pupilar na oclusión do tronco basilar.
/ S. do vermis Síndrome cerebelosa que se presenta en