1 - principio.qxd

161 colículo
coleríxeno-a adx. Que produce o cólera.
colerofobia s.f. Temor patolóxico ó cólera.
colerraxia s.f. Saída accidental de bile por laceración
hepática.
colerrea s.f. Segregación ou excreción profusa de bile.
colescopia s.f. Exame do sistema ou función biliar.
colestano s.m. Hidrocarburo “nai” do colesterol.
colestanol s.m. Derivado do colesterol que se atopa nas
feces humanas.
colestase s.f. Detención do fluxo de bile, debida a
obstrucción dos conductos biliares.
colestásico-a adx. Que tende a diminuír ou dete-lo fluxo
de bile. Tamén se di colestático.
colesteatoma s.m. Tumor benigno formado por células
epiteliais escamadas e colesterol que se desenvolve no
oído medio como consecuencia da otite media crónica
con metaplasia escamosa ou extensión de epitelio escamoso
cara a dentro para tapizar unha cavidade quística en
expansión.
colesteatose s.f. Dexeneración adiposa do fígado con
acumulación de ésteres do colesterol.
colesterase s.f. Fermento que cataliza o desdobramento
do colesterol.
colesterina s.f. Colesterol.
colesterinemia s.f. Presencia de colesterina ou colesterol
no sangue. Tamén se di colesteremia, colesterolemia.
colesterinose s.f. Colesterose.
colesterinuria s.f. Presencia de colesterina ou colesterol
na urina.
colesteroderma s.f. Xantoderma.
colesterol s.m. (C 27
H 46
O), esteroide máis abundante nos
tecidos animais, especialmente na bile, que se atopa no
plasma sanguíneo esterificado con ácidos graxos e unido
a proteínas, desempeñando un papel importante na patoxenia
da formación de ateromas nas arterias. Na pel é o
precursor do deshidrocolesterol, precursor á súa vez da
vitamina D.
colesterolemia s.f. Taxa de colesterol no sangue.
colesteroluria s.f. Colesterinuria.
colesterose s.f. 1. Colesterinose, estado debido a unha
alteración do metabolismo dos lípidos caracterizada por
depósito de colesterol en cantidades anormais nos
tecidos. 2. Presencia de cristais de colesterol na cámara
anterior do ollo.
colestiramina s.f. Resina intercambiadora de ións que se
administra por vía oral no tratamento das hipercolesterolemias.
coleterapia s.f. Tratamento de certas enfermidades pola
administración de bile.
coletórax s.m. Colección de bile no espacio pleural.
colexénico -a adx. Productor de bile.
colgallo s.m. 1. Masa de tecidos que quedan colgados
porque non se separaron completamente do corpo,
colgallo accidental. 2. En cirurxía estética e plástica,
porción de tecido disposto para ser trasplantado, unida ó
resto dos tecidos e vascularizada a través dunha base
estreita, colgallo pediculado.
colibacilar adx. Relativo ó colibacilo.
colibacilemia s.f. Presencia do colibacilo no sangue.
colibacilo s.m. Bacilo do colon ou Escherichia Coli.
colibacilose s.f. Enfermidade diarreica causada por
Escherichia coli.
colibaciluria s.f. Presencia de Escherichia coli na urina.
cólica s.f. Unha das arterias abdominais.
cólico -a adx. 1. Coleico, relacionado coa bile. 2. Relativo
ó colon. // s.m. 3. Dor aguda espasmódica, característica
das vísceras abdominais e os seus conductos: vías
biliares, vías urinarias, tracto dixestivo, útero. // C.
cúprico. Cólico entre os traballadores do cobre. / C. de
chumbo ou dos pintores. Cólico intestinal debido á intoxicación
por chumbo, caracterizado por dor aguda,
retraemento, contractura do ventre e vómitos pertinaces.
/ C. do lactante. Paroxismo doloroso con choro e irritabilidade
en nenos pequenos, debido a diferentes causas,
coma tragar aire, trastorno emocional ou sobrealimentación.
/ C. meconial. Cólico do neonato que se atribúe a
ter inxerido meconio. / C. menstrual. Dor abdominal
intensa no período menstrual ou en casos de amenorrea. /
C. miserere. Obstrucción intestinal. / C. nefrítico.
Cólico renal debido a litíase. / C. salival. Ataques periódicos
de dor na rexión dunha glándula ou conducto
salival, acompañados de inflamación aguda da glándula e
producidos con ocasión de litíase salival. / C. saturnino.
Cólico de chumbo. / C. uterino. Cambra dolorosa do
músculo uterino que aparece ás veces durante o período
menstrual ou asociado con enfermidade uterina.
colicodinia s.f. Dor no colon.
colicoplexía s.f. 1. Parálise do colon ou intestinal. 2.
Cólico saturnino e parálise debidos a envelenamento por
chumbo.
colicuación s.f. 1. Necrose ou dexeneración licuefacta. 2.
Abundancia de excrecións.
coliculectomía s.f. Extirpación cirúrxica do colículo
seminal.
coliculite s.f. Inflamación da uretra ó redor do colículo
seminal. Tamén se di verumontanite.
colículo s.m. Eminencia ou pequena elevación sobre as
partes que a rodean. // C. caudal ou inferior. Cada unha
das eminencias situadas na rexión posterosuperior dos
pedúnculos cerebrais, por detrás da epífise, relacionados
coas vías ópticas reflexas. / C. cranial ou superior. Cada
unha das dúas eminencias na rexión posterosuperior dos